Abu al-Qasim
Abu al-Qasim (mortu a Capu Culonna lu 13 di giugnettu 982) fu emiru di Sicilia. Sutta lu sò cuvernu, la dinastìa kalbita di Sicilia cuntinuau la pulìtica di espansioni ntô cuntinenti. Pigghiaru lu cuntrollu di la Calabbria, facennu razzìi cchiù àutu a Tàrantu apprufittannu di la dibbulizza di lu mpiru bizzantinu a cui sti tirritoria furmarmenti appartinèvunu.
Abu al-Qasim era frati dû sò pridicissuri Ahmad ibn Hasan e figghiu di Hassan al-Kalbi, lu funnaturi dâ dinastìa kalbita chi s'avìa nstallau a Palermu ntô 946. E' canusciutu pi aviri participatu ô cummattimentu di Capu Culonna, n Calabbria, unni l'àrabbi cummatteru contra l'esèrcitu di Uttuni II dû Sacru Rumanu Mpiru. Abu al-Qasim murìu n cummattimentu, ma l'àrabbi vinceru lu cummattimentu.
Fu sutta lu regnu di Abu al-Qasim ca Ibn Hawqal visitau Palermu (era lu 972), lassannu una dî picca tistimunianzi diretti di la vita a Palermu all'èbbica.
