Salvatore Natoli (pulìticu)
| Prisirenti dâ Riggiuni Siciliana | |
|---|---|
| Durata mannatu | 27 di nuvèmmiru 1989 – 28 di nuvèmmiru 1989 |
| Pridicissuri | Rosario Nicolosi |
| Succissuri | Rosario Nicolosi |
| Dati ginirali | |
| Partitu puliticu | Partitu Ripubbricanu Italianu |
Salvatore Natoli (Giujusa, 4 di nuvèmmiru 1926 – Giujusa, 7 di aprili 2015) hà statu nu puliticu sicilianu.
Biografìa
[cancia | cancia la surgenti]Ngigneri, stòricu e sicilianista, adìriu a li battagghi nnipinnintisti nzemi a Andrea Finocchiaro Aprile e Antonio Canepa, funnannu la Liga Juvanili Siparatista di Missina[1][2]. Hà statu cunzigghieri pruvinciali e vicidillijatu a la pruvincia riggiunali di Missina, adìriu a lu Partitu Ripubbricanu Italianu e fu elettu cunzigghieri cumunali di Giujusa e Sant'Àita di Militieddu. Elettu diputatu di l'Assimbrea Riggiunali Siciliana nni l'Elizzioni riggiunali di lu 1967, 1971, 1976, 1981 e 1986 nnu culleggiu di Missina nta lu ruppu di lu PRI. Veni numinatu Assissuri Riggiunali Turismu, Cumunicazioni e Traspurti (VI-IX Liggislatura); Assissuri Riggiunali Travagghi Pùbbrici (VIII Liggislatura); Assissuri Riggiunali Cuupirazzioni, Cummerciu, Artiginatu e Pisca (IX Liggislatura)[3]. Lu 27 di nuvèmmiru 1989 veni elettu Prisirenti di la Riggiuni Siciliana, s'addimisi la stissa notti picchì lu diffìcili mumentu pulìticu nun li pirmittìa di guvirnari sicunnu lu principiu di nnipinnenza[4].