Brìnnisi

Dâ Wikipedia, la nciclupidìa lìbbira.
Jump to navigation Jump to search
Hip, Hip, Hurrah! dû pitturi danisi P.S. Krøyer, 1888

Lu brìnnisi è lu jisari 'n àutu li biccheri, macari tuccànnuli riciprucamenti, mmitannu a bìviri, comu forma d'aûriu o di filicitazzioni.

Spissu quannu si fa brìnnisi, o si brinnisia a quarchiccosa, prima dâ bicchirata quarchidunu, forsi l'òspiti, cci ricita na puisìa nica, di dui o tri righi.

Asempi dî brìnnisi[cancia | cancia la surgenti]

Quarchi asempiu di zoccu pò èssiri ricitatu prima dû brìnnisi, spiciarmenti pî festi comu lu carnalivari:

Chista è ura d'alligrìa
fazzu un brìnnisi a la mamma mia.


Chistu vinu è duci ed è bonu
e mi vinni sprimutu di la vigna
un brìnnisi cci fazzu a li frati
e a li soru.


Chistu è brìnnisi studiatu
lu fazzu a me cumpari c'aju a latu.


Nun è tempu nè di òriu nè di frumentu,
un brìnnisi fazzu a chistu cummentu.