Palazzu dî Nurmanni
.jpg)
Lu Palazzu dî Nurmanni di Palermu, canusciutu macari comu lu Palazzu Riali, è unu di palazzi cchiù storicamenti significativi dâ Sicilia. La sò storia havi li sò radici all'èbbica àrabba, ma lu sò splinnuri agghicau ô màssimu all'èbbica nurmanna, quannu addivintau risidenza dî re di Sicilia
Storia
[cancia | cancia lu còdici]Lu palazzu havi na storia cumplessa ca s'allonca pi diversi sèculi. La sò custruzzioni accuminzau ntô IX sèculu, all'èbbica dâ duminazzioni àrabba, chi usava la struttura già priesistenti comu risidenza riali. Cchiù tardu, quannu li nurmanni cunquistaru Palermu ntô 1072, lu palazzu vinni fattu cchiu granni e ristrutturatu. Fu sutta lu regnu di Ruggeru II, primu re di Sicilia ca lu palazzu acquisìu na nova cintralitati. Duranti lu sò regnu (1130-1154), lu palazzu addiventa lu cori dû putiri nurmannu n Sicilia.
Ntê sèculi succissivi, lu palazzu subbìu nummarusi trasfurmazzioni. Cu lu passaggiu sutta la duminazzioni sveva (XIII sèculu) e appoi sutta l'aragunisi (XV sèculu), lu palazzu vinni adattatu a vari funzioni. Ntô pirìudu baroccu fu mudificatu cchiossai p'adattàrisi a l'esiggenzi estètichi e pràtichi di l'èbbica.
Dintra lu palazzu
[cancia | cancia lu còdici]Di dintra, diversi munumenta jardina e stanzi riflèttunu la sò storia lonca e varia. Tra li spazzi cchiù canusciuti e straurdinari ci sunnu:
La Cappella Palatina: nu capulavuru di l'arti nurmanna, la cappella è canusciuta pê sò artifatti bizzantini, la dicurazzioni 'n stili àrabbu-nurmannu e lu tettu 'n mosaicu, ca rapprisenta una dê cchiù granni espressioni di la fusioni di culturi. Custruitu di Ruggeru II, è unu dî loca cchiù mpurtanti dû palazzu.
La Sala di Erculi è na granni sala ca na vota ospitava funzioni ufficiali e riunioni dâ curti.
La Sala di li Viciré è na sala ca fu utilizzata di li viciré spagnoli e prisenta na ricca dicurazzioni di stucchi e àutri rapprisintazzioni pittiati ca cùntanu la storia dâ Sicilia e di li sò suvrani.
Lu Jardinu e la Terrazza: lu palazzu è circunnatu di magnìfici jardina e terrazzi ca òffrunu na vista panoràmica dâ città di Palermu. Li jardina erunu n'elimentu distintivu dô palazzu, spiciarmenti duranti l'èbbica àrabba e nurmanna, cu lu so disignu ca riflittìa la passioni pô jardinu comu sìmmulu di biddizza e putiri.
Ê jorna nostri
[cancia | cancia lu còdici]Cu tuttu ca lu palazzu è unu dî munumewnta cchiù mpurtanti di Palermu, e n'attrazzioni turistica assai pupulari, oggi lu palazzu òspita macari l'Assimbrea Riggiunali Siciliana, e è dunca ancora nu locu di mpurtanza pulìtica, mantinennu nu strittu liami câ sò funzioni stòrica di sedi dû putiri.