Parramentu Sicilianu

Lu Parramentu Sicilianu era l'òrganu liggislativu di lu Regnu di Sicilia. Esti lu cchiù anticu di Europa, picchì nascìu nna l'arrassu 1130 cu Ruggeru II di Sicilia.

Quannu la Spagna conquistau la Sicilia lu mannava a li sò funzionarî pi pigghiari la carica di Vici-Re, àutri vinìanu scigghiuti direttamenti di lu Parramentu Sicilianu, ca nfatti nun fu mai strugghiutu, p'aggarantiri l'autucuvernu di la Sicilia.

Firdinannu IV di Burboni cuncidiu la Custituzziuni siciliana ni lu 1812, criannu un parramentu a dù càmmiri. Ntô 1816 Firdinannu IV junci lu Regnu di Sicilia cu chiddu di Nàpuli, purtannu ddocu la capitali e supprimennu lu Parramentu Sicilianu.

Cu la Rivuluzzioni nnipinnintista siciliana dû 1848 ci fu n'abbrivisciutu Statu Sicilianu, supravivennu p'un annu (o sìdici misi, p'èssiri cchiù pricisi). Lu statu fu guidatu di Ruggeru Sèttimu, ca, numinatu Patri dâ Pàtria e Prisidenti dû Cunzigghiu dû Regnu di Sicilia, si cumpurtò di veru e propiu comu Capu di Statu n aspittanza ca lu Parramentu Sicilianu addijissi nu cannidatu ô tronu, capaci di libbiràrisi d'ogni lijami câ dinastìa d’appartinenza. Acchidunu suprattuttu pripiratu a accittari in toto la Custituzzioni Siciliana. Finiu ntô maggiu 1849.

Ntô 1947 nascìu l'Assimbrea Riggiunali Siciliana.