Pàrrimi sòggira e ascùtimi nora

Dâ Wikipedia, la nciclupidìa lìbbira.

La sprissioni siciliana "Pàrrimi sòggira e ascùtimi nora" veni usata quannu ci si rivorgi a quarchidunu 'n manera non diretta, quannu si fà un discursu allusivu; quannu pi dìciri quarcosa a na pirsuna, si parra mmeci cu n'àutru cristianu, ma nta na manera ca lu veru distinatariu dû missaggiu pò sèntiri e capiri zoccu ntâ rialità si voli ntènniri.

Lu pueta catanisi Santu Rapisarda, traducìu 'n puisìa ssa sprissioni:

« Cui voli dari affruntu a la massara,
sgrida li figghi, ca sù misi fora;
cù voli un tintu giuvini ca mpara,
sgrida a l'àutri studenti pur'ancora;
e si passari rasa para
cu tutti, cu li capi si rancora.
Mentri un pruverbiu dici a vuci chiara:
aùdimi sòggira, e sèntimi nora! »



Lingua Siciliana
Cosi di tutti jorna - Azzioni umani - Prufissioni - Sprissioni Tipici - Lingua Siciliana