Apprufunnimenti dê nutizzi dâ pàggina principali

Dâ Wikipedia, la nciclupidìa lìbbira.
Jump to navigation Jump to search

Ccà s'attròvanu l'apprufinnimenti dè nutizzi misi ntâ pàggina principali e ca hannu la nicissitati di èssiri cuntati cchiù megghiu e cu chiossai dittagghi, oppuru c'hann'a èssiri arripigghiati ntê jorna ca vènunu picchì hannu stràstrichi, o àutri sviluppi.

Berlusconi e l'abbrunzatura di Barack Obama[cancia | cancia la surgenti]

SilvioB.jpg

6 di nuvèmmiru, jovidìa

  • (ANSA) Lu nostru prisidenti dû cunsigghiu, Silviu Berlusconi, arifirènnusi ô novu 44èsimu prisidenti miricanu ora ora eliggiutu, Barack Obama, dissi d'iddu ca è "beddu, giùvini e abbrunzatu": ssa palora "abbrunzatu" fici scatinari na granni pulèmica ntâ l'upposizzioni.

    Belusconi, ca nta stu mumentu s'attrova a Mosca, a chiddi ca non capìsciunu bonu zoccu ogni vota vulissi dìciri stu cristianu, dici: «Si tràsunu 'n campu li mbicilli semu fricati. Pi daveru c'è quarchidunu ca penza ca chiddu ca dissi non è na carinirìa? E' nu grannu cumprimentu, mmeci!»
    Veltroni ci mannau a diri: «Li sprissioni culpìsciunu nta na manera assai gravi la mmàggini e la dignitati dû nostru Paisi 'n capu â scena ntirnazziunali. N'òmunu di Statu non pò cunzintìrisi, cu battuti di cabaret, sta mancanza di rispettu. Spiramu armenu ca ci facissi li scusi ufficiali.»

7 di nuvèmmiru, venniridìa

  • (APCOM) Doppu chiddu ca succidìu ajeri a Mosca, quannu lu premier ci detti di li "mbicilli" a tutti chiddi ca non s'àppiru a capiri dâ "carinirìa" mplìcita ntâ difinizzioni di "abbrunzatu" pi Barack Obama, aoggi a Bruxelles ci fù n'àutra forti pulèmica ntra Berlusconi e nu jurnalista miricanu, Steve Scherer, di l'agginzia Bloomberg, ca, senza ca s'avìa scrivutu pi parrari, versu la fini di na cunfirenza stampa , cci dissi ô nostru primu ministru: «Prisidenti si renni cuntu ca lu sò cummentu supra Obama è uffinzivu ntê Stati Uniti? Pirchì non addumanna simpricimenti scusa?.» Allura, Berlusconi arrispunnìu: «Ti mintisti macari tu ntâ lista di chiddi ca appi a chiamari mbicilli? Cummprimenti! Ma dai, ma pi favuri, addumanna tu scusa a l'Italia.»
    Sta facenna pruvucau la fini lesta dâ cunfirenza e la misa dû crunista nta l'elencu di li mbicilli.

8 di nuvèmmiru, sabbatudìa

  • ( LA STAMPA.it - Dû sò currispunneti di Nova York)
    Jovidìa di sta simana, quarchi urata doppu la "carinirìa" di Berusconi pi Osama, lu novu prisidenti miricanu fici nu giru di telefunati ê leader di 9 Paisi amichi e alliati, e ntra chissi l’Italia non c’era.
    Pâ mancanza dâ telefunata ntâ siratina di jovidìa ô leader talianu, non vinni diciuta nudda mutivazzioni dê portavuci di Obama, ma ntra li dimucràtichi di Washington si cogghi na certa surprisa pê palori diciuti a Mosca dû nostru prisidenti dû cunsigghiu, ca foru pi sùbbitu arripurtati e abbanniati a granni vuci dê menzi di cumunicazzioni miricani.
    «Forsi quarchidunu avissi a diri a Berlusconi ca li miricani eliggeru lu novu prisidenti! E fussi macari lu casu di fàricci nutari ca essennu iddu n'afrumiricanu non pò èssiri abbrunzatu» dici Sidney Blumenthal, ex cunsiggheri di Bill Clinton, secunnu cui «la sciddicata di Berlusconi finìu ntê files dû team Obama 'n tempu riali» pô sèmprici fattu ca li jòvani funziunari ncaricati dâ pulìtica èstera travàgghianu 24 uri supra a 24, spiciarmenti supra ô web, catalugannu ogni nfurmazzioni.

    Cunziddiratu ca sta telefunata fatta di Barak Obama a l'Australia, a la Nglaterra, ô Canada, Francia, Girmania, Israeli, Giappuni, Messicu e Corea dû Sud, ccà, nti nuàutri nun vinìa fatta, Palazzu Chiggi accuminciau n'upirazzioni di ricùpiru diprumàticu cu na trattativa ca purtau a l'accòrdiu pi na telefunata ntra Obama e Berlusconi ca ci fu ntô tardu d'ajeri sira, unni vinni cunfirmata l' "amicizzia e cullabburazzioni" ntra li dui Paisi, dànnusi appuntamentu ô pròssimu G8.

9 di nuvèmmiru, duminicadìa

  • Corriere della Sera.it
    Pariggi - Carla Bruni, muggheri di Nicolas Sarkozy, ca a frivaru d'avannu eppi la naziunalità francisa, doppu ca sintìu li frasi di Silviu Berlusconi ca avìa addifinutu «abbrunzatu» Barack Obama, dichiarau nta na ntirvista pubbricata sabbutudìa ntô "Le Journal du Dimanche", di èssiri cuntenti ca non è cchiù taliana. «Quannu sentu a Berlusconi pigghiari sta cosa â liggera e sghirzari supra ô fattu ca Obama è "sempri abbrunzatu", mi faci stranu. Ssa cosa si mittissi puru supra a l'umurìsimu... Ma ô spissu, sugnu filici assai di èssiri addivintata francisa».

L'artìculu urìgginali di "Le Journal du Dimanche"

Lu suttamarinu russu[cancia | cancia la surgenti]

Nu suttamarinu russu.

10 di nuvèmmiru, lunidìa

  • Nta lu ncidenti accapitatu a nu suttamarinu russu, ca stava facennu nu viaggiu di prova ntô mari dû Giappuni, mòrsiru sei marinara e quattòrdici civili: ci lu dissi lu portavuci dû cumitatu nvisticativu Vladimir Markin a l'agginzìa russa Interfax. Vinni dìciutu macari, senza tràsiri piro ntê dittagghi, lu mutivu ufficiali dâ straggi. Nu malufunzionamentu tècchinicu, fici riaggiri arcuni dispusitivi dâ navi a nu fàusu allarmi contr'a lu focu: lu gassi freon a prissioni àuta, ca servi pi livàricci l'ussìgginu ô focu, trasìu nta na sizzioni stagna. Lu freon nun havi nuddu ciàuru e mancu culuri e, essennu cchiù pisanti di l'ària, si ivu a dipusitari agghiri lu vàsciu senza ca li cristiani ca èranu nta ssa sizzioni si pòttiru addunari dû pirìculu murtali.

L'India sbarcau, macari idda, supr'â luna[cancia | cancia la surgenti]

14 di nuvèmmiru, venniridìa

  • Nova Delhi: L'India sbarcau, macari idda, supr'a luna - Di l' 8,20 di sira di venniridìa (uràriu di Nova Delhi), ntâ luna c’è n’àutra nova bannera aranciuni, janca e virdi, chidda dâ Ripùbbrica di l’Ìnnia: doppu 25 minuti dâ partenza, la navetta senza equipàggiu "Aditya" accuminciau a mannari â basi tirrestri di Bangalore li mmàggini di l'astrunavi chê culuri dâ bannera.

    L'astrunavi havi a bordu tanti strumenti ca hann'a misurari la cunzistenza di l'attimmusfera dû satèlliti, ca ntâ luna è fina fina, pigghiari petri e pruvulazzu dô solu e fari na mappa dâ supirfici lunari. L'ubbiettivu primàriu di l'upirazzioni è pirò chiddu d'attruvari si cci sunnu tracci di "èliu 3", n'isòtupu assai diffìcili d'attruvari supr'â terra, ma ca è mpurtanti pi purtari a cumpritari li prugrammi di enirgìa nucliari. La missioni custau quarchi 80 miliuna di dollari.