Lautari
Li Lautari sunnu un gruppu di mùsica folk natu a Catania nta l’anni uttanta. Chissu havi purtatu â ribarta la mùsica tradizziunali siciliana adattànnula a lu gustu mudernu.
Lu nomu[cancia | cancia la surgenti]
Lu nomu dû gruppu pigghia spuntu di li lautari, musicisti giròvachi dâ riggiuni russa dâ Moldava ca pòrtanu ‘n giru la sò mùsica â genti cumuni. A iddi havi statu midemma didicatu un film (I lautari), direttu di Emil Lotijanu ntô 1972.
La band[cancia | cancia la surgenti]
Lu gruppu urigginariu è custituitu di musicisti autudidatti (a eccizzioni d’unu), ca pruvèninu dâ mùsica di strata e dû piano-chitarra bar; li cumpunenti cchiù jòvini, Enrico Luca e Salvo Farruggio, hannu antura trasuti a fari parti dâ band.
- Giovanni Allegra (contrabbassu, plettri, chitarra e vuci), accumenza comu autudidatta ntô piano bar dâ riviera dî ciclopi e doppu na spirienza ntô tiatru dialittali. Doppu la custituzzioni dû gruppu è l'auturi dâ maiuri parti di li testi dî canzuni dî Lautari.
- Puccio Castrogiovanni (fisarmònica, plettri, chitarra e vuci), è l'ùnicu dâ furmazzioni urigginaria a aviri cumpiutu studi musicali. Discinni di na famigghia di artisti e musicisti (lu sò catanannu era Turi Pandolfini, atturi carattirista ca ricitau cu Angelo Musco e Totò) e havi cunnuciutu attivitati cu Giovanni Allegra.
- Roberto Fuzio (chitarra, vuci e pircussioni), accumenza di nicu a sunari la chitarra e comu li sò culleghi havi diversi spirienzi tiatrali. Canuscituri e studiusu di tradizzioni pupulari siciliani cullàbbura â scrittura di li testi dî sò canzuni.
- Salvo Farruggio (battarìa e pircussioni)
- Enrico Luca (faràutu e sax) havi ntraprinnutu li studi di faràutu pressu l’Istituto Musicale “V. Bellini” di Catania, diprumànnusi cû màssimu di li voti. S’havi pirfizziunatu cu musicisti di chiara frama e havi pigghiatu parti a vari rassegni musicali, distinchènnusi nta vari cuncursi nazziunali e nternazziunali. Havi statu òspiti ntê riggistrazzioni dû discu “Mutevoli sensazioni” di Agata Lo Certo e ntô discu “Eva Contro Eva” di Carmen Consoli.
- Daniele Zappalà (Trumma)
Discugrafìa[cancia | cancia la surgenti]
- Acqua e sali 1990 (cu canzuni 'n sicilianu: Cantu di Jattura, Amuri ca di notti, Campanedda annaca annaca, Palummedda, Canzuni di li biddizzi, e Riturnella).
- La casa di Icaro 1993 (cu canzuni 'n sicilianu: Ciuri ciuri, Sarva la pezza, Abbobbò, Campanedda, Si li me' paroli, Vitti 'na bedda, Atturna, Dormi e vola, e Veni cca').
- La cantata dei pastori - Meru meru 1994 (cu canzuni 'n sicilianu: Scattiata di ciaramedda, Talè Talè, Meru meru, A quattr'uri di la notti, Sona sona, E nasciu lu bambineddu, Ciaramiddata, Nanareddi, e La notti di Natali).
- Antrasatta (all'improvviso) 1997 (cu canzuni 'n sicilianu: Quali ninna e quali vo', Spunta lu suli, Lu surci, Lu scuru, e Tra 'u desertu e 'u mari).
- Anima antica 2004