Discussioni:Otto E. Rössler

Lu testu mi pari tanticchia tindinziusu. Si dici chi è cèlibbri pi aviri criticatu lu LHC, ma nun si dici chi nun è pi nenti espertu 'n fisica nucliari, e chi li sò critichi sunnu riggittati dâ cumunità scintìfica (misu a parti quarchi criticu isulatu). Lu LHC accuminza tra quarchi jornu e la causa chi fu prisintata pi bluccarilu fu archiviata senza sèquitu. --Peppi 08:32, 1 Sitt 2008 (UTC)

La stissa critica è vàlita puru pi la virsioni ngrisi e francisi di l'artìculu. Siddu siti d'accordu, fazzu li canciamenti pi rènniri l'articulu cchiù neutrali. --Peppi 08:41, 1 Sitt 2008 (UTC)

Tindinziusità di l'articulu

Ciau Peppi,
certu certu, sugnu d'accordu, a biddizza di wikipedia eni ca si discuti di tuttu...
Fa so ca ti pari e piaci, naturalmenti...
A mia m'antirissassi ca si discutissi chiu ssai sopra stu prugettu. Lu LHC custau 4,6 miliardi di Euro, significa ca ogni abbitanti di la Terra paiau all'incirca n'euro pi custruirlu (vabbé ca fuorru coinvotti sulu 20 paisi)...
Mi pari stranu ca c'eni picca genti ca nun s'addummanna comu vienunu impiegati li sordi pubbrici..

Sta stati nun ti facisti sentiri a Rausa, ma scinnisti?
N'avissimu pututu ancuntrari pi n'apiritivu...
Vasamu li mani
Maurice Carbonaro (msg) 09:15, 1 Sitt 2008 (UTC)

Ciau. Sì, scinnìi ma fui assai mpignatu ca mè famigghia, e nun mi capitau di vèniri agghiri ô stabbilimentu bruciatu. Comunqui n'autra vota n'avemu a vìdiri e pigghiarini na granita nsiemi. Pi quantu riguarda l'articulu fici canciamenti nichi, sulu pi rinnillu cchiù neutrali. Nun vulissi chi wikipedia pigghia la sò parti ntâ cuntruversa graputa chî scinziati dû LHC. Iu canusciu n'amicu miu chi travagghia siriamenti di na dicina d'anni ô LHC a Ginevra, e quannu discurremmu di sta storia, ni mittemmu tutt'è dui a ridiri. --Peppi 15:02, 1 Sitt 2008 (UTC)