San Giuseppi

San Giuseppi (o San Juseppi) è lû patri putativu di Ghiesù Cristu, e maritu di Marìa, San Giuseppi è unu dî santi 'cchiù pupulari di l'icunugrafia cristiana. Falignami, ha statu aduttatu comu prutitturi dî travagghiatura. E' lu sulu santu chi nun ha fattu miràculi. Assai pupulari 'ntô calinnariu canonicu, lu journu dâ sô festa, lû 19 di marzu fù 'ppî longu tempu 'nû journu fistivu in Italia, e 'n Sicilia la sô festa è ancora assai sintuta.

Simbuli icunugrafici 'rî San Giuseppi

" Gigghiu jancu ": castità e purizza in quantu castu sposu di Maria.
" Bastuni ciurutu ": û pridistinatu. Ricorda û miraculu di quannu fu presceltu comu sposu di Maria.
" Sega, marteḍḍu e squadra ": umiltà. Strumenti 'rî faliggnami, attrezzi dû sô nobbili travagghiu.
" Bambinu Gesù 'ntê 'vrazza " o " Gesù carusittu tìnutu 'ppî manu ": ricorda â missioni di Patri putativu e custodi di Gesù.

Festa 'rî San Giuseppi

A festa 'rî San Giuseppi, ca è quannu accumincia a primavera avi assai celebbrazziuni ca' accominciaru prima 'rû cultu religgiusu. 'Nni paisi 'râ Sicilia l'altari 'rî chiesi s'addobbanu 'ccû pani abbinidittu 'rî San Giuseppi 'cchî forme 'cchiù fantasiuse. 'Nni riti religgiusi 'rû iornu spissu li parrini runanu â benedizziuni 'rî pani.^[1]

In Palermu e li paisi appressu su tradizziunali i vampi 'rî San Giuseppi, fatti 'rî mobili i ligna viecchi ca s'addumanu 'nnâ nutti 'ntra û 18 e û 19 'rî marzu. A festa un teni riconoscimentu pubblicu e i cristiani a fannu a cumm'è gghiè 'nnî quarteri populari i 'nnî paisi puru ca su illegali 'rî quannu nasciu û Statu Talianu e un si fici mai 'nâ leggi 'ppî regulamentarla. Cosa simili ci fu 'ccû curteu e i fochi r'artificiu 'rû Fistinu î Santa Rusulia, chi pero roppu fu arriconosciutu e organizzatu 'rû Comune. S'annu feste accussì puru in Pugghia, Calabbria, Mulisi, Tuscana e Val Trebbia.^[2]

I vivianne ruci 'rî San Giuseppi 'n Palermu su i Sfinci 'ccâ ricotta, fatti 'rî pasta fritta figghia 'râ tradizziuni araba. 'N Catania si mancianu i zeppole 'rî risu. Su parti 'rî Prodotti Agroalimentari Tradizionali arriconosciuti 'rû Statu Talianu.

'Nna cìvita i 'nna pruvincia 'rî Valencia, â festa î Sant Josep 'cchi fochi tradizziunali addivintò 'nâ festa civica assai sintuta, rura suverchiu i ru semane 'ccû cuncerti, manciate e curtei urganizzati tantu 'rô comune, tantu 'rê cunfraternite laiche ritte Fallas in tutti i quarteri. 'Un s'abbrucianu cchiù pire î ligna, ma statue î cartapesta ritte puru Fallas, ca su iudicate 'rê giurie 'ccâ assegnunu premi. 'Sti statue su fatte 'rî mastri artiggiani 'ccû misi 'rî travagghiu, e ssu û centru 'râ festa, in particulari 'nna "Nit del Foc" (nutti 'rû focu) quannu s'abbrucianu tutte. Las Fallas su parti 'rû Patrimonio Immateriali 'rî l'umanità 'rû UNESCO.^[3]

San Giuseppi è festeggiatu puru û 1° di maju 'ccû l'appellativu o titulu: artiggianu o falignami o lavuraturi o operaiu.

San Giuseppi 'n Sicilia

Elencu dî cumuni 'ccû fistiggiamenti pro San Giuseppi. Eventi pubblicizzati dâ siti e nutizziari d'amministrazzioni cumunali, enti riliggiusi e raccolti online di tradizzioni e divuzzioni populari.

Elencu incompletu. Lijami antropulogici. Non sempre û luogu di cultu, 'ppî svariati raggiuni, coincidi 'ccû tempiu dû titolari o 'ccû primitivu riuni citàdinu.

Cucciḍḍata 'rî San Giuseppi.
Filati, intagghi, pizzi, cinigghia, cutri, merletti, raccami, rasi, tomboli, veli, nastri, nocchi 'ppi l'abbellimentu e cupertura di li tavulati e artari.
Cardi 'n pastella, Finocchi 'n pastella, Cacuocciuli 'n pastella, Sparici 'n pastella, legumi.
Pasta 'cchê sardi, maccu 'rî favi, baccalà pastellattu, sfinci righini 'rî ricotta.

Pruvincia di Agrigentu

Araùna, Tavulata 'rî San Giuseppi, fistiggiamenti 'n unuri 'rî San Giuseppi pressu â chiesa 'rî San Giuseppi Artigianu, Minestra e sfingie di San Giuseppi.
Calamònaci, Viergineḍḍi, Fistiggiamenti pressu â chiesa di San Vincenzu Ferreri.
Catòlica, Festa 'rô Patronu. Giru 'rê Santi, Purciḍḍrate, Tavulata 'rî San Giuseppi e Pranzu 'râ Sacra Famigghia, Mangiata di li Santi. Cucciḍḍati 'rî San Giuseppi, 'Ntorci 'ccâ surra.
Cammarata, Tavulati 'rî San Giuseppi e Festinu.
Campubbeḍḍu, Binirizzioni 'rî Tavulati, Binirizzioni e distribuzzioni 'rî Vastuneḍḍra 'rî San Giuseppi, Tavulati 'rî San Giuseppi. Rapprisintazzioni 'râ Fuga in Egitto. Fistiggiamenti pressu â chiesa di San Giuseppi.
Cataviddotta, Sagra dâ pasta 'cchê sardi, Sfinci e zeppuli, Zuppa 'rî San Giuseppi.
Cianciana, Cavalcata 'rî San Giuseppi, Ostensioni 'râ Cinigghia. Binirizzioni 'rû Pani e 'rî Tavulati 'rî San Giuseppi. Vistizzioni 'rî Santi. Pigghiata di li Purciḍḍati. Pigghiata di li Santi. La Cravaccata.
Favara, Tavulata 'rî San Giuseppi.
Girgenti, Pani di San Giuseppi e Minestra 'rî San Giuseppi, fistiggiamenti 'n unuri 'rî San Giuseppi pressu û Santuariu 'rî San Giuseppi.
Licata.
Lisciànnira di la Rocca.
Muntiriali, Tavulati 'rî San Giuseppi.
Portu Empedocli, Nuvene 'rî San Giuseppi. Binirizzioni dî Tavulati 'rî San Giuseppi. Rapprisintazzioni 'râ Sacra Famigghia e 'râ Fuga in Egittu. Distribbuzzioni 'râ Minestra 'rî San Giuseppi. Funzioni pressu û santuariu di San Giuseppi Lavuraturi.
Racalmutu.
Ribbera, Tavulata 'rî San Giuseppi e Straula 'rî San Giuseppi. Minestra 'rî San Giuseppi. Cavalcata 'rî San Giuseppi.
Rivinusa, Tavulati 'rî San Giuseppi.
Sammuca, Altari e Pani 'rî San Giuseppi.
San Brasi Platani.
San Giuvanni Gemini, Tavulata 'rî San Giuseppi e San Giuvannuzzu.
Siculiana, Artari 'rî San Giuseppi, Sacra Famigghia, Tuppuliata di li Santi, Mangiata di li Santi, Distribbuzioni 'rû Pani. Fistiggiamenti pressu û santuariu dû Santissimu Crucifissu.

Pruvincia di Cartanissetta

Butera, Artari, Ceni e Tavulati 'rî San Giuseppi.
Cartanissetta, Binidizzioni dû Pani, Tavulati 'rî San Giuseppi.
Delia, Binidizzioni 'rû Pani, Tavulati 'rî San Giuseppi.
Gela, Binidizzioni 'rû Pani, Ceni 'rî San Giuseppi e Tavulati 'rî San Giuseppi, fisteggiamenti pressu â chiesa 'rî Sant'Agostino.
Manchi - Marianopoli, Ceni e Tavulati 'rî San Giuseppi, fisteggiamenti pressu â chiesa 'rî San Prosperu.
Milocca, Tavulata di li vecchiariddi. Festa dô Patronu.
Mussumeli.
Niscemi, Cena 'rî Santi, Tavulati di San Giuseppi. Festa 'rô Compatronu.
Naduri o Bompinzeri, Binidizzioni 'rû Pani, Tavulati 'rî San Giuseppi.
Rastanu. Festa 'rû prutitturi.
Riesi. Tavulati di San Giuseppi, Pranzu 'rî Santi, Binirizzioni e distribuzzioni 'ri pani, fisteggiamenti pressu â basilica santuariu di Maria Santissima dâ Catina.
Santu Catallu, Tavulata 'rî San Giuseppi, Binidizzioni 'râ tavula 'rî San Giuseppi. Fisteggiamenti pressu â chiesa 'rî San Giuseppi.
Serradifarcu, Tavulata 'rî San Giusé. Patrucinata 'rô Cicculu dî l'Artiggiani e si svolgi di fronti â chiesa di San Giuseppe unni è cunzata 'nâ mensa supra un palcu, 'ccû pissunaggi viventi, ditta Â tavulata 'rî San Giuse' . Attornu s'assettunu â Madonna, San Giuseppi e û Bambineḍḍu Gesù, sceltu 'ppî tradizzioni tra i figghi 'rî l'artiggiani e havi û compitu 'rîi binidiri â tavula. Prucissioni 'rî San Giuseppi
Summatinu, Paliu 'rî San Giuseppi, Tavulati svampati.
Vaddilonga.
Villarba, Binidizzioni 'rû Pani, Tavulata 'rî Vicchiareḍḍi.

Pruvincia di Catania

Belpasso, Altari 'rî San Giuseppi.
Biancavilla, Binirizzioni e distribuzzioni dû Pani e risu 'rî San Gnuseppi. Fistiggiamenti pressu â chiesa dû Sacru Cori di Gesù.
Catania, Maccu 'rî San Giuseppi e Crispeḍḍi di risu fritti e 'ccô mele dô munasteru binidittinu di San Nicolò l'Arena. Fistiggiamenti pressu â chiesa di Santa Maia della Salette.
Ciumifriddu di Sicilia, Binidizzioni dû Pani, Fera dî Maccaruna e dî dolci, Pesca di Beneficenza. Fistiggiamenti dô patronu pressu â chiesa di Maria Santissima dû Rusariu.
Grammicheli, Vinnita 'rî San Giuseppi.
Gravina di Catania. Fistiggiamenti pressu â chiesa di Sant'Antonio di Padova.
Jaciriali, fistiggiamenti pressu â chiesa di San Giuseppi.
Jaci Casteddu, fistiggiamenti dû compatronu pressu â chiesa di San Giuseppi, Pasta e ciciri, Sagra dû dolci.
Jaci Catina, Cena di Solidarietà, fistiggiamenti pressu a chiesa di San Giuseppi ô Collegiu.
Jaci Sant'Antoniu.
Licuddìa, Fistiggiamenti pressu â chiesa di Santa Maria dû Carmelu.
Màscali frazzioni di Carrabba, Sagra, Tavula 'rî San Giuseppi, fistiggiamenti pressu â chiesa di San Giuseppi.
Mazzarruni, Binidizzioni dû Pani, Altari 'rî San Giuseppi e Cena 'rî San Giuseppi, festa dô Patronu.
Militeḍḍu, Tavulati 'rî San Giuseppi.
Mineo, Altari 'rî San Giuseppi e Cena 'rî San Giuseppi. Chiesa di Santa Maria Maggiore.
Mirabbeḍḍa, Altari 'rî San Giuseppi e Cena 'rî San Giuseppi, festa dô Patronu.
Nicolosi, Asta in Piazza. Distribuzzioni dâ Minestra dî Ciciri. Fistiggiamenti pressu a chiesa dû Spiritu Santu. Asta 'rî doni.
Palagunìa, Biscotti di San Giuseppi, Lavata dî manu di San Giuseppi, Binirizioni 'rî doni e dî Trì Pirsoni, Pranzu 'rî San Giuseppi, Asta 'rî Doni, fistiggiamenti pressu â chiesa di San Giuseppi.
Paternò, festa dô Patronu.
Pirara.
Pisano Etneo di Zafarana, Altari 'rî San Giuseppi, Tavuli 'rî San Giuseppi e Cena 'rî San Giuseppi, Asta 'rî doni, Pasta 'cchê ciciri, festa dô Patronu.
Prisa, (Piadimunti), fistieggiamenti 'rî San Giuseppi Travagghiaturi 'rô 1° maju.
Raddusa, Altari 'rî San Giuseppi, festa 'rô Patronu.
Rannazzu, festa dô Patronu.
Ramacca, Altari 'rî San Giuseppi e Banchettu dî Tri Pirsuni, Virgineḍḍi, Pasta 'ccô maccu, festa dô Patronu.
Riposto, Altari 'rî Pani 'rî San Giuseppi e Distribuzzioni 'rû Pani;
- chiesa di San Giuseppi, fistiggiamenti 'rî San Giuseppi Travagghiaturi 'rô 1° maju.
San Micheli di Ganzarìa, Binirizzioni dill'Altari, Binirizzioni 'rî Doni, Cena 'rî Santi, Asta 'rî Doni, fisteggiamenti pressu a chiesa di San Micheli Arcanciulu.
Santa Marìa di Licuddìa.
Scurdìa, Sfilata 'rê scecchi 'ccâ Sacra Famigghia, Rusariu cantatu pressu â chiesa 'rî San Giuseppi.
Vizzini, Festa 'rô Patrociniu, Cucciḍḍati, Prucissioni 'rî Virgineḍḍi.

Pruvincia di Enna

Aidone, Atari, tavulati e ceni 'rî San Giuseppi. Tavulati 'rî Virgineddi.
Àsaru, San Giorgio, Artari 'rî San Giuseppi.
Barrafranca, Allerizzi e prumissioni a San Giuseppi.
Carrapipi Valguarnera, Cavalacata 'rî San Giuseppi, Festinu e Tavulati 'rî San Giuseppi. 'M'Braculi.
Castrugiuvanni, Atari, Tavulati e Ceni 'rî San Giuseppi. Panuzzi 'rî San Giuseppi. Prucissioni 'râ Sacra Famigghia.
Catinanova, Atari, Tavulati e Ceni 'rî San Giuseppi. Binirizzioni e distribuzzioni 'rû pani 'ntâ chiesa matri 'rî San Giuseppi. Festa dô patronu.
Centuripe, Atari, Tavulati e Ceni 'rî San Giuseppi. Binirizzioni e distribuzzioni 'rû pani 'ntâ chiesa 'rî San Giuseppi. Prucissioni e Giru 'rî Santi.
Castrugiuvanni, Cunfraternita 'rî San Giuseppi. Binirizzioni e distribuzzioni 'rî panuzzi 'ntô santuariu 'rî San Giuseppi. Binirizzioni 'rî tavulati.
Liunforti, Binirizzioni dill'Altari, Frittura 'rî Cardi e Finocchi, Frittura 'rî Spincie, Festa 'rû Compatronu. Artari 'rî San Giuseppi, Girarchia e prucissioni 'rî Pani 'rî San Giuseppi. Fistiggiamenti pressu â chiesa 'rî San Giuseppi.
Nicusìa.
Piazza Armerina, Tavulata 'râ cundivisioni di Borgu San Giuvanni.
Petrapirzia, Fuga 'râ Sacra Famigghia, Tavulati e Ceni 'rî San Giuseppi.
Truina, Artari 'rî San Giuseppi. Binirizzioni 'rî pani e Binirizzioni 'rî tavulati.

Pruvincia di Missina

Alcara Li Fusi, Salutu tra l'Annunziata e San Giuseppi.
Barcellona Pizzaottu, Fistiggiamenti pressu â chiesa di San Giuseppi di Acquaficara, Binidizzioni dû Pani, Sagra dâ Spincia. Spincie duci e salati, fritti e 'ô funnu, vacanti o farciti di crema o di ricotta.
Castedd'Umbertu, Binidizioni dâ Minestra di San Giuseppi. Fistiggiamenti pressu â chiesa di Santa Maria Assunta.
Francavigghia di Sicilia, chiesa di Santa Maria Assunta, Binidizzioni dû Pani.
Letujanni, festa dô Patronu.
Milazzu, Pia pratica dî 7 mercuri 'n unuri dû Gluriusu Patriarca San Giuseppi, chiesa di Nostra Signura dû Santu Rusariu, Burgu Anticu di Milazzu. Binidizzioni dû Pani, Sagra dâ Spincia, Tavulata di San Giuseppi.
Militeḍḍu Rosmarinu, fistiggiamenti pressu a chiesa di Santa Maria Assunta, Sacra Famigghia, Salutu tra â Madonna e San Giuseppi.
Missina, Fistiggiamenti pressu â chiesa di San Giuseppi a Palazzo - Università. Tavulata di San Giuseppi, Spincie duci e salati, fritti e ô funnu, vacanti o farciti di crema o di ricotta.
- Giampilieri, chiesa di San Nicolò.
Patti, Binidizzioni dû Pani.
Rometta, Fistiggiamenti pressu â chiesa di San Giuseppi di cuntrada Filari.
Salina, Â quadara î San Giuseppi.
Sant'Àita di Militieddu, festa dô Patronu.

Pruvincia di Palermu

Autaviḍḍa Milicia.
Baarìa, Tavulata 'rî San Giuseppi, Binirizzioni 'rî pani, festa 'rô Patronu. Sagra 'râ Sfincia.
Balestrate, Binidizzioni dû Pani.
Baucina, Tavulata 'rî San Giuseppi.
Burgettu, Mense di San Giuseppi, Maccarruna, Spaghettata, Sagra dâ sfincia, Ricotta e Sagra dâ cassatella siciliana. Û Triunfu di San Giuseppi e Parti. Pasciuta. Â scinnuta 'rû santu pressu â chiesa matrici di Santa Maria Maddalena.
Càccamu, Tavulata 'rî San Giuseppi. Â Retina e Â Scalunata di San Giuseppi. Fistiggiamenti pressu â chiesa dâ Santissima Annunziata.
Caltavuturu, Sfincie 'rî San Giuseppi, fistiggiamenti pressu a chiesa matrici dî Santi Apostoli Pietro e Paolo.
Campuciurutu, Vampe 'rî San Giuseppi, Cinigghie, cutri e cuperti, Ambientazioni, archi, artari, pani, tavulati, mensi. Binidizzioni dill'altari, Artaru 'rî San Giuseppi, Fistiggiamenti pressu â chiesa di Santu Stefanu e San Giuseppi.
Camporeale. Altari e Mense di San Giuseppi, Mense dî Santi.
Capaci, Ministruni di San Giuseppi priparatu a basi di legumi, brocculi, virdura, ogghiu 'r'aliva e pasta.
Castiaccia, Tavulata 'rî San Giuseppi, Ministruni 'rî San Giuseppi, Distribuzzioni 'rî Panuzzi 'rî San Giuseppi. Fistiggiamenti pressu â chiesa di Maria Santissima Immacolata.
Castiddubbonu, Altari e Mense di San Giuseppi.
Campufilici di Rucceḍḍa, Tavulata 'rê Virgineḍḍi. Fistiggiamenti pressu â chiesa di Santa Rusulia.
Carini, Tavulati 'rî San Giuseppi.
Cerda, 'Nciurata 'rî San Giuseppi. Cavalcata 'rî San Giuseppi. Artari di 'rî San Giuseppi. Tavulata 'rî San Giuseppi. Prucissioni 'rî San Giuseppi. Chiesa matrici 'rî Maria Santissima Immacolata.
Chiusa Sclafani, Binidizzioni dû Pani. Binidizzioni dill'altari vutivi. Distribbuzzioni dî pani vutivi.
Cifalù, Tavulati 'rî San Giuseppi.
Ciminna, Artari 'rî San Giuseppi, Tavulata 'rî San Giuseppi, Vulata 'ri l'Ancili.
Cinisi, Altari e Mense di San Giuseppi, Tavulati 'rî San Giuseppi. Fistiggiamenti pressu â chiesa matrici di Santa Fara.
Cunigghiuni, Binidizzioni dâ Tavulata di San Giuseppi, Sagra da Sfincia, fisteggiamenti pressu â chiesa matri di San Leoluca.
Cuntissa.
Jiraci, Festa di San Giuseppi. Fisteggiamenti pressu â chiesa di Santa Maria Maggiore.
Lascari, A Vampa e Tavulata di li Virgineḍḍi. Tavulata 'rî San Giuseppi 'cchiù longa d'Italia. Fistiggiamenti pressu â chiesa dî San Micheli Arcanciulu.
Lercara Friddi, Tavulati 'rî San Giuseppi.
Lu Burgettu, Mensi e Sagra 'rî San Giuseppi, Mensa dâ Cunfraternita 'rî San Giuseppi.
Marineu, Â pigghiata di li Santi. Tavulati 'rî San Giuseppi. Fistiggiamenti pressu â chiesa dî Santi Ciru e Giorgiu.
Mezzojuso, Svigghia 'rî San Giuseppi.
Monreale, Malpasso, Villaciambra, Grisì, Artari, Mense e Tavulati 'rî San Giuseppi.
- San Martino delle Scale, Artare 'rî San Giuseppi.
Montelepre. Binidizzioni dû focu, Distribuzzioni dû pani 'ccû ll'ogghiu, Pranzu dâ Sacra Famigghia, Distribuzzioni dû pani binidittu. Fistiggiamenti pressu â chiesa di San Giuseppi.
Muntimaiuri, Tavulati 'rî San Giuseppi, Tavulata 'rî San Giuseppi, Virgineddi, Â Pupa e l'arancia.
Palazzu Adrianu. Altari e Mense di San Giuseppi, Binidizzioni dî Tavulati. Fistiggiamenti pressu â chiesa di Santa Maria del Carmine.
Palermu a Borgo Vecchio, chiesa del Santissimo Crocifisso al Borgo, Binidizzioni dû Pani.
Palermu a Danisinni, chiesa di Sant'Agnese Vergini e Martiri dill'Ordini franciscanu dî frati minuri cappuccini, Altari 'rî San Giuseppi, Cunfraternita di Gesù Maria e Giuseppi dû 1745.
Palermu ai Teatini, Tavulata 'rî San Giuseppi, Sfinci e Cannoli 'rî San Giuseppi, Binidizzioni dû Pani. Nuvene 'rî San Giuseppi pressu i Cappelli 'rî San Giuseppi a piazza Scaffa e Corso dei Mille . Vampe. Û miraculu 'rî San Giuseppi. Û Triunfu 'rî San Giuseppi.
Palermu a via Delia al Borgo, Binidizzioni dû Pani.
Palermu allo Sperone, Altari 'rî San Giuseppi. In tanti quartieri si pripara û: Ministruni 'rî San Giuseppi fattu 'cchî spizzuni, û riciuppu e â smuzzatura, i rimasugghi accantunati 'rî tutta â pasta sfusa e ammiscata: i lisci ê zitu, i cavatuna, attuppatiaeḍḍi, â tagghiarina, â margherita, î cannaruzzini, î svampasciuscia, â reginella, î rigatoni, l'anellieatti, û spizziatieḍḍu, û capiḍḍi 'r'anciulu, û spaghettu, û spaghittinu, û bucatinu, û maccarruni, û maccarruncinu, tutta pasta anzemula 'ccû finocchiettu a rumpiri, favuzzi, pisellini, cacuocciuli, spariciḍḍatu, lenticchi, fagioli, giri, giri di campagna, asparici, cavuli, cavuliceḍḍi, î cruzzitieḍḍi. Priparazzioni accumpagnata 'ccû pagnotti 'ccô finocchiu 'ngranatu, vopi 'ccâ cippuḍḍuzza. Rituali dâ binirizzioni 'rî Pani: forbice (tagghiu 'râ cuda 'rô diavulu), palma (Pasqua), e colomba (pace).^[4]
Palermu, Binidizzioni e distribuzzioni 'rû Pani pressu a chiesa di Santa Maria dei Rimedi.
Parcu (Altofonte), Tavulata 'rî San Giuseppi, Pasta 'cchê sardi, funzioni pressu a chiesa matrici di Santa Maria d'Altofonte.
Partinicu, Ceni 'rî San Giuseppi.
Petralia Sottana, Virgineḍḍi.
Prizzi, Cilibrazzioni pressu a chiesa dû Colleggiu.
Pulizzi, Binidizzioni e distribuzzioni 'rû Pani, Tavulata 'rî Virgineddi. Pani 'cchê aranci, tagliatelli 'cchê facioli badda e finucchiettu sarvaggiu, cardi e brocculi fritti 'n pastella, Sfingi 'ri San Giuseppi, dolci tipicu cunzatu 'ccô miele e cannella o 'ccâ ricotta.
Roccamena, Tavulata 'rî San Giuseppi, festa 'rô Patronu.
San Ciupirreddu, Altari e Mense di San Giuseppi.
San Giuseppi Jatu, Binirizzioni dill'artari, Sagra della Sfincia, Binirizzioni 'rî pani, I Parti di San Giuseppi, Mensa di San Giuseppe con Pasta tradizionale. Fistiggiamenti pressu â chiesa dû Santissimu Redenturi e San Nicolò di Bari.
Santa Flavia - Porticello, Altari e Mense di San Giuseppi.
Trabia, Tavulata 'rî San Giuseppi.
Tèrmini.
Terrasini, Altari e Mense di San Giuseppi.
Vaddilurmu, Tavulata 'rî San Giuseppi, Pasta 'cchê sardi e moḍḍica atturrata, Fritturi 'rî pisci, cardi e pranzi 'ppî Virgineddi 'rî San Giuseppi.
Vìcari, Tavulata 'rî San Giuseppi.
Villabati, Tavulata 'rî San Giuseppi, festa 'rô Patronu pressu a chiasa matri di San'Agata. Binirizzioni dill'artari 'rî pani, Giru 'rû bastuni ciurutu, Binirizzioni e distribuzzioni 'rû pani binidittu.

Pruvincia di Rausa

Acati, Artari 'rî San Giuseppi e Pranzu Sacru 'râ Sacra Famigghia. Fistiggiamenti pressu â chiesa di San Nicolò di Bari.
Ciaramunti, Binirizzioni 'rû Pani, Artari 'rî San Giuseppi. Binirizzioni 'rî ceni, Asta 'rî doni. Fistiggiamenti pressu â chiesa di Santa Maria la Nova.
Comisu, Artari 'rî San Giuseppi e Pranzi e Ceni 'rî San Giuseppi .
Donnalucata, Cavalcata 'rî San Giuseppi: rievocazzioni 'râ Fuga in Egittu. Festa 'rû Patronu. Cena 'rî San Giuseppi
Giarratana, Pani 'rî San Giuseppi, Ceni 'rî San Giuseppi.
Scicli, Binirizzioni 'rû Pani, Binirizzioni 'rî Doni.
Raddusa, Binirizzioni 'rû Pani, Binirizzioni 'rî Doni. Artari 'rî San Giuseppi.
Rausa, ripristinu dâ Pia pratica 'rî 7 mercuri 'n unuri 'rî San Giuseppi a cura 'rê monache Binidittini e 'rî gruppi di Cunsacrazzioni a San Giuseppi, chiesa 'rî San Giuseppi 'rô munasteru 'rî Binidittini dû Santissimu Sacramentu. Tavulati 'rî San Giuseppi, Fistiggiamenti pressu â chiesa dû Sacru Cori di Gesù.
Santa Cruci Camarina, Cene 'rî San Giuseppi, Pani 'rî San Giuseppi o Pani pulitu.
Scicli, Cavalcata: rievocazzioni 'râ Fuga in Egittu 'râ Sacra Famigghia, Cena di San Giuseppi e Binirizioni dî Tavulati, fistiggiamenti pressu a chiesa 'rî San Giuseppi.
Spaccafurnu, Pia pratica 'rî 7 mercuri 'n unuri 'rû Gluriusu Patriarca San Giuseppi, chiesa 'rî San Giuseppi, Binirizzioni 'rû Pani, Sagra 'rû Pani, Sagra 'rû Pani cunzatu e 'rû cannolu, Gala equestri 'rî San Giuseppi, Cena 'rî San Giuseppi.
Puzzaḍḍu, Sirata 'râ ricotta, Binirizzioni 'rû Pani.
Vittoria, Artari 'rî San Giuseppi;
- Scugghitti, Artari 'rî San Giuseppi.

Pruvincia di Sarausa

Austa, San Giusippuzzu e la Cunfraternita di San Giuseppi dill'anticu cetu dî mastri d'ascia.
Àvula, Fera 'rô Duci e 'rû Salatu, Binirizzioni e distribuzzioni 'rû Pani 'rî San Giuseppi, Prucissioni 'râ Sacra Famigghia. Fistiggiamenti pressu â chiesa di Santa Venera.
Buscemi, Asta 'rî San Giuseppi, Vanniaturi. Fistiggiamenti pressu â chiesa matrici di Sant'Antonio Abate.
Carruntini, Binirizzioni 'rû Pani. Lunedì dill'Anciulu: sfilata dâ Sacra Famigghia e Curteu Storicu. Pranzu e vindita all'incantu dinuminata Vinteuru unu, vintieuru dui, vintieuru tri, San Giuseppi puttassi i soddi.
Ciuriddia, Fistiggiamenti pressu â chiesa di Santa Maria del Carmelo.
Francufunti, Festa 'rî San Giuseppi pressu â chiesa matrici di Sant'Antonio Abate.
Janiattini.
Lintini, Binirizzioni 'rû Pani, Binirizzioni 'rî Doni. Ex cattidrali 'rî Santa Maria la Cava, chiesa matrici 'rî Sant'Alfiu, Cirunu e Filadelfiu.
Muntirrussu Jalmu.
Notu.
Pachinu, Binirizzioni 'rû Pani 'e San Giuseppi, Asta 'rî San Giuseppi. Distribuzzioni di Ricotta caura, Agneḍḍu 'rrustutu e Coppu frittu.
Pedagaggi.
Priolu.
Rusalini, Artari, dolci e Pani 'rî San Giuseppi, Cavalcata vutiva 'rî San Giuseppi.
Sarausa ad Ortigia.
Sarausa a Bedduvidiri.

Pruvincia di Tràpani

Campubbeddu di Mazara, Altari di lû Patriarca San Giuseppi. Eventu prulungatu in periudu pascali in memoria dî primi rializzaturi, fattu e accunzatu 'ccû veli di sposa e tuvagghi ê curredu. Pani vutivi, Binirizzioni rî Palmi â duminica prima di Pasqua, Sfilata di trì Santi, Tuppuliata, Pranzu di 101 pietanzi.
Custunaci, Festa 'rî San Giuseppi.
Erice, Â tradizzioni 'rî Pani 'rî San Giuseppi.
Marèttimu, Festa 'rî San Giuseppi, Û Pignolo 'rî San Giuseppi.
Marsala, Ammitu 'rî San Giuseppi, Artari 'rî San Giuseppi.
Paceca, Pani e Artari 'rî San Giuseppi, 'Mmitu 'rî San Giuseppi.
- Dattilo, Pani 'rî San Giuseppi' e Vampi 'rî San Giuseppi.
Partanna, Artari 'rî San Giuseppi.
Poggiuriali.
Salaparuta, Artari 'rî San Giuseppi, Ceni 'rî San Giuseppi e Pani 'rî San Giuseppi, Pranzi 'rî Santi. Fistiggiamenti pressu â chiesa da Santissima Trinità.
Salemi, Artari 'rî San Giuseppi, Binidizzioni 'rû Pani, Ceni 'rî San Giuseppi, Cuḍḍureḍḍi, dolci e sfingi 'rî San Giuseppi. Invitu 'rî li Santi e Mangiata 'rî li Santi.
Santa Catarina Villarmosa, Artari 'rî San Giuseppi.
Santa Ninfa, Feudo del Biviere. Artari 'rî San Giuseppi.
Tràpani, Festa 'rî San Giuseppi, Cassatelle 'rî San Giuseppi.
Vita, Artari 'rî San Giuseppi.

Noti

Commons

Lu Wikimedia Commons havi 'na catigurìa cca conteni media su San Giuseppi.

↑ https://www.siciliainfesta.com/feste/festa_di_san_giuseppe_salemi.htm
↑ http://www.palermoviva.it/san-giuseppe-e-le-tradizioni/
↑ https://ich.unesco.org/es/listas
↑ Trascrizzioni di diliziusa ricetta e di menù sciogghilingua in dialettu ricitatu da Salvo Piparo.

[1] ttps://www.siciliainfesta.com/feste/festa_di_san_giuseppe_salemi.htm

[2] ttp://www.palermoviva.it/san-giuseppe-e-le-tradizioni/

[3] ttps://ich.unesco.org/es/listas

[4] Trascrizzioni di diliziusa ricetta e di menù sciogghilingua in dialettu ricitatu da Salvo Piparo.

[1]

[2]

[3]

[4]