Sicilia (èbbica spagnola)
La Sicilia vinni sutta la duminazzioni dû re di Spagna ntô 1479, quannu lu regnu di Castigghia si juncìu câ curona d'Aragona. La duminazzioni spagnola si cunchiudìu lu 10 di giugnu 1713, câ firmata dâ paci di Utrecht, chi cunfirmau lu passaggiu di l'ìsula di Filippu V di Spagna a Vittoriu Amedeu II di Savoia.
L'abbrei foru cacciati ntô 1492 (comu succidìu pi tutti li tirritorî sutta la curuna spagnola).
A la morti di Firdinannu II di Araguna e di Isabella di Castigghia, la Sicilia e lu regnu di Nàpuli foru ncurpurati ntra la nova curuna di Spagna, chi vinni ariditata dû giuvani Carlu V. Dû 1516 'n poi, li dui regni vennu tinuti di rè forasteri addimentri ca sunnu amministrati di distinti viciré.
Dû 1516 ô 1700 la Sicilia fu retta dâ dinastìa di l'Asburgu. Dû mpiraturi Carlu, li regni di l'Italia miridiunali foru ciduti ô figghiu Filippu ntô 1556, du' anni prima dâ sò morti.
Succissivamenti, la Sicilia vinni cuvirnata di:
- Filippu III (1598-1621);
- Filippu IV (1621-1665); e
- Carlu II (1665-1700).
Carlu V
[cancia | cancia lu còdici]Ntô 1548, Ignazio de Loyola funnau a Missina lu primu Colleggiu dî Gesuiti ô munnu, lu famusu Primum ac Prototypum Collegium ovveru Messanense Collegium Prototypum Societatis Iesu, prototipu di tutti l'àutri culleggi di nzignamentu chi li Gesuiti.
Filippu II
[cancia | cancia lu còdici]Ntô 1571, dû portu di Missina partìu la flotta cristiana, ô cumannnu di Don Giuvanni D'Austria, chi distrudìu na flotta turca nnô Cummattimentu di Lepantu. Tra li pirsuni firiti sbarcati dâ flotta cc'era Miguel de Cervantes, chi arristau ô Spidali Granni dâ citati pi quarchi misi a causa dâ manu firita 'n cummattimentu.
Filippu IV
[cancia | cancia lu còdici]Ntô 1638, l'Univirsità di Missina funnau l'ortus Messanensis, lu cchiù anticu dâ Sicilia e ammittau Petru Castelli, di Roma, pi rializzàricci, cu cui cullabburau Marcellu Malpighi.
Carlo II
[cancia | cancia lu còdici]Sutta lu regnu di Carlu II, nu tirrimotu curpìu tutta la parti uccidintali di l'ìsula ntô 1693. La ricustruzzioni ntô stili baroccu sicilianu fu parò mprissiunanti pi maistranzi e architetti mpignati ntê citati novi chi rinasceru.
Talìa puru
[cancia | cancia lu còdici]- Sicilia (èbbica aragunisa)
- Sicilia (èbbica piemuntisa)
- Lista dî munarchi di Sicilia
- Regnu di Sicilia
- Storia di Catania
- Storia di Missina
.JPG){kind=small}