Nuvèmmiru 2007
| 2006 | Abbinimenti dû 2007 | 2008 |
|---|---|---|
| Jinnaru 2007 | Frivaru 2007 | Marzu 2007 | Aprili 2007 | Maiu 2007 | Giugnu 2007 | Giugnettu 2007 | Austu 2007 | Sittèmmiru 2007 | Uttùviru 2007 | Nuvèmmiru 2007 | Dicèmmiru 2007 | ||
1 di nuvèmmiru, jovidìa
- Nova York: Brasili e Nova Zilanna, a nomu di 72 co-sponsor, dipusitaru oggi a l'ONU la risuluzzioni sùpira la muratòria dâ pena di morti, ca fa appellu a tutti li stati ca ancora hannu ssu tipu di cunnanna a “stabbiliri na muratòria, aspettannu ca veni cumpretamenti scancillata“ . Jennu tuttu accussì comu privistu, lu testu dâ risuluzzioni hà èssiri discussu e vutatu ntâ cummissioni tra lu 14 e lu 29 nuvèmmiru, pi dopu finiri nta l’ Assimbrea Ginirali a mitati dicèmmiru, mentri ca lu turnu pâ prisidenza dû Cunsigghiu di Sicurezza attocca a l’Italia.
5 di nuvèmmiru, lunidìa
- Palermu: Mpurtanti upirazzioni dâ Polizzia: Salvaturi Lo Piccolo, ritinutu l'eredi di Birnandu Pruvinzanu, sò figghiu, e àutri dui boss dâ mafia tra li 30 cchiù ricircati a liveddu nazziunali forru arristati nti na villetta tra Cinisi e Terrasini.
6 di nuvèmmiru, martidìa
- Milanu: Enzu Biagi muriu versu l'ottu di stamatina ntâ "clinica Capitanio" di Milanu, unni era ricuviratu di quarchi deci jorna; avìa nasciutu a Lizzanu 'n Belvedere, 'n pruvincia di Bologna, lu 9 aùstu dô 1920. Tistimoni dô sèculu, comu picca àutri seppi jùnciri la sô vucazzioni ô giurnalisimu cu tutti li media - dâ carta stampata, ê libbri, â telivisioni.
12 di nuvèmmiru, duminicadìa
- Seria A: Nu tifosu lazziali fu ammazzatu nta n'ària di sirvizziu di Badia al Pino, vicinu Arezzu, pi manu di n'aggenti dâ pulizzìa. Ci foru scontri gravi tra li ultrà e la pulizzìa nti àutri banni d'Italia.
15 di nuvèmmiru, jovidìa
- Nova York: La terza cummissioni di l'ONU appruvau la risuluzzioni sùpira la muratòria di l'esecuzzioni di la pena di morti cu 99 voti a favuri. Vutaru contru 52 paisi. Li astinuti foru 33. - S'aspetta ora lu passaggiu nta l'Assimbrea Ginirali a mitati dicèmmiru.
18 di nuvèmmiru, duminicadìa
- Donetsk: Chiossai di sittanta minaturi mureru nti na miniera di carbuni ntê vicinanzi dâ cità ucraina
20 di nuvèmmiru, martidìa
- Roma: Nu gruppu di archiòloggi truvau a 16 metri sutta terra la grutta riccamenti dicurata unni secunnu la liggenna na lupa allattau li gimelli Romulu e Remu. S'attrova sutta la casa di Ottavianu Augustu supra lu colli Palatinu.
- Roma: La famigghia Savoia addumannau a lu Statu talianu la stratusfèrica cifra di 170 miliuna di euru comu risarcimentu pê danni murali e econòmichi ca appi di quannu la Ripùbbrica taliana la mannò a l'esìliu e pi li sprupiazzioni di li beni ca avìa ntò tirritoriu talianu.
22 di nuvèmmiru, jovidìa
- Losanna: All'étà di 80 anni morsi lu cèlibbri coreògrafu francisi Maurice Béjart
29 di nuvèmmiru, jovidìa
- Palermu: Micheli Catalanu, ritinutu unu dî culunnelli dû boss Lo Picculu, fu arristatu mentri chi taliàva lu sciniggiatu "Il capo dei capi" ispiratu â storia ricenti dâ mafia.