Asturi (cumunità autònuma)

Li Asturi (Principau d'Asturies 'n Asturianu) sunnu na cumunità autònuma dâ Spagna. Ànnu na supirfici di 10604 km quatrati e na pupulazzioni di circa 1'100'000 abbitanti. La capitali è Oviedu (Uviéu 'n asturianu). Bagnatu a Nord di l'acqui dû Mari Cantàbbricu, fa finaita a ovest câ pruvincia di Lugo (Galiza), a sud câ pruvincia di León (Castilla y León) e a est câ Cantabbria. Ricivi lu nomu di "Principatu" pi raggiuni stòrichi, comu eredi dâ curona di Castigghia - e, pi estinsiuni, dâ curuna di Spagna - ditenni lu tìtulu nòbbili di Prìncipi d'Asturies, istituitu di Giuvanni I di Castigghia nta l'annu 1388. La cità di Oviedu (Uviéu) è la capitali e, secunnu lu Statutu d'Autunumìa, sedi di l'istituzzioni dû Principatu d'Asturies. La cità cchiù abbitata dâ cumunità è Gijon (Xixón 'n asturianu).

Lu Principatu d'Asturies, secunnu l'artìculu 1 dû so Statutu d'Autunumìa, è cunziddiratu na cumunità stòrica. Àvi na samprea liggislativa chiamata Cunzigghiu Ginirali dû Principatu, 'n mimoria di n'antica istituzzioni mediuevali di rapprisintanza dî cunzigghi davanti â Curuna. Lu so tirritoriu cuncidi puru 'n parti cu l'aria matrici di l'anticu regnu di l'Asturies di l'annu 718 e àvi dui lingui propri: l'asturianu, dû troncu linguìsticu asturlionesi, ca, puru si nun è cunzidirata na lingua ufficiali , àvi nu status ligali simili a chiḍḍu di l'ufficiali, e lu Eonaviego o galizzianu-asturianu, dû ramu linguìsticu galizzianu-purtughisi, parratu ntê cunzigghi di l'estremu uccidintali e ca godi di nu status similari.