Acqua (vìppita)

Dâ Wikipedia, la nciclupidìa lìbbira.
L'acqua

L'acqua (H2O: 2 àtumi d'idrògginu e 1 d'ossìgginu) è lu lìquitu cchiù cumuni supra la terra. Nurmalmenti havi nuddu aduri, nè sapuri, nè un culuri forti.

Li chianti, armali, e pirsuni hannu a vìviri l'acqua pi campari, picchì li nostri còrpura nn'hannu di bisognu pi stari 'n saluti. P'asempiu, l'acqua è n'elimentu mpurtanti dû suduri, dû sangu, dâ sputazza, e di l'urina. Lu suduri aiuta lu corpu a mantèniri la sò timpiratura. Lu sangu porta tutti li sustanzi nutrientistòmacu pi tutti li parti dû corpu. La sputazza nn'aiuta a pistiari e a diggiriri lu manciari. L'urina nn'aiuta a jittari via li sustanzi chìmici e tòssici dû corpu.

L'acqua è l'elementu cchiù cumuni di tutti li vìppiti cchiù canusciuti, p'asempiu: latti, sucu, e vinu. Ogni vìppita havi l'àutri elimenti chi cci agghiunci o lu sapuri o li nutrienti, p'asempiu, zùccaru, frutta, e ogni vota alcool videmma. L'acqua chi na pirsuna o n'armalu si pò vìviri si chiama «putàbbili». L'acqua ca s'attrova nta l'ocèani è acqua salata (e dunca nun è putàbbili), ma li lachi e ciùmura nurmalmenti cumprènninu acqua frisca.

L'acqua è puru mpurtanti pî cèlluli picchì certi tipi d'elimenti si rinèscinu a squagghiàricci. Pi chissu, cci duna nu mediuriazzioni chìmichi, e rinesci a purtari l'elimenti ntô sangu pi tuttu lu corpu. L'acqua aiuta a ridùciri e eliminari li risìdui dû corpu e aiuta la furmazzioni di l'urina.

L'acqua avi vide proprieta fisichi e chimichi assai mpurtanti. Una di li principali iè chiddra ca fa legami cu l'idrògginu e ìè sta cosa ca duna molti particularita strani all'acqua. Doppu c'è di diri ca a quattru gradi iè lu puntu unna iavi la densità chiù ranni poi sia ca all'acchianari ca alu scinniri di la temperatura la desità cala.


Lijami du fira[cancia | cancia la surgenti]

Wikimedaglia
Chista è na vuci nzirita nni l'artìculi n vitrina, veni a diri ca è una dî mègghiu vuci criati dâ cumunità.
Fu ricanusciuta nnô 2006

S'hai traduciutu n'artìculu o hai criatu na vuci e riteni ca sia lu casu di fàrila canùsciri picchì è cumpreta n tuttu, signàlila. Naturalmenti, sunnu boni accittati suggirimenti e canciamenti chi mìgghiùranu lu travagghiu.

Signala na vuci          Archiviu         Vidi tutti l'artìculi n vitrina

Template:Link FA

Template:Link FA