Arpitania

Arpitania

(Bannera arpitana) (Bannera panarpitana)
Muttu: Arpitanu: Fier et abado tant qu’a la fin
Mappa di l'Arpitania
Lingui	arpitanu, francisi, talianu y tidiscu
Citati principali	Lyon, Ginevra, Grenoble, Lausana, Saint-Étienne, Neuchâtel, Aosta, Chambéry, Annecy, Sion, Friborgo, Roanne, Bourg-en-Bresse

Arpitania o Arpetania o Francupruvenza è lu nomu di na riggiuni culturali (principarmenti linguìstica) nta la zona occidintali di l'Alpi. Lu topònimu "Arpitania" diriva di la palora arpitana Arp(e)s (ca signìfica Alpi ntê varianti arpitani). Attuarmenti, l'Arpitania è situata ntra li stati siquenti: Francia, Svìzzira e Italia.

• Ntâ Francia, currispunni a li riggiuni "arpitani" dâ Savoia (Savouè 'n arpitanu) -Divisa 'n Àuta Savoia (Hiôta Savouè o Savouè d'Amont 'n arpitanu) e Bascia Savoia (Savouè d'Avâl 'n arpitanu)-, Franca Cuntea (Franche-Comtât 'n arpitanu), Ciarolisi (Charolês 'n arpitanu), Beaujolais (Biôjolês 'n arpitanu), Bugey (Bugê 'n arpitanu) e lu nord dû Dilfinatu(Dôfenâ 'n arpitanu), lu Forez (Forêz 'n arpitanu), Macunisi (Mâconês 'n arpitanu), la Bresse (Brêsse 'n arpitanu), lu Lyunisi (non Liunisi) Liyonês 'n arpitanu) e li Dombes (Domba 'n arpitanu), parti dâ Burgogna (Borgogne 'n arpitanu).

• Ntâ Svìzzira quasi tutta la Romanda o Romandìa (zoè la zona francòfuna dâ Cunfidirazzioni Svìzzira) è la parti nord urientali di l'Arpitania.

• Nta l'Italia la zona arpitana currispunni a lu Vaddi d'Aosta (Vâl d'Août 'n arpitanu) e â zona alpina di lu Piemunti (Piemont 'n arpitanu) furmatu di li Vaddi Baldensas chiamati 'n arpitanu: Vâlades Arpitanes du Piemont.