Casmeni

Casmeni o Kasmene (dû grecu: Κασμέναι, Kasmenai) fu na culonia greca, e cchiù pricisamenti sarausana funnata ntô 644 a.C. ntî l'entruterra sarausanu, ntî na pusizzioni strateggica pô cuntrollu dâ Sicilia cintrali, e utilizzata comu avampostu militari ntâ via Selinuntina la strata ca di Sarausa purtava a Silinunti.

Lu situ archiologgicu, ca apprisenta resti di mura e di nu tempiu forsi didicatu a nu diu dâ guerra, pi l'armi ca foru truvati ntê vicinanzi, fu scuperti â ccuminzatina dû vintèsimu sèculu di Paulu Orsi, e s'attrova ô munti Casali, ntô tirritoriu di Buscemi, â fruntera tra la pruvincia di Rausa e chidda di Sarausa a n'altitùddini di circa 850 metri, nun luntanu dû Munti Lauru.

Li tistimunianzi storichi principali sunnu chiddi di Tuciditi ca parra dâ funnazzioni dâ cità e dê guerri a cui participau.