Giufà

Giufà è lu prutagonista di cunta pupulari siciliani di urìggini àrabba. Tanticchia babbu, ni cummina di tutti li culura, ma quasi sempri ci finisci bona, senza chi si nni renni cuntu. Di caràttiri sèmplici, ingenû, vivi ogni jornu comu c'ammatti, pigghiannu la jurnata comu veni.

Storia

Lu stissu pirsunaggiu cu li stessi storî, si trova nta àutri tradizzioni pupulari dî paisi dû meditirraniu. Si chiama Djeha in Algeria e n Maroccu, Goha n Eggittu, Nasreddin Hodja n Turchìa, uguali n Calabbria, Giaffah n Sardigna, Ġaħan (Giahan) a Malta.... e ancora Giucca n Tuscana, Giucà n'Albanìa, Turlulè n Trentinu, Noodles ntê paisi angrusàssuni.

Giufà ntî la littiratura

Na trascrizzioni n sicilianu di sti cunta si pò truvari ntî Fiabe, novelle e racconti popolari sicilani di Giuseppi Pitrè. Puru Italu Calvinu n Fiabe italiane arripigghiau certi cunta di Giufà dû libbru di Pitrè.

Ppi sapìrinni cchiossai

[1] Na lonca lista di cunta di Giufà.
[2] Nu cuntu n sicilianu
[3] Artìculu scientìficu supra li cunta tradizziunali siciliani di urìggini àrabba
[4] Supra Noodles

Wikimedaglia

Chista è na vuci nzirita nni l'artìculu n vitrina, zoè una dî mègghiu vuci criati dâ cumunità.
Fu arricanusciuta lu 2007

S'hai traduciutu n'artìculu o hai criatu na vuci e riteni ca sia lu casu di fàrila canùsciri picchì è cumpreta n tuttu, signàlila. Naturalmenti, sunnu boni accittati suggirimenti e canciamenti chi mìgghiùranu lu travagghiu.

Signala na vuci Archiviu Talìa tutti l'articuli n vitrina