Fuad Siniora

Dâ Wikipedia, la nciclupidìa lìbbira.
Jump to navigation Jump to search
Fouad Siniora

Fouad Siniora (Sidone, 1943) ('n àrabbu:فؤاد السنيورة) è lu primu ministru dû Libbanu19 di giugnettu 2005.

Nascìu nta na famigghia sunnita di Sidone e s'addiplumau 'n ecunumìa nta l'American University of Beirut; hà statu prufissuri univirsitàriu e appoi travagghiau comu bancàriu ntâ Citibank di Beirut e dopu di chista travagghiau ô cuntrollu nternu nta la Banca Cintrali dû Libbanu. Dô 1982 accumiciau a travagghiari intra a lu mperu ecunòmicu di Rafiq al-Hariri, cu mpurtanti roli dirigginziali.
1992 ô 1998 fu suttasigritàriu pri l'affari finanziarî e dô 2000 ô 2004 appi lu rolu di ministru di li finanzi.

Dopu la "rivuluzzioni dê cedri" ntâ primavera dô 2005 e la vittòria di l'uppusizzioni antisiriana nta l'elizzioni pulìtichi ca ci foru doppu, vinni ncaricatu dû prisidenti Émile Lahoud di furmari nu novu cuvernu. Ntô mentri dâ "secunna guerra israeli-libbanisi", lu cuvernu cunnuttu di Siniora prisintau ô "vèrtici di Roma27 giugnettu 2006" nu prugramma di setti punti pri na suluzzioni dû cunflittu e appoi accugghìu la "risoluzzioni 1701 (2006) dû Cunsigghiu di Sicurizza di li Nazzioni Uniti", ca fici finiri la guerra.

Lu cuvernu cunnuttu di Siniora s'addibbulìu ntô Nuvèmmiru 2006 chê dimissiuni di sei ministri sciiti lijati ê muvimenti Hezbollah e Amal, ca addumànnanu la furmazzioni di nu cuvernu di unitati nazziunali, e cu l'umicìdiu dô ministru di la nnustria Pierre Amin Gemayel.

Doppu la fini dû mannatu di Lahoud comu prisidenti (23 di dicèmmiru 2007), Siniora si pigghiau li funzioni di Capu dû Statu pû tempu nicissàriu nzinu a l'elizzioni dô pròssimu Prisidenti dâ Ripùbbrica.