Sittèmmiru 2006
| 2005 | Abbinimenti dû 2006 | 2007 |
|---|---|---|
| Jinnaru 2006 | Frivaru 2006 | Marzu 2006 | Aprili 2006 | Maiu 2006 | Giugnu 2006 | Giugnettu 2006 | Austu 2006 | Sittèmmiru 2006 | Uttùviru 2006 | Nuvèmmiru 2006 | Dicèmmiru 2006 | ||
primu di sittèmmiru, venniridìa
- Etna. Ntô crateri di sud-est, di na trina di jorna è in attu na discreta attività strummuliana cu lanci di lapilli àuti cchiossai di 100 metri e chi tùmmunu appòi ntê vicinanzi dû crateri.
2 di sittèmmiru, sabbatudìa
- Tiru (Libbanu): Li surdati italiani sbàrcunu òi ntê costi libbanisi pi l'opirazzioni ONU di mantinimentu dâ paci, doppu la tregua tra Israeli e li Hezbollah e la rilativa risoluzzioni di l'ONU.
7 di sittèmmiru, jovidìa
- Etna. La culata lavica scinni a 2850 metri e si diriggi versu la vaddi dû Bovi.
8 di sittèmmiru, venniridìa
- Canali di Sicilia: Circa 450 extracumunitari agghicaru stanotti a Lampidusa.
9 di sittèmmiru, sabbutudìa
- Cape Canaveral: lu Shuttle Atlantis partìu pi na missioni di ùnnici jorna di assimblaggiu dâ stazzioni spazziali nternazziunali.
10 di sittèmmiru, diminicadìa
- Malesia: Valentinu Rossi vinci lu gran premiu di Malesia a Sepang.
- Monza: Michael Schumacher vinci lu Gran premiu d'Italia di Formula 1. Fernando Alonso s'appi a ritirari pi nu prubblema ô muturi, e ora lu ferrarista si truva sulu a du punti dû spagnolu. La Ferrari passa la Renault ntô campiunatu dî custruttura.
12 di sittèmmiru, martidìa
- Ginevra: Li scineziati dû CERN annunciaru nu sperimentu n cullabborazzioni cu l'istitutu nazziunali di fisica nucliari (INFN) pi misurari la massa di nu neutrinu. Nu fasciu di neutrini venni sparatu dâ cità svizzira, seggiu dû CERN pi appòi vèniri captatu nta nu labboratoriu dû Gran Sassu. Supra la basi di risurtati di l'analisi dû fasciu, si spera di putiri ditirminari la massa dâ particedda.
14 di sittèmmiru, jovidìa
- Londra. La squatra dû Palermu vincíu pi 0-1 cu na riti di Caracciolo contra la lucali squatra ngrisi dû West Ham, ntâ prima partita dû primu turnu dâ Coppa UEFA.
15 di sittèmmiru, venniridìa
- Firenzi: Mori Oriana Fallaci, scrittrici e giurnalista italiana cèlibbri nti tuttu lu munnu.
16 di sittèmmiru, sabbutudìa
- Roma: Lu papa Binidittu XVI si dispiaci pi aviri affinnutu li mussurmani cu nu discursu ntirpiritatu malu di certi rapprisintanti di l'islam.
17 di sittèmmiru, duminicadìa
- Roma: Lu Palermu è primu nzèmmula â Roma nnâ classificazzioni dâ Seria A, doppu aviri battutu la Lazio 2-1.
18 di sittèmmiru, lunidìa
- Kazakistan: la navicedda spazziali Soyuz, partìu cu n'equipaggiu di tri pirsuni tra cui la prima turista spazziali fimmina, na miricana di uriggini iraniani.
19 di sittèmmiru, martidìa
- Roma: Quattrumila pirsuni partècipunu a na manifestazzioni granni pi dumannari la custruzzioni dû ponti supra lu Strittu di Missina.
- Bangkok: Corpu di statu militari in Tailandia. L'esercitu apprufitta di na visita dû primu ministru a Tokiu pi pigghiari lu putiri, dichiarannu la fidiltà ô re.
20 di sittèmmiru, mercuridìa
- Palermu: Lu derby ô vèrtici dâ Seria A tra lu Palermu e lu Catania finisci 5 a 3. Lu Palermu è sulu n testa a la classìfica: stu fattu nun avìa succidutu mai prima di sta vota.
26 di sittèmmiru, martidìa
- Tochiu: Shinzo Abe veni eliggiutu Primu Ministru dû Giappuni.
28 di sittèmmiru, jovidìa
- Palermu: La squatra dû Palermu battíu pi 3-0, cu dui riti di Simplicio e una di Di Michele, la squatra ngrisi dû West Ham, ntâ partita di ritornu dû primu turnu dâ Coppa UEFA e accussì accanzau la qualificazzioni ô pròssimu turnu. La vigghìlia, li tifusi ngrisi forru prutagunisti di atti di vannalismu ntô centru dâ cità siciliana.
30 di sittèmmiru, sabbatudìa
- Melbourne: Davanti 97.500 spittatura, l'Àculi di West Coast bàttinu li Sydney Swans pi nu puntu (12:13:85 cu 12:12:84) pi vinciri lu sò terzu campiunatu dâ lia nazziuanli dû football australianu.