I riti dâ Sumana Santa: manifestazzioni riligiusa populari tipica dû cumuni italianu di "Baccialona Pizzaottu" o Barcellona Pozzo di Gotto.

Origgini

I riti dâ Sumana Santa o Santa Sumana trovunu fundamentu ntâ "storia dâ Sicilia Spagnola dû 1516 - 1713 quannu l'intera isula suggetta â duminazzione dâ Curona d'Aragona, junciuta ô Regnu di Napuli passa sutta â giurisdizzione dâ "Curona di Spagna". Ntô 1571 i Pizzauttisi ottenunu dâ Gran Corti Arcivescuvili di Missina l'autorizzazzioni â nomina dû Cappiddanu di stanza a San Vitu senza cchiù dipenniri dall'Arcipritura di Milazzu. Â prima prucissioni è effettuata ntô 1621 comu motu di prutesta versu i Giurati dâ cìtati di Milazzu, â cui giurisdizzione Pizzaottu dipinnia puliticamenti e fisicamenti, costituendunni nâ luntana frazzioni e comu votu e prumissa pî rumpiri û ljiami di subordinazzioni, vinculu, chi sarà definitivamenti sciotu û 22 maiu 1639. In principiu è puttatu in prucissioni û Catafalcu dû Cristu Mottu, appoi sunnu 5 i simulacri che raffijuranu alcuni Misteri rispettivamenti: l'Orazzioni ntâ l’Ortu di Getsemani, û Signuri â colonna, â Caduta, û Signuri câ Cruci, l’Urna. Successivamenti è jiunciutu û simulacru d'Addulurata e via via, autri sceni rappresentativi dî "Stazzioni dâ Via Crucis" finu a jiunciri ô nummuru attuali. Nâ prima suspinsioni dâ Sacra Rappresentazzioni avveni in seguitu ad un eventu sismicu, canusciuto comu û "Tirrimotu dâ Calabria meridiunali dû 1783", in seguitu ô quali i gruppi statuari subbirunu nutivuli danneggiamenti. L'interruzzioni si prulunga finu ô 1800 e ntô 1801 è organizzata nâ stissa prucissioni ntô centru di Baccialona. Â frazzioni a punenti dû Longanu a sô vota, dipinniva dâ giurisdizzioni di Castroreale e avia già seguitu l'esempiu dâ comunità vicina ribbillandusi ai Giurati "Castriciani" facendu ricanusciri in campu ecclesiali â propria innipinnenza. L'autonomia dû casali di Baccialona è dilibberata dû "Parlamentu Sicilianu" Assimbrea Riggiunali Siciliana, ricanusciuta dû Re û 15 maiu 1815 e ratificata a Vienna û 28 fìvraru 1823 dû Re Firdinannu IV di Burboni (Firdinannu I dî dui Sicili) . L'unioni amministrativa dicritata û 5 ìnnaru 1835 'ntrasi in vigori û 1º giugnu 1836 ppí vuluntà dû Re Firdinannu II dî Dui Sicili, decidendu chi û nuovu comuni fummatu dâ fusioni dî dui antichi cuntradi potti û nomi cumpletu di Baccialona Pizzaottu. Da allura Barcellona Pozzo di Gotto havi dui Arcipreturi e vanta in occasioni dû Vènnerì Santu dui distinti prucissioni, pircursi e curtei. Duranti â "Guerra di Crimea" ntô 1854 scoppiò ntâ l'Europa nâ viulenta epidimia di culera che ben prestu súpira i cunfini dill'Alpi e scunvolgi tuttu l'arcu dâ Pinisula ma, è puru veru chi dui navi ingrisi pruvinenti dill'Innia cuntagiarunu l'Europa dû Nord, raggiungendu tassi autissimi di murtalità ntê pruvinci di Messina e Palermo. Puru ntâ st'occasioni nun sunnu effettuati î cilibbrazzioni pû timuri di cuntagi duvuti a nummerusi fuculari.

Dill'influenza spagnola restunu chiari impronti persinu ntâ definizzioni etimologgica: dâ spagnola Semana Santa â locali Sumana Santa. Non i fasti barocchi da "Sumana Santa di Siviglia" o di Malaga o di Cordova o di Granada, non l'incissanti curtei prucissionali, sempri di chiara matrici ibberica, di Trapani o Enna o Caltanissetta ma, una di cchiù suggistivi e ppi nummuru di simulacri, sicuramenti â cchiù ricca e variegata.

Manifestazzioni

Mèrcuri Santu: Ritu dell’Ecce Homo e incontru dî Visillanti di Baccialona e Pizzaottu, pressu â Chiesa di Gesù e Maria a Pizzaottu.
Gìoveri Santu: ntâ tutti î chiesi Missa in Coena Domini cû ritu dâ lavanda dî pedi, prucissioni dill'Apostuli e visita all'Altari dâ Reposizzioni impropriamenti ditti Sapuccri. Viri Altari dâ Reposizzioni.
Vèrneri Santu: ntâ tutti i parrocchi Passioni dû Signuri, attaccatura dî Campani sostituiti dî tracculi, spoliazzioni dill'Altari. A Pizzaottu: vestizzione dî Giudei. Prucissioni dî Vari accumpagnati dî Visillanti ô cantu dâ Visilla ("Vexilla Regis Prodeunt ....") di Venanzio Fortunato e incontru ô vesperu supra ô Ponti Longano.
Sabbatu Santu: ntâ tutti î parrocchi: Veglia Pasquali.
Lùneri dell'Anciulu: pressu â Chiesa di Gesù e Maria, a Pizzaottu: Missa solenni e Riposizzione dâ Teca dell’Ecce Homo.
Dumìnica in Albis: ntâ Parrocchia d'Oritu â Prucissioni d'Incontru tra û Cristu Risortu cû Maria.

I Vari

Ntâ manifestazzioni similari resta ancora in usu û Catalettu o "Catafalcu" ccû Cristu Mottu, spissu vilatu chê culuri dû luttu. Ntê rapprisintazzioni dî Riti dâ Sumana Santa di Baccialona Pizzaottu, ntâ tutti î Prucissioni û Catafalcu è sostituitu con urni o tabbuti di lignu e cristallu, di ccâ dirivanu l'etimi "bara" e "baretta". I temmini vara, vara (folclore), "varetta" e "varare" sunnu dirivati dû latinu e dû spagnolu chi significa "guidari", "puttari" ccû asti o tavuli di lignu, favurendu a fimmata ppi mezzu l'usu di cavalletti. Û trasportu e î fimmati lungu û traggittu prucissionali canciaru ccû l'evoluzzioni dî tempi: û trasportu a spadda fattu dâ puttaturi e i cavalletti sunnu ora sustituiti cun cchiù comudi carri, i quali, hannu mantenutu sulu l'asti ppû direzzionamentu e trascinamentu dî simulacri.

Tipologia

Ordini e nomi dî Vari	Baccialona	Pizzaottu
L'Ultima Cena	Â Cena 1801 (bottari, agrumari e spiritari)	Â Cena (carpinteri, faliggnami)
L'orazione nell'Orto degli Ulivi o Getsemani	Û Signuri all'Ortu (carpinteri e carrettari)	Û Signuri all'Ortu (viddani e sudalizzi cattolici)
Il Pretorio di Pilato	Û Pritoriu di Pilatu
La Flagellazione	Û Signuri â Culonna (fabbri firrari)	Û Signuri â Culonna
Ecce Homo	L'Accia Omu (Cunfraternita d'Ammaculata)	L'Accia Omu 1621 (Cunfraternita di Sant'Eusenziu)
Il Signore con la Croce	Û Signuri câ Cruci (broccari e vasari)	Û Signuri câ Cruci
Il Signore incontra le Pie Donne		Û Signuri 'ncontra Marta, Maria e Maddalena (cicculi ricreativi)
La Caduta	Û Signuri â cascata e a Veronica 1800 (sarti e putiari)	Û Signuri â cascata 1911
La Spoliazione delle vesti		Û Signuri spugghiatu dî Giudei
La Crocefissione	Û Crucifissu (Cunfraternita dû S.S. Crucifissu, faliggnami)	Û Crucifissu 1870 (Cunfraternita dû S.S. Sacramentu)
La Deposizione dalla Croce	Â Scesa o Deposizzioni dâ Cruci (appaltatori edili)
La Pietà	Â Pietà (piscineri)	Â Pietà
La Deposizione nel Sepolcro	Û Signuri puttatu ntô Sapuccru (jancheri)
I Simboli della Passione		I Simbuli dâ Passioni
Urna col Cristo Morto e Giudei	Û Signuri Mottu (Cunfraternita di S.S. Giuvanni Battista)	Û Signuri Mottu 1895
L'Addolorata	Â 'Ddulurata (Cunfraternita di S.S. Giuvanni Battista)	Â 'Ddulurata (Cunfraternita dill'Animi dû Purgatoriu)

Noti

"La Visilla e la tradizione musicale a Barcellona Pozzo di Gotto" - LP Albatros VPA 8495, 1989.
"Canti della Settimana Santa della provincia di Messina" - LP Albatros VPA 8508, 1989.
"I doli du Signuri - Canti della settimana santa in Sicilia", con M. Sarica - CD Ethnica n. 10, 1994.

Nta Commons s'attròvanu àutri mmàggini rilativi a Simana Santa di Barcialona-Pizzagottu.