Zeta di Riemann

Dâ Wikipedia, la nciclupidìa lìbbira.

La zeta di Riemann è na funzioni di variabbili cumplessa a valuri cumplessi, chi pigghia lu nomu dû matimaticu tidescu chi la sprummintau, Georg Friedrich Bernhard Riemann. E' nnicata cu lu sìmmulu \zeta(s) e difinuta di la formula


\zeta(s)=\sum_{k=1}^\infty\frac1{k^s}

Sta funzioni di variabbili cumplessa è difinuta pi quannu la parti riali di s è cchiossai di 1, ma si pò pruluncari analiticamenti a na funzioni meromorfa difinuta nti tuttu lu pianu cumplessu.

Propriatati[cancia | cancia la surgenti]

Quannu s è nu nùmmuru paru (2, 4, 6, ...) lu valuri dâ zeta di Riemann è nu nùmmuru irrazziunali multiplu di na putenza di pi grecu. Quannu s è sparu (3, 5, 7, ...) nun si sapi quasi nenti. Si sapi sulu ca \zeta(3) è irrazziunali.

La ipòtisi di Riemann è na cèlibbri cuncittura liata ê valura dâ zeta di Riemann pi cui la funzioni vali zeru. Secunnu sta cuncittura, tutti sti valura hannu parti riali uguali a 1/2.