Ammuttari û fumu câ stanga
"Ammuttari û fumu câ stanga" è un modu di diri ca si usa 'n Sicilia e spiciarmenti nnâ provincia di Palermu e di Catania; voli diri fari un travagghiu nùtuli, ca nun porta a nuddu risurtatu (nnô spicìficu nfatti voli dari l'idìa di jittari fora di na stanza lu fumu ammuttànnulu usannu la stanga ca na vota sirbieva pi abbutari li pirsiani, un pezzu di ferru suttili suttili e longu longu).
'N talianu c'e' un pruvèrbiu sìmili ca voli diri la stissa cosa, e fussi "pistari l'acqua ntô mortaru".
Ntô catanisi ssa sprissioni veni usata pri nnicari quarc'unu ca non nni mancia di travagghiu, o ni mancia picca, oppuru ca lu fa cu malavogghia: «Chi fa, travagghia ?» «Si..., ammutta û fumu câ stanga !»
Ccà sutta s’attròvanu , spartuti pri òrdini alfabbèticu, na picca di sprissioni tìpichi siciliani e modi di diri.
| Sprissioni siciliani - Modi di diri |
|---|
| A - B - C - DE - F - G - HIJ - L - M - N - O - P - Q - R - S - TU - VZ |
A
[cancia | cancia la surgenti] sprissioni
|
significatu
|
ambitu
|
|---|---|---|
| Abbagnàricci u pani | pigghiari unu pi fissa | Scherzu |
| Abbagnàrisi prima di chiòviri | prioccupàrsi prima dû tempu | |
| Accattàrisi a grancascia | èssiri ntra la cuva | |
| Acchianari e scinniri scali dî tribbunali | iri firiannu uffici uffici | |
| Ammucca muschi | pirsuna uzziusa | Lagnusìa |
| Ammucca lapuni | pirsuna ca si fa pigghiàri pi fissa | Simpliciunirìa |
| Ammuttari û fumu câ stanga | fari un travagghiu nùtuli | |
| Armuzza scunzulata | pirsuna affritta | |
| Aviri a vucca duci e u culu amaru | unu chi si senti ô cuntrariu di zoccu dici |