Satanic Surfers
| Satanic Surfers | ||
|---|---|---|
| [[Image:| 230px|]] | ||
| Paisi d'urìggini: | Svezzia |
|
| Gèniri: | Punk Hardcore | |
| Pirìudu d'attivitati: | 1989 - 2007 | |
| Casa discugràfica: | Burning Heart Records Bad Taste Records | |
| Album: | 9: 7 studiu; 1 live; 1 raccolti | |
| Situ Web: | satanic-surfers.com | |
| [[Image:{{{Fotugrafia}}}| 230px|{{{Didascalìa}}}]] | ||
Li Satanic Surfers furu na band punk hardcore svidisi, cu nfluenzi metal, attiva di lu 1989 a lu 2007.
Biografìa
[cancia | cancia la surgenti]La band nascìu ntô 1989 'n Lund (Svezzia) pi vuluntati di Rodrigo Alfaro e Erik Kronwall. 'N picca tempu iddi asciaru bassista (Tomek) e dui chitarristi: Jakobsen, sulista, e Blixtberg, rìtmica. Lu pruggettu fu abbannunatu pû mumentu picchì Erik, Rodrigo e Robert s'addidicàvanu chiossai cu n'àutra band, li Garbage D.C., câ cui nun àppiru assai successu. Ntonzi ntô 1992, accabbata la spirienza cu li Garbage D.C., arripigghiaru lu pruggetu di li Satanic Surfers cû novu chitarrista Fredrik Jakobsen. Ntô 1993 niscìu lu primu EP, "Skate to Hell" e doppu picca misi trasìu nnô gruppu Magnus Blixtberg comu sicunnu chitarrista. Sempri ntô 1993 Erik si nni jiu dô gruppu e fu sustituitu di Ulf. Ntô sittèmmiru dô 1994 niscìu lu sicunnu travagghiu, "Keep Out". Stu discu, pruduttu di la Burning Heart Records, nunustanti fussi nu sìmprici EP vennìu na sfunnacata di copii. Doppu varii participazzioni a compilations, a l'accuminzagghia dô 1995 puru Ulf si nni jìu dô gruppu. Lu sustitutu fu Rodrigo, ca fu custrettu a sunari la battarìa e a cantari (cosa assai nzòlita). Lu gruppu firriava la Svezzia facennu cuncerti e 'n maju 1995 ficiru videmma nu split cu li Ten Foot Pole. Nnû stissu annu riggistraru l'album "Hero Of Our Time" ca vinnìu assai copii 'n tutta Europa e nun sulu. Ntô 1996 lu gruppu niscìu di li cunfini nazziunali e fici pâ prima vota nu tour europeu nzinu a giugnu e doppu arrivau a fàciri macari na nica firriata 'n Canadà. Doppu arcuni participazzioni a fistival europei fìciru nèsciri videmma nu novu split chî 7 Hate, ntitulatu "Born 2 Skate". Ntô frivaru 1997 pubbricaru "666 Motor Inn" e un'annu doppu nesci n'àutru travagghiu, "As a Matter of Fact". Doppu dui tour, unu 'n Australia e n'àutru 'n Europa, ntô 1998 riggistraru chiddu ca veni cunzidiratu lu megghiu album dâ band svidisa, "Going Nowhere Fast", nisciutu ntô 1999 cu l'appoju dâ Epitaph. Di ddu mumentu la band e la Epitaph sunnu sempri nzèmmula mentri la Burning Hearts Records e la Bad Taste sunnu 'n pràtica tichetti spicìfichi pi la pruduzzioni nnû mircatu europeu. A la fini dû 1998 Tomek venni ispulsu di lu gruppu e sùbbitu sustituitu di lu frati giameddu di Magnus, Mathias. Pi fistiggiari li 10 anni di attivitati di li Satanic Surfers, lu gruppu fici nèsciri ntô 1999 la raccolta "Songs From the Crypt"; mmeci ntô 2000 criaru n'àutru album ca appi successu, "Fragments and Fractions". Doppu àutri tours stancanti 'n tuttu lu munnu (di lu Canadà nzinu 'n Australia e Giappuni), ntô 2001 Rodrigo dicidìu di tagghiarla cu lu doppiu "travagghiu" di cantanti e battarista, si misi a cantari e accussì la band asciau Martin Svensson comu battarista e cu iddu riggistraru ntô 2002 "Unconsciously Confined". L'ùrtimu travagghiu di li Satanic Surfers eni "Taste the poison" pubbricatu ntô 2005; chissu picchì doppu n'àutru abbannunu, di parti di lu chitarrista stòricu Magnus ntô 2007, la situazzioni avìa addivintata nzuppurtàbbili. Ntonzi doppu aviri accabbatu lu tour dô 2007 cu n'àutru chitarrista, Dana, lu gruppu si sciugghìu difinitivamenti.
Lu sonu di li Satanic Surfers, sibbeni eni chiddu tipicu dû punk/hardcore di li anni '90, havi videmma nfluenzi ca vannu di lu metal clàssicu nzinu a lu punk rock cupu di li Misfits e di li Nerve Agents.
Furmazzioni ô mumentu dû sciugghimentu
[cancia | cancia la surgenti]- Rodrigo Alfaro - vuci (1989 - 2007)
- Fredrik Jakobsen - chitarra, coru (1989 - 2007)
- Daniel "Dana" Johansson - chitarra (2007)
- Andy Dahlström - bassu, coru (2004 - 2007)
- Robert Samsonovitz - battarìa (2004 - 2007)
Vecchi Cumpunenti
[cancia | cancia la surgenti]- Magnus Blixtberg - chitarra, coru (1989 - 2007)
- Mathias Blixtberg - bassu (2000 - 2003)
- Martin "Snake" Svensson - battarìa (2000 - 2004)
- Pat Tomek - bassu, coru (1989 - 1999)
- Erik Kronwall - vuci (1989 - 1994)
- Ulf Lundell - vuci (1994)
Discugrafìa
[cancia | cancia la surgenti]- Skate to Hell, Bad Taste Records (1993)
- Keep Out, Burning Heart Records (1994)
- Hero of Our Time, Theologian Records / Burning Heart Records (1995)
- 666 Motor Inn, Burning Heart Records (1997)
- Going Nowhere Fast, Epitaph / Burning Heart Records (1999)
- Songs From The Crypt, Bad Taste Records (2000)
- Fragments and Fractions, Bad Taste Records (2000)
- Unconsciously Confined, Hopeless Records / Bad Taste Records (2002)
- Taste the Poison, Bad Taste Records (2005)
Lijami nterni
[cancia | cancia la surgenti] |
| Artìculu dâ seria Mùsica |
ARTÌCULI E LISTI
|
|
Storia di la mùsica |
CATIGURÌI
|