Ggherbi

Dâ Wikipedia, la nciclupidìa lìbbira.
(Rinnirizzata di Gerbi)
Jump to navigation Jump to search
Nu camiddaru ê Ggherbi

Li Ggherbi sunnu n'arcipèlacu ca s'attrova nun arrassu dâ costa dâ Tunisìa miridiunali. Lucalitati turìstica rinumata, ntô mediuevu appartinni puru ô regnu di Sicilia.

Li Ggherbi e la Sicilia[cancia | cancia la surgenti]

Ntra lu 1148 e lu 1160 tutti li lochi stratèggici di l'Africa dû nord tra Tripuli e Mahdia, cumprinnennu videmma li Gerbi eranu cuntrullati dî nurmanni di Sicilia. Li almohadi s'arripigghiaru prugrissivamenti lu tirritoriu africanu.

N'àutra fasi n cui la Sicilia àppi nu cuntrollu supra li Gerbi fu ntra la fini dû XIII sèculu e l'accuminzagghia dû XIV. N sèquitu â VII cruciata cuntra Tunisi unni murìu Luiggi IX, reghi di Francia, li Angiuini, sutta l'ammiragghiu Ruggeru di Lauria cunquistaru li Gerbi ntô 1284, e l'isula ristò siciliana puru doppu li vespri siciliani chi dicritaru la fini dû duminiu angiuinu. Ntô 1309 li gerbini s'arribbillarunu, ma Fidiricu III, reghi di na Sicilia nnipinnenti arriniscìu a cuntrullari la ribbilliuni. Li Gerbi arristaru siciliani nzinu ô 1336 quannu arrinisceru a libbirarisi, grazzi videmma a nu sustegnu vinutu di l'angiuini di Napuli.

Pirsunaggi storici liati ê Ggherbi[cancia | cancia la surgenti]