La Rioja

La Rioja è na cumunità autònuma e pruvincia dâ Spagna. S'attrova ntô nord dâ pinìsula ibbèrica, pirò nun havi sboccu ntô mari. Lu nomu veni di lu ciumi (Rìo Oja) ca lu attravirsa. Eni videmma attravirsata di lu ciumi Ebro.

Eni la sicunna cumunitati cchiù nica dâ Spagna (doppu li Isuli Baliari) e chidda ca havi menu abbitanti. Cunfina cù li cumunitati autunumi dê Paisi Baschi a nord, Navarra a nord-est, Araùna a sud-est e câ Castigghia e Leòn a sud (pruvincia di Soria) e a ovest (pruvincia di Burgos).

Dâ sò pupulazzioni di 301.084 abbitanti, casi la mitati campa n Logroño, lu capulocu. Havi 174 cumuni e chiossai dâ mitati havi menu di 200 abbitanti.

La riggiuni è famusa pì la sò produzzioni di vinu di qualitati e lu patronu eni la Virgini di Valvanera.

Storia

Fu cuntisu ntô siculu X ntra Navarra e Castigghia e doppu, 1173, fu nglubbatu ô Regnu di Castigghia. Lu territoriu di La Rioja prima di la transizzioni dimucratica era chiamatu pruvincia di Logroño. Propiu pâ sò piculiaritati ecunomica, cû Statutu di San Millán addivintò cuminitati autunuma cu una sola pruvincia ntô 1982.