The Great Pretender
| The Great Pretender | ||
|---|---|---|
| Artista: | The Platters | |
| Tipu album: | 7" sìngulu | |
| Data dâ nisciuta: | 3 di nuvèmmiru 1955 | |
| Durata: | 2 min 36 s | |
| Album di pruvinenza: | Back to the Light | |
| Gèniri: | Rhythm and blues | |
| Prudutturi: | Buck Ram | |
| Noti: | Pubbricatu comu A-side di “I'm Just a Dancing Partner” 1# (Regnu Unitu) | |
| Cumpusituri: | Buck Ram | |
| Casa discugràfica: | Mercory Records | |
| Singulu pricidenti: | Only You (And You Alone)/You Made Me Cry | |
| Singulu succissivu: | My Prayer/You've Got) The Magic Touch | |
The Great Pretender è na canzuna pupulari riggistrata di The Platters, cu Tony Williams comu vuci sulista, e pubbricatu comu sìngulu lu 3 di nuvèmmiru 1955.
La canzuna
[cancia | cancia lu còdici]Li paroli e la mùsica sunnu stati criati di Buck Ram, manager e prudutturi di Platters, cantaturi di successu prima di passari a la pruduzzioni e la gestioni. The Great Pretender arrivò ô 1° postu sia nnâ classìfica R&B ca nna chidda pop dû 1956. Buck Ram dissi ca scrissi la canzuna 'n 20 minuti ntô bagnu dû Flamingo Hotel, circannu di aviri na canzuna simili a lu successu di Only You (And You Alone). Ntô 2004, la canzuna fu vutata comu a 360° cchiù granni canzuna di tutti li tèmpura dâ rivista Rolling Stones.
Virsioni di Freddie Mercury
[cancia | cancia lu còdici]| The Great Pretender | ||
|---|---|---|
| Artista: | Freddie Mercury | |
| Tipu album: | 7" e 12" sìngulu; cassetta; CD | |
| Data dâ nisciuta: | 27 di frivaru 1987 | |
| Durata: | 3 min 30 s | |
| Album di pruvinenza: | The Freddie Mercury Album | |
| Gèniri: | Rhythm and blues | |
| Prudutturi: | David Richards, Freddie Mercury, Mike Moran | |
| Noti: | Pubbricatu comu A-side di “Exercises in Free Love” 4# (Regnu Unitu) | |
| Cumpusituri: | Buck Ram | |
| Casa discugràfica: | EMI | |
| Singulu pricidenti: | Time | |
| Singulu succissivu: | Barcelona | |
Ntô 1987 Freddie Mercury ncisi na propria virsioni di sta canzuna cu l'aiutu di Roger Taylor, battirista dî Queen, ca si òccupò di cori 'n falsettu, nclusa na l'album sulista The Freddie Mercury Album e nnâ raccolta dî Queen Greatest Hits III. Nna sta ncisioni è prisenti nu nun editu e viluci cancìu di tunalitati, carattiristica nun prisenti nnâà virsioni urigginali di The Platters. Lu sìngulu di Freddie Mercury fu pubbricatu lu 23 di frivaru 1987. LaA virsioni longa dû branu cumpari ntô sìngulu 12” e CD. La B-Side dû sìngulu fu “Exercises in Free Love” (canzuna a l'èbbìca nun ancora mica 'n nu album). Ntô 1992 lu branu vinni mixatu di Brian Malouf e misu nna l'omònima compilation pùstuma di Freddie Mercury, pubbricata pi cilibbrari lu 1° annivirsariu di la so morti. Nna una di li so ùrtimi ntirvisti vidiuriggistrati nnâ primavera dû 1987, Mercury spiegò ca la canzuna era particularmenti adatta pi iddu, pi discrìviri la so carrera ntô palcu.
Vidiu clip
[cancia | cancia lu còdici]Pû vidiu clip dâ canzuna (puru chistu giratu ntô frivaru 1987) Freddie cumparìu vistutu 'n modu eleganti e di fiancu supra nu sfunnu nìuru câ scritta “The Great Pretender” 'n jancu a li so' spaddi (u tema jancu-nìuru fu spissu utilizzatu di Freddie Mercury e dî Queen jennu arredi ê primi album – a esempoi l'album Queen II vinni idealmenti divisu 'n dui facciati, a “White Side” e la “Black Side”); vinnìru misi puru arcuni mumenti di so vidiu clip cchiù famusi (spiciarmenti chiddi chî Queen, Crazy Little Thing Called Love, It's a Hard Life, I Want to Break Free e Bohemian Rhapsody), tutti novamenti girati pi l'occasioni e puru quarchi siquenza 'n cui lu cantanti, l'amicu Peter Straker e lu battirista Roger Taylor cumpàrinu vistuti di Drag queen. Chistu fu l'ùrtimu vidiu giratu di nu Mercury facirmenti ancora 'n saluti (circa tri misi doppu nfatti fu dicchiaratu sierupusitivu e chi poi accuminzau a diminuiri sempri cchiù assai drasticamenti tutti li so apparizzioni pùbbrichi) e puru lu primu vidiu 'n cui lu cantanti cumpari senza li so baffi, ca cci carattirizzaru â so prima mitati di l'anni uttanta. Vinni riggistratu nu vidiu puru pi la virsioni estesa dâ canzuna (pubbricatu ntô DVD prisenti ntô box set Freddie Mercury Solo Collection dû 2000), 'n cui vìnniru agghiunciuti arcuni siquenzi dû “rarrieri i quinti” duranti li riggistrazzioni dû clip.