Discussioni utenti:Sullo82

Bommegna Sullo82 ntâ Wikipedia scrivuta n sicilianu!

La lingua siciliana veni parrata ntô munnu di ammeri 10 miliuna di pirsuni sparsi pi mitati n Sicilia, e l'àutra mitati n Calàbbria, ntô Salentu e ntô Cilentu e dî cumunitati di l'emigrati siciliani. Macari nun lu sai, ntonzi t'avemu a diri ca chiddu ca nuàutri siciliani chiamamu cumunimenti "U dialettu" (cu lu talianu comu lingua di rifirimentu), è na lingua vera e arricanusciuta di vari urganizzazzioni ntirnazziunali:

l'Unioni Europea nta la sò Carta eurupea dî lingui riggiunali o minuritari
l'UNESCO (zoè li Nazzioni Uniti) nta lu sò Libbru Russu dî lingui n pirìculu
l'Urganizzazzioni Ntirnazziunali pi li Standardizzazzioni (ISO): "ISO 639-2 scn" e "ISO 639-3 scn" (còdici linguìstici dû sicilianu)
lu SIL International attraversu l'Ethnologue.

È na viritati scintìfica: lu sicilianu è na lingua comu qualegghiè àutra lingua: lu francisi, lu catalanu, lu talianu, lu corsu, ecc.

Nuàutri siciliani avemu a canciari lu nostru modu di vìdiri la nostra cultura e la nostra lingua.

Lu sicilianu è na lingua eurupea assai antica comu l'addimustra lu testu n lingua siciliana "Pir meu cori alligrari" ca fu scrivutu di Stèfanu Protunutaru (nu pueta dâ Scola siciliana) ntra lu 1230 e lu 1250, zoè quannu lu sicilianu era la lingua ufficiali dâ Sicilia.

Siddu voi cuntribbuiri ti cunzigghiamu di taliari lu nostru Cumpenniu stilìsticu e la nostra Grammàtica.

Bonu travagghiu e bon'arricriata.

Salutamu! :-)

Ciau Sullo82, comu scrivisti nta la pàggina di discussioni di Missina ca hai lu disidèriu di scrìviri la storia di Missina, hai vogghia.... Accumincia a scrìviri e, pô fattu ca, comu tu dici, non sai scrìviri tantu bonu 'n sicilianu, nun ti scantari ca c'è sempri quarchi àutru utenti prontu pi curriggiri zoccu tu hà scrivutu. Alleggiu alleggiu, macari tu tàlìa ca ti nzigni.

Bonvinutu e bonu travagghiu. Salutamu!--Santu (msg) 09:19, 21 Maiu 2008 (UTC)