Carnalivari

Artìculu n vitrina
Dâ Wikipedia, la nciclupidìa lìbbira.
(Rinnirizzata di Carnaluvari)
Na màscara di Carnaluvari.
« A carnalivari ogni scherzu vali. »
(Pruverbiu talianu)


Lu carnalivari (o carnaluvari) è na festa lijata a tradizzioni chi pìgghianu urìggini forsi ntê usanzi pagani e chi currispunni ntê paisi cattòlichi cu la vigghilia di l'inizziu dâ Quarèsima.

Si carattirizza di na serî di manifistazzioni pupulari unni li genti hannu la pussibbilitati di stracanciàrisi, di urganizzari passiati n màschira, carri alliggòrici e festi pupulari assai ntisi.

Tra li carnaluvari cchiù mpurtanti ntô munnu cci sunnu sicuramenti chiddu di Riu de Janeiru, chiddu di Vinezzia e chiddu di Viareggiu. N'Italia sunnu assai mpurtanti puru lu carnavali di Putignanu ntâ Pugghia e chiddu di Jaci n Sicilia.

La palora «carnalivari» diriva dû latinu "carnem levare", chi anticamenti significava lu banchettu d'abbulizzioni dâ carni chi si tinìa sùbbutu prima dû pirìudu di dijunu, e dâ rinunzia ô piaciri, dâ Quarèsima.

La durata dâ festa pò variari a secunna â tradizzioni dî paisi di una simana nzinu a quarchi misi.

Màscari tìpichi di Vinezzia

Lu brìnnisi[cancia | cancia la surgenti]

'N quarchi banna dâ Sicilia è usuali ca â finuta dû carnaliviri, l'òspiti pruponi nu brìnnisi, ma prima dâ bicchirata, na puisìa nica veni ricitata. Quarchi asempiu:

Chistu vinu è bellu e finu
e mi ciàura di lumìa
un brìnnisi fazzu a sta cumpagnìa.


Chistu vinu è bellu e finu
friscu friscu veni di la vutti
fazzu un brìnnisi a tutti.


Chistu è vinu di musìa
lu guardu mentri lu tegnu ntra li manu
stu brìnnisi è fattu a lu me cristianu. (zzoè lu maritu dâ fìmmina chi ricita la puisìa) [1]

Lijami di fora[cancia | cancia la surgenti]

Rifirimenti[cancia | cancia la surgenti]

  1. Arba Sicula, Carnivali, Vulumi 4/5, 1983


Wikimedaglia
Wikimedaglia
Chista è na vuci nzirita nni l'artìculu n vitrina, zoè una dî mègghiu vuci criati dâ cumunità.
Fu arricanusciuta lu 2017

S'hai traduciutu n'artìculu o hai criatu na vuci e riteni ca sia lu casu di fàrila canùsciri picchì è cumpreta n tuttu, signàlila. Naturalmenti, sunnu boni accittati suggirimenti e canciamenti chi mìgghiùranu lu travagghiu.

Signala na vuci          Archiviu         Talìa tutti l'articuli n vitrina