Pierre Jaquet-Droz

Dâ Wikipedia, la nciclupidìa lìbbira.
Jump to navigation Jump to search
Jaquet-Dorz ntô 1758.

Pierre Jaquet-Droz (1721 La Chaux-de-Fonds - 1790 Bienne) è nu ruluggiaru svizziru dâ fini dû XVIII sèculu.

Truvau la manera di adattari ô ruloggia cumuni nu carillon e sistema di flauti, usatu n particulari pi fabbricari miccaniscmi comu cagghi di ucedda chi na vota carricati sunnu capaci di friscari autumaticamenti. Sprummintau nu pendulu ca, grazzi a na cumminazzioni di mitalli dilatabbili di manera diversa, caminava senza bisognu di essiri carricatu.

E' famusu pi aviri fabbricatu tri automa umanoidi, lu Scritturi, la Musicista e lu Disignaturi chi foru ammusciati ê re e mpiratura d'Europa. Sti automati, custruti tra lu 1768 e lu 1774 cu l'aiutu di sò figghiu Henri-Louis e di Jean-Frédéric Leschot sunnu ancora funzionanti e na vota ô misi si pònnu taliari n dimostrazzioni miccanica ô Musée des Beaux Arts di Neuchâtel.

Jaquet-Droz è òi lu nomu di na pristiggiusa marca di àuta ruluggirìa basata a La Chaux-de-Fonds.