Rosa Luxemburg

Dâ Wikipedia, la nciclupidìa lìbbira.
Jump to navigation Jump to search
Rosa Luxemburg (1895)

Rosa Luxemburg (Zamość, 5 di marzu 1870 - Birlinu, 15 di jinnaru 1919), spunenti pulìticanti, tiòrica sucialista e rivuluzziunaria pulàcca-tudisca.

Biografìa[cancia | cancia la surgenti]

Rosa Luxemburg nascìu a Lubblinu, attuarmenti 'n Pulonia, di na famigghia ebbraica. Doppu aviri fujutu 'n Svizzira p'evitari la ditinzzioni, friquintau l'Univirsitati di Zurigu nzèmmula a àutri figuri di spiccu dû sucialismu, comu Anatoli Lunacharsky e Leo Jogiches. Contra lu nazziunalismu dû "Partitu Sucialista Pulaccu" (PPS) criau, ntô 1893, nzèmmula a Leo Jogiches e Julian Marchlewski la rivista "Sprawa Robotnicza" (La causa dî travagghiatura). Cridìa ca la ndipinnenza dâ Pulonia avissi statu pussìbbili sulu tramiti na rivuluzzioni 'n Girmania, Austria e Russia, e ca la lutta contra lu capitalismu era cchiù mpurtanti dâ ndipinnenza. Nigau lu drittu d'autuditirminazzioni dî nazzioni, 'n disaccordu cu Lenin.

Ntô 1897 uttinni la cittadinanza tudisca e l'annu succissivu adirìu ô Partitu Sucialdimucràticu. 

Lu Partitu Sucialdimucràticu Tudiscu (SPD), cui Rosa s'iscrivìu, era, prima dû 1914, lu cchiù forti partitu sucialista d'Europa e lu sô sicritariu Karl Kautsky era cunziddiratu l'eredi e lu cuntinuaturi di Marx e Engels, lu ditinturi e lu custodi di l'autèntica duttrina marxista, dû marxismu cchiù "puru" e urtudossu.

E' a ciancu di Kautsky ca Rosa Luxemburg cunnuci la pulèmica chî rifurmisti, quannu ntô sô scrittu ntitulatu Riforma suciali o rivuluzzioni? (1899) prenni risulutamenti pusizzioni pû sècunnu tèrmini di l'altirnativa.

Ntâ sô difisa dû marxismu "clàssicu" contra lu rivisiunismu rifurmista, Rosa ntruduci però arcuni mpurtanti noti pirsunali: ntiramenti sô è l'accentu supra la criativitati dî massi, supra la sô spuntanitati rivuluzziunaria ca li diriggenti dû partitu upiraru nun né hannu a furzari, né hannu a riprimiri o bluccari 'n na "càmmisa di forza burucràtica". Pi Rosa, lu cumpitu dû partitu è chiddu di ndicari la via, ma la nizziativa stòrica nun spetta a iddu, bensì ê massi: videmma li passi fausi dûn riali muvimentu upiraru sunnu sturicamenti cchiù utili dâ nun fallibbilitati dû megghiu cumitatu cintrali.

Fici parti dû frunti pacifista ô nizziu dâ prima verra munniali e nzèmmula a Karl Liebknecht, ntô 1915, criau lu gruppu "Ntirnazziunali", c'avissi addivintatu 'n siquutu la Liga Spartachista. Chista fici parti 'n un primu tempu dû Partitu Sucialdimucràticu e appoi dû Partitu Sucialdimucràticu Ndipinnenti, prima di diviniri lu nucleu dû Partitu Cumunista Tudiscu. 

Lu 28 di giugnu 1916 la Luxemburg, nzèmmula a Karl Liebknecht, vinni arristata doppu lu fallimentu di nu sciòpiru ntirnazziunali e cunnannata a dui anni di riclusioni. Duranti stu piriodu scrivìu diversi artìculi, cumprisu La Rivuluzzioni Russa, ca fa rifirimentu ô pirìculu di na dittatura bulscèvica 'n Russia.

Supra lu midèsimu argumentu è nutèvuli la brevi òpira, pubblicata pòstuma, La rivuluzzioni russa. N'esami crìticu (ricintimenti ripubblicata 'n talianu 'n n'edizzioni a cura di R. Massari, Bolsena 2004).

'N stu scrittu la Luxemburg esalta lu curaggiu di li bulscèvichi ca 'n cunnizzioni difficilissimi, quasi dispirati, usaru lanzari la palora d'òrdini dâ nsurrizzioni, e cuntrapponi stu curaggiu â pusillanimitati dî sucialdimucràtici tudischi ca si rinniru cumplici dû militarismu dû sô cuvernu. 


Carrèra pulìtica[cancia | cancia la surgenti]

Pi Rosa, l'ùnica pussibbilitati di sarvizza pâ rivuluzzioni russa è ca lu prulitariatu eurupeu, stimulatu di l'asempiu di li russi, si suddeva a sô vota: nun sulu nun è pussìbbili rializzari na sucitati sucialista 'n un sulu paisi, pi di cchiù arritratu comu la Russia, ma la situazzioni d'isulamentu e di difficultati uggittiva 'n cui s'attròvanu li bulscèvichi li custrinci, sècunnu la Luxemburg, a cummèttiri di l'errura, a attuari dî misuri ca nun vannu 'n dirizzioni di lu sucialismu.

Rosa Luxemburg critica 'n particulari l'abbulizzioni dî libbirtati dimucràtichi: senza libbirtati di stampa, senza drittu d'assuciazzioni e di riunioni, la rivuluzzioni nun pò jiri avanti, pirchî sti dritti sunnu nu strumentu ndispinsàbbili pi l'autu-aducazzioni pulìtica dî massi pupulari. Li bulscèvichi istituiru li "Soviet" comu urganismu rapprisintativu dî massi travagghiatrici: "ma cu l'affucamentu dâ vita pulìtica 'n tuttu lu paisi - scrivi Rosa - macari la vita dî soviet nun va a putiri sfujiri a na paràlisi sempri cchiù stisa. Senza elizzioni ginirali, libbirtati di stampa e di riunioni nun limitata, libbira lutta di pinioni 'n ogni pubblica istituzzioni, la vita s'astuta, addiventa apparenti e 'n idda l'ùnicu elimentu attivu rimani la burucrazzìa". Rosa Luxemburg cunnividi lu principiu dâ dittatura dû prulitariatu, ma p'idda "sta dittatura havi a èssiri òpira dâ classi, e nun di na nica minuranza di diriggenti 'n nomu dâ classi".


Ntô 1918 s'uppunìu â cussidditta Suddivazzioni Spartachista pirchî la ritinìa abbinturista, e â furmazzioni di lu Partitu Cumunista Tudiscu pirchî primatura. A l'arba dâ "Rivolta di Jinnaru", lu 15 di jinnaru di 1919, vinni raputa e 'n siquutu assassinata, nzèmmula a Liebknecht, dî surdati dî cussidditti Freikorps.

Nuti[cancia | cancia la surgenti]


Bibbriugrafìa[cancia | cancia la surgenti]

  • Gilbert Badia, Rosa Luxemburg. Journaliste, polémiste, révolutionnaire, Paris, Éditions sociales, 1975
  • Gilbert Badia, Il movimento spartachista. Gli ultimi anni di Rosa Luxemburg e Karl Liebknecht, Roma, Samonà e Savelli, 1976
  • Rodolfo Banfi, Appunti sull'Accumulazione del capitale di Rosa Luxemburg, Milano, Rivista storica del socialismo, 1960
  • Anna Bisceglie, Dario Renzi, Rosa Luxemburg e gli irrisolvibili del socialismo scientifico, Roma, Prospettiva edizioni, 2006
  • Pierre Broué, Rivoluzione in Germania. 1917-1923, Torino, Einaudi, 1977
  • Miriam Campanella, Economia e stato in Rosa Luxemburg, Bari, De Donato, 1977
  • Vanna Cercenà, La Rosa Rossa. Il sogno di Rosa Luxemburg, Torino, Einaudi Ragazzi, 2004
  • Francis Ludwig Carsten, La rivoluzione nell'Europa centrale, 1918-1919. Milano, Feltrinelli, 1978
  • Umberto Curi, Pensare la guerra. L'Europa e il destino della politica, Bari, Dedalo, 1999 ISBN 9788822053077
  • Ruggero D'Alessandro, La comunità possibile. La democrazia consiliare in Rosa Luxemburg e Hannah Arendt, Milano, Mimesis, 2011.
  • Ossip K. Flechtheim, Luxemburg-Liebknecht, Bolsena, Massari, 1992
  • Paul Frölich, Rosa Luxemburg, Firenze, La Nuova Italia, 1969.
  • Paul Frölich, Guerra e politica in Germania. 1914-1918, Milano, Pantarei, 1995.
  • Paul Frölich-Rudolf Lindau-Jacob Walcher-Albert Schreiner, Rivoluzione e controrivoluzione in Germania (1918-1920). Dalla fondazione del Partito comunista al putsch di Kapp, Milano, Pantarei, 2001.
  • Daniel Guérin, Rosa Luxemburg e la spontaneità rivoluzionaria, Milano, Mursia, 1974 [2009].
  • Daniel Guérin, Per un marxismo libertario, Bolsena, Massari, 2009.
  • José Gutiérrez Alvarez-Paul B. Kleiser, Le sovversive, Bolsena, Massari, 1995 [2005].
  • Tadeusz Kowalik, Rosa Luxemburg: il pensiero economico, Roma, Editori Riuniti, 1977.
  • John Mill, Pionern un boyer, 2 voll., New York, Farlag der veker, 1946-1949
  • Peter J. Nettl, Rosa Luxemburg, 2 volumi, Firenze, Il Saggiatore, 1970.
  • Fred Oelssner, Rosa Luxemburg, Roma, Rinascita, 1953.
  • Carlo Radek, Rosa Luxemburg, Carlo Liebknecht, Leo Jogisches, Roma, Edizione dell'Internazionale comunista a cura della Libreria editrice del Partito comunista d'Italia, 1922.
  • Gerhard A. Ritter-Susanne Miller (a cura di), La rivoluzione tedesca. 1918-1919, Milano, Feltrinelli, 1969.
  • Hagen Schulze, La Repubblica di Weimar: la Germania dal 1918 al 1933, Bologna, Il Mulino, 1993.
  • Carlo Tenuta, «Il fatto è che vivo in un mondo di sogno». Rosa Luxemburg: il corpo, il mito, la storia, in S. Chemotti (a cura di), Donne mitiche mitiche donne, Padova, Il Poligrafo, 2007.
  • Ernst Troeltsch, La democrazia improvvisata: la Germania dal 1918 al 1922, Napoli, Guida, 1977.
  • F. Tych: Luksemburg Rozalia, Polski Słownik Biograficzny], t. 18, Wrocław – Warszawa – Kraków – Gdańsk 1973, s. 119-129.
  • S. Król: Cytadela warszawska, Książka i Wiedza, Warszawa 1978, s. 217;
  • Dziedzictwo Róży Luksemburg, „Praktyka Teoretyczna”, nr. 6/2012 Numer Praktyki Teoretycznej w całości poświęcony twórczości Róży Luksemburg. PDF za darmo do pobrania

Autri pruggetti[cancia | cancia la surgenti]

Commons
Lu Wikimedia Commons havi 'na catigurìa cca conteni media su Rosa Luxemburg

Lijami di fora[cancia | cancia la surgenti]