Marcelo Valle Silveira Mello
.png)
Marcelo Valle Silveira Mello ( Brasilia, 9 austu 1985 ) è nu hacker brasilianu[1]. Fu arristatu pi crimini comu lu razzismu, li minacci tirruristichi, la diffusioni di matiriali pedu-pornugraficu, [2] l'incitazzioni â viulenza contra li nìuri, li omusessuali, li fìmmini, li nord-urientali e l'ebbrei, pridicannu l'abbusu sissuali contra li li picciriddi e pianificannu l'assassiniu di studenti dû corsu di Scienzi Suciali di l' Università di Brasilia (UnB). [3] Marcelo sta scuntannu la sò cunnanna ntô carciri fidirali di Campo Grande e havi a subìri na valutazzioni neurupsicològgica, comu ditirminatu dâ XIV Curti fidirali di Curitiba. [4] Ntô 2009, addivintò la prima pirsuna a èssiri cunnannatu pi razzismu internet ntô Brasili . [5]
Marcelo trasìu ntâ l'UnB, doppu aviri superatu l'esami di ammissioni pô cursu di littiratura, ntô 2005, e all'Università Cattòlica di Brasilia (UCB), ntô 2006, unni si laureò 'n Infurmatica . La traiettòria criminali di Mello accuminciàu ntô 2005, quannu pubblicàu na siquenza di reati contra li nìuri nna nu forum di l'UnB, ntô situ di appuntamenti Orkut . Ntâ internet, Mello fici cummenti dirogatori supra li culleghi appruvati attraversu lu sistema di quota . Fu purtatu 'n prucessu e cunnannatu, ntô 2009, a n'annu e dui misi di prigiuni, essennu la prima pirsuna cunnannata 'n Brasili pi razzismu ntô universu diggitali.
Nta l'anni succissivi, Marcelo apprufunnìu lu sò arsenali di nfrazzioni e allargàu la gamma di vittimi. Distribbuìu minacci di morti e, a picca a picca, accuminciàu mi cuncintra li sò messaggi ntô situ web "Silvio Koerich", ca purtàu ô sò arrestu nna l'Opirazzioni Intolleranza dâ Pulizzia Fidirali. Finu a allura, canciava spissu lu veiculu usatu pi prumòviri li sò idèi, cosa ca rinnìa difficili lu rintracciamentu. Accuminciò a purtari avanti intimidazzioni diretti e minacci di morti citannu aspetti dâ vita pirsunali dî vittimi, puru li sò picciriḍḍi. Doppu n'annu e sei misi di prigiuni a Paraná, appi lu dirittu di purtari la sò cunnanna 'n libbirtà. Mello cummattìu n'àutra vota crimini, sta vota ntô forum " Dogolachan ". Ntô 2018, fu arristatu di l'Opirazzioni Bravata dû PF e fu cunnannatu a 41 anni, 6 misi e 20 jorna di prigiuni pi razzismu, coercizzioni duranti lu prucessu, associazzioni criminali, 'ncitamentu a cummèttiri crimini, diffusioni e dispunibbilità di mmàggini pornografìchi pi picciriddi e tirrurismu ‘mpegnatu supra internet. Cchiù tardu, la Corti Riggiunali Fidirali dâ Quarta Riggiuni arriducìu la cunnanna a 11 anni di prigiuni chiusa . [6] Marcelo è vistu comu nu prumuturi principali dâ cummissioni di crimini ancùora cchiù gravi di terzi parti, comu omicidi, fimmicidi e terrurismu . [4]
Ntô 2021, la Curti riggiunali fidirali dâ quarta riggiuni (TRF-4) nigàu n'abeas corpus a favuri di Marcelo Valle Silveira Mello. Lu sò avucatu chiamò l'habeas corpus pâ prugrissiuni dû riggimi, accussì putìa èssiri trasfirutu nna n'unità carcirari adatta ô riggimi semi-apertu. Si l'ordinanza priliminari non fu accittata, chiamò, 'n alternativa, lu ritornu provvisoriu ntô Cumplessu Medicu Pinali di Curitiba, lu postu unni fu arristatu 'n princìpiu. [6] [7]