Missina

(LA) « Messana Nobile Siciliae Caput »	(SCN) « Missina, nòbbili capitali dâ Sicilia »
(Vecchiu mottu dâ citati)

Missina



Nomu ufficiali:	Messina
Riggiuni:	Sicilia
Pruvincia:	Missina (ME)
Cuurdinati:	38°11'37"N, 15°33'15"E Ammustra ntâ mappa
Superfici:	211 km²
Abbitanti:	217 033
Dinzitati:	1.178 ab./km²
Cumuni cunfinanti:	Ciumidinisi, Itala, Munforti, Rometta, Sapunara, Scaletta, Bausu
CAP:	98121 - 98168
Prifissu telefònicu:	090
Situ ufficiali:	https://www.comune.messina.it/

Missina (Messina 'n italianu) è la terza cità cchiù granni dâ Sicilia, cu 217 033 ^[1] abbitanti ca sunnu chiamati missinisi. È capulocu di l'omònima pruvincia. S'attrova vicinu ô Capu Piloru, lu pizzu Nord-Est (autu-livantinu) dâ Sicilia e pi stu mutivu veni chiamata "La Porta dâ Sicilia". Lu strittu di Missina la sparti dâ Calabbria e dû cuntinenti.

Storia

Pristoria

Lu tirritoriu è abbitatu nzinu dî tempi dî Siculi e dî Sicani. Fu funnata comu cità dî Greci carcidisi di l'Eubea ntô 750 a.C., macari si certi autura mèttinu a data ntô 757 a.C., facennu di Missina a prima culonia greca, avanti a Naxos.

'N lingua sicula, si chiamava Zancle o Dankle "fauci" pâ furma dû so portu naturali, lu cchiù granni dâ Sicilia (Scaletta Zanclea, nu pajisi vicinu, porta ancora a resta di stu nomu).

Antichità

Sicunnu i Greci, la fauci dû portu era la stissa fauci ca usau Cronu mi castra a so patri, Uranu.

Anassilau di Riggiu, doppu ca scunfiggìu i forzi di Ippòcrati di Gela, fici arrivari genti dâ Missenia.

La cità fu misa a saccu dî Cartagginisi ntô 396 a.C. e fu cunquistata dî Romani ntô 264 a.C..

Età Minzana

Ntô Medioevu fu la cità cchiù mpurtanti dâ Sicilia e capitali, cu Palermu.

Età Muderna e Cuntimpurania

Ntô 1674-78, si ribbillò â Spagna e fu castijata a malu modu.

Custrujuta arrè appressu ô tirrimotu dû 1908, e doppu i bummardamenti nglisi dû 1941-1942 (chî ncursiuna ca accuminciaru già ntô 1940) pi chistu la cità àvi na struttura a scacchera chî stratuna larghi (armenu nzinu â custruzzioni dû tram).

U portu è u cchiù traficatu d'Europa e cullijatu ô cuntinenti dî ferribotti. È puru famusa pâ sedi univirsitaria, funnata ntô 1548, a sicunna 'n Sicilia.

Ntô 1955, Missina fu lu postu scigghiutu pi na cunfirenza dî ministri di l'èstiru di l'Europa punintina ca purtò a la criazzioni dâ Cumunitati Ecunomica Europea.

Munumenti e chiesi

A Missina, macari ca cci foru tirrimoti e guerri, cci sunnu ancora tanti munumenti antichi e chiesi, comu:

lu "Duomu" o "Matrici" (1197)
la chiesa di l'Annunziata dî Catalani (piriudu nurmannu)
li funtani di Uriuni e di Nittunu di Giovanni Angelo Montorsoli ('500)
lu Municipiu, custruitu di l'architettu Antoniu Zanca
lu Palazzu di Giustizzia di Marcellu Piacentini
la culonna (60 metri) dâ Madunnuzza ô Portu, custruita supra ô Forti San Sarbaturi
la chiesa di Cristu Re
la chiesa di Santa Eustochia, gran Santa missinisa
lu forti Gunzaga
la Gallarìa Vittoriu Emanueli
lu Tiatru Vittoriu Emanueli

Dimugrafìa

Pupulazzioni stòrica

Missina havi 217.033 abbitanti ntô 2025.^[2] La pupulazzioni dâ cità agghicau ô màssimu di 260.118 abbitanti ntô 1981, doppu ca si diminuiu a nu ritmu di circa 1.000 abbitanti l'annu.

Lu primu mutivu di stu finòminu è la crisi crònica dû travagghiu, lu secunnu lu trasfirimentu ê cumuni vicini. U cinsimentu dû 1911 registrò 'na drastica cuntrazzioni a causa dû tirrimotu di Missina dû 1908. Li vittimi èrunu 'n rialtà assái cchiù nummarusi di quantu putissi cumpariri di na sèmplici suttrazzioni ntra li dati di ḍḍu cinsimentu e chiḍḍu pricidenti, pirchì la città, quasi completamenti spupulata, era ripupulata di abbitanti di autri àrii di Sicilia e Calabbria, attirati dô pùbblicu di l'impiegu e dâ ricostruzzioni. Li famigghi missinisi ca avìanu campatu ntâ cità di prima dû 1908 oi sunnu assai picca.^[3]

Gruppi ètnici e minuranzi stranieri

A Missina ô 1° jinnaru 2025 c'erunu 11.986 furasteri, ca rapprisentunu lu 5,5% dâ pupulazzioni risidenti. Secunnu li statistichi ISTAT, ô 1° jinnaru 2025, la pupulazzioni furastera ca risidìa a Missina era 11 986 cristiani, uguali ô 5,5% dâ pupulazzioni.^[4] Li nazziunalità cchiù rapprisintati èranu:^[5]

Sri Lanka 3 621
Filippine 1 799
Romania 1 238
Maroccu 940
Iran 424
Bangladesh 346
Cina 339
Tunisia 261
India 233
Polonia 221

Pruvincia

Autri cità e posti ntirissanti ntâ pruvincia sunnu Barcialona, Milazzu, l'ìsuli Eolie (Lipari), u Tìnnaru, Taurmina, Giardina, Santu Stèfanu di Camastra e Capu d'Orlandu. Tutta la pruvincia cunteni 108 comuni.

A parrata

A parrata missinisa àvi carattirìstichi particulari, comu l'usu dû cunnizziunali mmeci dû cunjuntivu.

Trasporti

Trasporti urbani

Lu trasportu urbanu è fattu dâ metropulitana e di l'autubussi.

Metropulitana

La Metropulitana di Missina, gistita di l'Trenitalia, utilizza li binari dû passanti ferruviariu Giampilieri - Missina.

Autubussi

Lu trasportu citatinu supr'â umma è fattu di l'ATM Missina. Li lìnii di l'autubussi firrìanu pi tutta la citati e agghìcanu macari finu a nu pocu di cumuna cchiù vicini.

Porti

Porto Civile: è ntra li cchù granni porti dû Miditirraniu pi passiggeri ntô Strittu di Missina.

Tradizzioni

Vara dill'Assunta e sfilata dî Giganti e dû Camiddu.^[6]

Pirsunaggi cèlibbri

Antonellu di Missina, giniali pitturi dû Rinascimentu, lu primu a usari la pittura a ogghiu 'n Sicilia e in Italia, nascìu a Missina ntô 1430.
Santa Eustochia Calafatu di Messina
Michilànciulu Floriu Crollalanza, chi tanti 'ndizzî fannu idintificari cu William Shakespeare.
Fulippu Juvara, architettu, chi Amideu di Savoia, re di Sicilia, si purtò a Turinu, unni custruìu la Basìlica di Superga e fu esponenti di l'èbbica Barrocca, nascìu a Missina ntô [1678]].
Austinu Scilla, pitturi a scinziatu dû XVII sèculu.
Litteriu Paladinu, pitturi sicilianu dû '700.
Adolfo Celi, actor
Vincenzo Nibali, ciclista