Caid Petru
Ahmed es-Sikeli, canusciutu comu Petru n'uccidenti, fu nu eunucu dâ curti dû Regnu di Sicilia sutta Gugghiermu lu Malu â mià dû dudicèsimu sèculu. Nasciutu comu mussurmanu ê Gerbi, addivintau nu cristianu cunvirtutu. La sò storia è cuntata di Romualdu Guarna, Hugu Falcandu e Ibn Khaldun.
Petru du urigginariamenti n'ammiragghiu dâ flotta. Tra li sò upirazzioni ntô 1159 iddu capiau na spidizzioni punitiva cu 160 navi ê Baliari contra li Saracini chi si vulevanu ricunquistari li costi africani sutta duminiu nurmannu.
Tintau appoi di cummattiri contra l'assediu saracinu di Mahdia câ stissa flotta, ma si n'appi a riturnari n Sicilia doppu aviri accuminzatu la battaghia navali. L'ammiragghiu dû regnu, Maiuni, ristatu a Palermu, nun mannau li rinforzi nicissari e la cità di Mahdia appi a essiri abbannunata all'almoravidi.
Hugu Falcandu parra di iddu comu nu cristianu di nomu e di apparenza, ma nu saracinu di fattu. Cumunqui Petru fu assai apprizzatu â curti palirmitana, arricivennu lu titulu da Gran Ciambillanu.
Ntô 1162 Petru fu prumuvutu membru dû triumviratu di funziunari (familiares regis) chi includia Matteu d'Aiellu e Riccardu Palmer, chi cuvirnaru la Sicilia doppu la morti di l'emiru di l'emira Maiuni di Bari.
Li familiares regis eranu l'assistenti naturali dâ riggina matri Marghirita di Navarra, chi â morti di Gugghiermu ntô 1166 avia assumutu la riggenza ô nomu di sò figghiu Gugghiermu ancora carusu.
Marghirita comunqui nu cridìva nè a spunenti dâ nubbiltà, nè a ecclisiastichi. Idda perciò numinau l'eunucu Petru ô postu cchiù àutu di ammiratus ammiratorum equivalenti a primu ministru.
Comunqui Petru avia tanti nimici e nun arrinisciu a cuvirnari la Sicilia e a cuntrullari ntô stissu tempu li sò ditrattura. Doppu picca tempu perciò Petru si ni iu n Tunisia purtannusi nu trisoru. Arripigghiau lu nomu di Ahmed, si ricunvirtiu attorna all'islam e travagghiau comu capitanu pâ flotta almoravida dû califfu Yusuf I. Secunnu Ibn Khaldun, chi lu chiama Ahmed es-Sikeli (Ahmed lu sicilianu), Petru, cummattiu cu valuri contra li cristiani. La so fama agghicau a mettiri n imbarazzu Marghirita chi avia datu tutta la sò fiducia all'eunucu.
Bibbliografia
[cancia | cancia lu còdici]Allen Fromherz, North Africa and the Twelfth-century Renaissance: Christian Europe and the Almohad Islamic Empire, Islam and Christian-Muslim Relations, Jinnaru 2009, 43-59.