Bagghiu

Dâ Wikipedia, la nciclupidìa lìbbira.
Jump to navigation Jump to search

Lu bagghiu è na custruzzioni tipica di l'antica Sicilia. Custituita di na fatturìa furtificata, di nu lascu curtigghiu sinza tittuii o dammusi e longhi muri n petra, vedi la sò nasciuta ntâ Sicilia di l'èbbica spagnola p'arrisòrviri li prubblemi di disirtificazzioni e di spupulamentu di li arii nterni di l'ìsula. Pirò lu mutivu principali di sta criazzioni stava nti lu fattu ca la duminazzioni spagnola, cu la cumplicitati di l'aristucrazzìa siciliana, tintava di sfruttari sempri chiossai lu tirritoriu isulanu e lu sò fauriuli clima pi lu granu e li ciriali n ginirali. N picca tempu li bagghi addivintaru nzèmmula a li latifunni di la banna uccidintali e a li massarìi di chidda urientali di la Sicilia li capisaldi di lu sistema di sfruttamentu dâ terra e di li cuntadini. Òi li bagghi sunnu usati comu casi di li agriculturi, arcuni comu munumenti àutri ancora comu edificiu principali di nu cumplessu agrituristicu.

Àutru significatu[cancia | cancia la surgenti]

Prununziatu bagghíu, rapprisenta lu nomu dû magistratu a Missina chi giudicava lu jussu finanzariu, spiciarmenti ddi casi di cui si trattava di summi abbastanti nichi. Putissi discríviri macari n'ufficiali chi riteni l'armali chi hannu fattu dannu â pruprietà d'àutri.[1]

Etimoluggìa[cancia | cancia la surgenti]

La palora "bagghiu" havi uriggini ncerta. Macari veni di l'àrabbu bahah (curtigghiu) o di lu latinu ballium (curtigghiu cu muri ntunnu).

Giarizzo scrivi ca la palora veni dû francisi anticu, ca significava la parti nterna dû casteddu.[2]

Pruverbi[cancia | cancia la surgenti]

  • Nun su' boni du' gaddi ntra un bagghiu.[3] (voli diri ca nun e' n'idia bona aviri dui capi nnô stissu postu).

Lijami di fora[cancia | cancia la surgenti]

Rifirimenti[cancia | cancia la surgenti]

  1. Centro di Studi Filologici e Linguistici Siciliani (1977-2002) Vocabolario Siciliano, 5 vulumi a cura di Giorgiu Piccittu, Catania-Palermo
  2. Giarrizzo, Salvatore, Dizionario Etimologico Siciliano, Herbita Editrice, Palermo
  3. Dieli, Arthur V., Proverbi Siciliani, Legas, 2014, dâ raccolta di Giuseppi Pitrè