Diminsioni

Dâ Wikipedia, la nciclupidìa lìbbira.
Jump to navigation Jump to search

Pi diminsioni si ntenni la lunchizza, la larichizza, lu spissuri di n'uggettu riali, o lu diamitru siddu l'uggettu è circulari, conicu, sfericu o semisfericu.

N matimàtica la diminsioni è nu nùmmuru, chi currispunni ô nùmmuru di dirizzioni nnpininnenti. Pi esempiu na lìnia, nu segmentu o lu pircursu di nu puntu ntô spazziu havi diminsioni 1. Na figura chiana china, comu lu spazziu dilimitatu di nu discu, di nu quatratu, di nu trianculu o di àutra figura chiana chiusa havi diminsioni 2. Lu spazziu dilimitatu di na fijura chiusa tridiminsiunali, comu pi esempiu lu dintra di nu cubbu, di na sfera o di n'àutru soliddu chiusu, havi diminsioni 3.

N giomitrìa lu cuncettu di diminsioni si pò giniralizzari ô casu di uggetti matimatici cchiù astratti comu li spazzi vitturiali chi pò aviri diminsioni chiussai di 3, o puru diminsioni nfinita.

Cuncirnenti li giniralizzazzioni dû cuncettu di dimisioni, la dimisioni di Hausdorff è usata pi innicari la diminsioni di uggetti liati ô studiu dî frattali, e pò siri nu nummuru riali non interu.