Stone Cold Crazy
| Stone Cold Crazy | ||
|---|---|---|
| Artista: | Queen | |
| Tipu album: | Singulu | |
| Data dâ nisciuta: | 8 di nuvèmmiru 1974 | |
| Durata: | 2 min 16 s | |
| Album di pruvinenza: | Sheer Heart Attack | |
| Gèniri: | Hard rock, Heavy metal, Speed metal | |
| Prudutturi: | Roy Thomas Baker, Queen | |
| Noti: | Pubblicatu come double a-side nzemi a The Miracle ntô 1989 | |
| Cumpusituri: | Freddie Mercury | |
| Casa discugràfica: | EMI Parlophone | |
| Singulu pricidenti: | The Show Must Go On | |
| Singulu succissivu: | Bohemian Rhapsody | |
Stone Cold Crazy è na canzuna dû gruppu ngrisi li Queen, ca fa parti di l'album Sheer Heart Attack, dû 1974.
La paternità dâ canzuna è di Freddie Mercury, ca ntô 1970 la scrissi pi lu gruppu unni sunava, li Wreckage. La canzuna pirò veni attribuita a tuttu lu gruppu picchì cci foru tanti canciamenti musicali. Stone Cold Crazy è criduta di alcuni comu una dî primi canzuni heavy metal, nunustanti lu gèniri si fussi già ufficialmenti affirmatu anni prima, grazzi a gruppi comu Led Zeppelin, Black Sabbath e Deep Purple. La canzuna, pruposta dû gruppu 'n quasi tutti li spittaculi dî primi anni dâ sò carrera, fu pubblicatu comu sìngulu 15 anni doppu a pubblicazzioni nnô discu, ntô 1989, comu latu B dâ canzuna The Miracle. Pi l'occasioni fu pubblicata a virsioni live' cantanta nnô spittàculu tinutu ntô 1974 ô Rainbow Theatre di Londra. Brian May nnô DVD cuntinutu nnô Queen Rock Montreal, nisciutu ntô 2007, dissi: “La canzuna fu criata di Freddie cu na chitarra lèttrica”. La rivista musicali “Q” discrissi “Stone Cold Crazy” comu na canzuna trash metal, gèniri chi nun asistìa nni ddu pirìudu, facennu di lu gruppu lu patri di stu gèniri.
Virsioni di Metallica
[cancia | cancia la surgenti]Ntô 1991 lu gruppu miricanu di Metallica fici na cover dâ canzuna, prima misa nnâ compilation pubblicata 'n occasioni dû 40° annivirsariu dâ funnazzioni di l'etichetta discugràfica Elektra Records. Poi la canzuna fu misa comu latu B nnô sìngulu Enter Sandman, e nni l'album di cover Garage Inc.. La canzuna, diversa di l'urigginali pû testu, vincìu lu premiu Grammy comu megghiu canzuna heavy metal dû 1991.
James Hetfield cantau Stone Cold Crazy nzemi a li Queen e a Tony Iommi di Black Sabbath o Freddie Mercury Tribute Concert.
Curiusità e arricanuscimenti
[cancia | cancia la surgenti]- Stone Cold Crazy ntô 2009 arrivau ô 38º postu nnâ VH1’s 100 Greatest Hard Rock Songs, la classifica dû megghiu 100 canzuni hard rock di sempri stilata dâ VH1.
- Stone Cold Crazy affaccia nnî vidiu jòcura Rock Revolution e Guitar Hero: Metallica.
- Nnô discu Killer Queen: A Tribute to Queen è prisenti nnâ cover di Stone Cold Crazy cantata di li Eleven e di Josh Homme, cantanti di Queens of the Stone Age.