Lingua greca muderna

Grecu mudernu (Ελληνικά)
Parratu 'n:	Grecia, Cipru, Grecia Salintina e àutri paisi di migrazziuni greca (suprattuttu Australia e Stati Uniti)
Classìfica:	-
Famigghi linguìstichi:	Lingui indoeuropei   Grechi
Classificazzioni
ISO 639-1	el
ISO 639-2	gre; ell
SIL	GRK

Lu grecu mudernu, 'n manera cchiù giusta niugrecu ('n grecu mudernu Νέα Ελληνικά o Νεοελληνική, sturicamenti canusciutu macari comu Ρωμαίικα) è l'ùrtimu stadiu di lu prucessu evulutivu di la lingua greca, oi parrata ntî lu munnu di circa 15,5 miliuna di cristiani, suprattuttu ntî la Grecia e a Cipru, oltri ntî tutti l'àutri paisi unni li grechi anu jutu comu migranti (spiciarmenti Australia e Stati Uniti).

'N manera cunvinziunali s'accumincia a parrari di grecu mudernu a pàrtiri di la cascata di lu Mperiu Bizzantinu ntî lu 1453 ppi manu di li Turchi.

Ppi assai tempu la lingua hà campatu ntî na forma di diglussìa, ccu diversi dialetti parrati a liveddu lucali e riggiunali, anzèmmula a formi arcàichi di grecu. Ntî lu mentri di li sèculi XIX e XX fu pruvata la ntruduzzioni di la Katharevousa, na varianti arcaicizzanti e purista, 'n sustituzzioni di lu dimòticu, la furma di grecu parrata di la megghia parti di lu pòpulu. Stu tintativu nun appi successu e si mantinni di lu dimòticu.

Oi, lu grecu mudernu standard, lingua ufficiali sia 'n Grecia ca a Cipru è basata supra lu dimòticu.

Oji esistunu varii dialetti di lu neogrecu: critisi, cipriota, ponticu e autri ancora.

Grammàtica

Li principali diffirenzi ntra lu grecu anticu e chiddu mudernu sunnu ntî la flissioni, zoè ntî la cuniugazzioni virbali e ntî la diclinazzioni di li nomi. Lu grecu mudernu pirdìu lu duali e lu casu dativu ntî la diclinazzioni; ntî la cuniugazzioni pirdìu lu duali, lu modu nfinutu e lu modu uttativu (anticamenti addupiratu ppi annincari disìu o dubbiu); pirò ha nvintatu l'ausiliari. Ntî lu lèssicu, lu grecu mudernu pupulari pigghia ccu assai facilitati prèstiti di lingui straneri, mentri lu grecu purista voli nvintari palori novi mudillànnuli supra chiddi antichi.

Funuluggìa di lu niugrecu

Ppi la funuluggìa di lu niugrecu, zoè ppi la prununzia giusta di lu niugrecu, sicunnu la norma "standard", ca sunnu chiddi di Ateni e di l'Attica, ni servi l'alfabbetu funèticu ntirnazziunali stabbibulutu di l'IPA (Internationale Phonétique Association). Cirtiduni cunzunanti càncianu prununzia sicunnu la prisenza di li funemi palatali [i], tràmiti cui sunnu di capìrisi li littri η, ι, υ, li dittonghi ει, οι e lu raru υι, e [ɛ], tràmiti cui sunnu di capìrisi la littra ε e lu dittongu αι.

L'alfabbetu grecu

Α	α	άλφα, alfa	vucali graputa cintrali [a] comu ntî lu sicilianu cani
Β	β	βήτα, vita	spiranti labbiudintali sunora [v] comu ntî lu sicilianu vita
Γ	γ	γάμμα, gamma	spiranti vilari sunora [ɣ] + [a ɔ u] comu ntî l'àrabbu ghidhâ [ɣiˈðɑː]; nti l'accuminciari di palora spiranti palatali sunora [ʝ]- + [i ɛ] comu ntî lu sicilianu Janu; nti lu menzu di palora ucclusiva palatali sunora -[ɟ]- + [i ɛ] comu ntî lu talianu ghiaccio [ˈɟattʃo]
Δ	δ	δέλτα, delta	spiranti dentali sunora [ð] comu ntî l'anglisi that [ðæt] o the [ðə]
Ε	ε	έψιλον, épsilon	vucali palatali antiriori [ɛ] comu ntî lu sicilianu pèrsicu o beddu
Ζ	ζ	ζήτα, zita	sibilanti sunora [z] comu ntî lu talianu snello o (giniralmenti) rosa
Η	η	ήτα, ita	vucali palatali strema [i] comu ntî lu sicilianu innu
Θ	θ	θήτα, thita	spiranti dintale surda [θ] comu ntî l'anglisi think [θɪŋk] o ntî lu spagnolu cerrar [θɛˈrar]
Ι	ι	ιώτα, iota	vucali palatali strema [i] comu ntî lu sicilianu innu
Κ	κ	κάππα, kappa	ucclusiva vilari surda [k] + [a ɔ u] comu ntî lu sicilianu cani o ntî l'anglisi kiss [kɪs]; ucclusiva palatali surda [c] + [i ɛ] comu ntî lu sicilianu chinu
Λ	λ	λάμβδα o λάμδα, lambda o lamda	latirali sunora [l] comu ntî lu sicilianu locu
Μ	μ	μυ, my	nasali labbiali [m] comu ntî lu sicilianu matri
Ν	ν	νυ, ny	nasali dintali [n] comu ntî lu sicilianu nannu
Ξ	ξ	ξει, xi	sonu duppiu [ks] comu ntî lu sicilianu xinufubbìa
Ο	ο	όμικρον, ómikron	vucali vilari antiriori [ɔ] comu ntî lu sicilianu oru [ˈɔru]
Π	π	πει, pi	ucclusiva labbiali surda [p] comu ntî lu sicilianu pani
Ρ	ρ	ρω, ro	vibbranti sunora [r] comu ntî lu talianu ruota re
Σ	σ (-ς)	σίγμα, sígma	sibbilanti surda [ss] comu ntî lu sicilianu sanu
Τ	τ	ταυ, taf	ucclusiva dintali surda [t] comu ntî lu sicilianu tana
Υ	υ	ύψιλον, ýpsilon	vucali palatali strema [i] comu ntî lu sicilianu' innu
Φ	φ	φει, fi	spiranti labbiudintali surda [f] comu ntî lu sicilianu fami
Χ	χ	χει, chi	spiranti vilari surda [x] + [a ɔ u] e cunzunanti comu ntî lu tidescu Achtung [ʔˈaxtuŋ] ; spiranti palatali surda [ç] + [i ɛ] comu ntî lu tidescu ich [iç]
Ψ	ψ	ψει, psi	sonu duppiu [ps] comu ntî lu sicilianu psiculuggìa
Ω	ω	ωμέγα, oméga	vucali vilari antiriori [ɔ] comu ntî lu sicilianu oru [ˈɔru]

Li dittonghi di lu niugrecu

ει, οι, (raro υι)	vucali palatali strema [i] comu ntî lu sicilianu innu
αι	vucali palatali antiriori [ɛ] comu ntî lu sicilianu pèrsicu o beddu
αυ	[af] + cunzunanti surda; [av] + vucali o cunzunanti sunora
ευ	[ɛf] + cunzunanti surda; [ɛv] + vucali o cunzunanti sunora
ηυ (raru)	[if] + cunzunanti surda; [iv] + vucali o cunzunanti sunora
ου	vucali vilari strema [u] comu ntî lu sicilianu ùrtimu

Li nessi cunzunàntichi di lu niugrecu

Vidennu lu fattu ca tutti li ucclusivi duppi sunnu addibbuluti, as. 〈ττ〉= [t], chistu nun succedi ppi lu cunziunanti nasali (μ e ν) e lìquidi (λ e ρ) e ccu la sibbilanti surda (σ): dunca 〈λλ〉= [ll],〈μμ〉= [mm],〈νν〉= [nn],〈ρρ〉= [rr], 〈σ〉/〈σσ〉= [ss]. Cci sunnu macari diversi liggiuti ppi li nessi cunzunàntichi:

-γγ-	[ŋɣ] + [a ɔ u]; [ŋʝ] + [i ɛ]
γκ-	ucclusiva vilari sunora [ɡ] comu ntî lu talianu gatto e ghetto; -γκ- [ŋɡ]
γχ-	[ŋx] + [a ɔ u] e cunzunanti; [ŋç] + [i ɛ]
-μβ-	[ɱv] comu ntî lu talianu invenzione
μπ-	ucclusiva labbiali sunora [b] comu ntî lu sicilianu bonu; -μπ- [mb]
ντ-	ucclusiva dintali sunora [d] comu ntî lu sicilianu denti; -ντ- [nd]
-τζ-	affricata dintali sunora [dz] comu ntî lu talianu zebra; oppuru affricata palatali surda [tʃ] comu ntî lu talianu bacio [ˈbatʃo] o cena [ˈtʃena]
-τσ-	affricata dintali surda [ts] comu ntî lu sicilianu puzzu [ˈputtsu]
-λι-	apprussimanti palatali latirali [ʎ] comu ntî lu talianu aglio
-νι-	nasali palatali [ɲ] comu ntî lu sicilianu Gnazziu

Asempiu di trascrizzioni funètica

Konstantinos Kavafis, Ithaki, 1-3 (Κωνσταντίνος Καβάφης, Ἰθάκη, 1-3)

Σὰ βγεῖς στὸν πηγαιμὸ γιὰ τὴν Ἰθάκη, / νὰ εὔχεσαι νἆναι μακρὺς ὁ δρόμος, / γεμάτος περιπέτειες, γεμάτος γνώσεις.

[savˈɟis stɔmpiɟɛˈmɔ ʝatiniˈθaki, / naˈɛfçɛssɛ ˈnanɛ makˈris ɔðˈrɔmɔs, / ʝɛˈmatɔs pɛriˈpɛtjɛs ʝɛˈmatɔs ɣˈnɔssis] -