Discussioni utenti:Scorpios90
| Bommegna Scorpios90 ntâ Wikipedia scrivuta n sicilianu!
La lingua siciliana veni parrata ntô munnu di ammeri 10 miliuna di pirsuni sparsi pi mitati n Sicilia, e l'àutra mitati n Calàbbria, ntô Salentu e ntô Cilentu e dî cumunitati di l'emigrati siciliani. Macari nun lu sai, ntonzi t'avemu a diri ca chiddu ca nuàutri siciliani chiamamu cumunimenti "U dialettu" (cu lu talianu comu lingua di rifirimentu), è na lingua vera e arricanusciuta di vari urganizzazzioni ntirnazziunali:
È na viritati scintìfica: lu sicilianu è na lingua comu qualegghiè àutra lingua: lu francisi, lu catalanu, lu talianu, lu corsu, ecc. Nuàutri siciliani avemu a canciari lu nostru modu di vìdiri la nostra cultura e la nostra lingua. Lu sicilianu è na lingua eurupea assai antica comu l'addimustra lu testu n lingua siciliana "Pir meu cori alligrari" ca fu scrivutu di Stèfanu Protunutaru (nu pueta dâ Scola siciliana) ntra lu 1230 e lu 1250, zoè quannu lu sicilianu era la lingua ufficiali dâ Sicilia. Siddu voi cuntribbuiri ti cunzigghiamu di taliari lu nostru Cumpenniu stilìsticu e la nostra Grammàtica. Bonu travagghiu e bon'arricriata. Salutamu! :-) | |
Salutamu. Cosa pinzi dû signu Ḍḍ. Sicunnu la tò upinioni quali è la furma migghiuri, "Ḍḍ", "Dd", "Ddr" o "Dd"? Iu penzu chi la furma migghiuri è "Ḍḍ". Pirò sta forma nun è assai usata ntê vuci dâ nciclupidìa. Pirò pi l'artìculu penzu chi la furma migghiuri sarìa "la", "lu" e "li", pirchì quarchi funti (comu lu dizziunariu sicilianu-talianu d'Antonino Traina) dìcunu chi la furma "a", "u" e "i" sunnu dê furmi usati sulu ntâ citati di Palermu). Ah e si voi poi cuntribbuiri â virsioni di Wikipedia siciliana pê picciriddi e picciotti d'etati cumpresa ntrô 8 e 13 anni e pi ca vugghiunu na simprici prisintazzioni di n'argumenta ("slogan dû wiki"). Nun è ufficialmenti di WMF, pirò è assai canusciutu. P'asempiu SurdusVII fu nu mèmmiru dû wiki e lu steward Linedwell è n'amministraturi dû pruggettu n lingua francisa. Chista è la pàggina principali dô wiki.--Àncilu (msg) 21:02, 8 maiu 2022 (CEST)
- Ciau Àncilu, grazzi pû to missaggiu e pâ dumanna. T'arrispunnu e ti dicu chi penzu di certi cosi ncapu â lingua siciliana e l'urtugrafìa ca veni usata ncapu cca a scn.wiki.
- Ntantu ti dicu ca i du' "d suttapuntati -ḍḍ-" su' assai apprizzati dî siciliani arfabbitizzati, pirchì è na furma diacrìtica dâ d fàcili di scrìviri e beḍḍa di taliari, ma suprattuttu stamu parrannu di na furma urtugràfica ca pirmetti a tutti i parranti di putiri riprisintari a propia prununzia dialittali, senza bisognu d'attaccàricci a pressu na r o macari n'h. Pi chistu ti cunzigghiu di usari i di suttapuntati pi riprisintari i soni ritruflessi ca ni pirmèttunu di scanciari paroli comu "beḍḍu" rispettu a "friddu" o "addurmìsciri", ca su' senza ritruflissiuni.
- Pû discursu di l'artìculi ditirminativi "lu, la, li" e "u, a, i" nun cci fussi bisognu di dìriti comun cumminissi usalli si sì parranti nativu sicilianu. 'N ginirali a règula grammaticali è chiḍḍa di cunzidirati i furmi chî cunzunanti liquiti lu, la, li comu furmali e musicali, nnô senzu ca vènunu usati pi certu quannu si scrivi nu testu jurìdicu o filusòficu o puru quannu si canta na canzuna siciliana, propiu pirchì st'artìculi ànnu na furma eufunètica. S'hâ diri pirò ca nnô parratu culluquiali st'artìculi "liquiti" su' ancora usati nnâ zona punintina di Castiḍḍuvitranu e Tràpani, ca arresta l'ùnica zona dâ Sicilia unni st'artìculi siciliani antichi vènunu ancora usati cu privalenza.
- Nni tutti l'autri banni l'artìculi u, a, i s'hâ diri ca, cchiùi, su' a furma privalenti dû parratu e, a pressu, macari dû scrittu (penza a l'artìculi dû napulitanu o dû campanu). Mutivu pi lu quali, sarbu certi usi cristaudizzati nni certi frasi comu "a li voti" (o sìmili), sta sicunna partita d'artìculi (e i pripusizziuna articulati ca dirivanu di chisti) su' sicuramenti l'usu privalenti pi tutti i paroli ca ncumìncianu pi cunzunanti. Chiaramenti pi tutti i paroli ca pàrtunu pi vucali si usa a furma pruclìtica di l'artìculi "lu, la, li", comu quannu si dici "l'arancinu (m.s.), l'arancina (f.s. e m/f, pl.), l'arancini (m/f. pl.)"; o puru (ma cca cc'è cu' fussi cuntrariu a sta règula) a furma câ crasi di l'artìculi câ prima vucali dâ parola, comu pi "ârancinu (m.s.), ârancina (f.s. e m/f, pl.), ârancini (m/f. pl.)", ca 'n pràttica si fùnnunu nzèmula.
- Ncapu a l'urtugrafìa ca veni usata cca ncapu a scn.wiki ti dicu sulu ca cci su' na carrittata di pàggini scrivuti chî pedi, ca sicùtanu i stili dialittali di l'utenti ca i scrìssiru e ca su' macari scarsamenti arfabbitizzati 'n grammàtica e urtugrafìa siciliana. Nzumma cca si scrivi assai a sintimentu (e pi piaciri), ma no pi canuscenza bona dâ lingua. Scorpios90 (msg) 17:35, 21 maiu 2022 (CEST)
- Putirìa canciari a pàggina dû cumpènniu stilìsticu (chi cunteni st'errura, p'asempiu chiḍḍu dâ "ḍḍ" e chiḍḍu dê artìculi). N'àutru prubblema è supra translatewiki (a ntirfaccia dû software mediawiki) unni l'errura sunnu assai prisenti (p'asempiu la palora "beḍḍu" è scrivuta "beddu" o "beddhru". Grazzî pâ spiegazzioni! Àncilu (msg) 22:32, 21 maiu 2022 (CEST)