Vittoriu Butera/Calabbrisi-Cujjienti (CZ)

Cercamu perzuni de Calabbria nteressati a scrìviri artìculi, grandi o pìcculi, 'n calabbrisi pe' 'u nostru progettu nciclupèdicu Wikipedia. Nci potìti scrìviri chidu ca volìti (pe' esempiu l'artìculi supra 'i cumuni calabbrisi). Ma pe' favuri, lasciàti una traduzioni d'i paroli diffìcili e ndicàti 'a pruvenienza de 'a parrata calabbrisi usata. Nun mporta se siti riggitanu, catanzarisu, cusentinu, de Cutroni, o de Vibbu, sempri calabbrisi siti! Grazi.

St'artìculu è scrittu 'n calabrisi d'I Cujjienti (CZ)e d'a zona d'u Savutu , si stai circannu l'artìculu scrittu 'n sicilianu standard, vidi Vittoriu Butera.

'A vita

Vittoriu Butera è statu nu poeta dialettale calabrisi, natu a ri Cujjienti 'u 23 de dicembre 1877 e muortu a Catanzaro 'u 25 'e marzu 1955. Morta 'a mamma, pocu tiempu dopu chi s'era sgravata, foze 'a nanna chi 'u crisciu.
A ru paisi fice re scole lementari. Pue continau 'e scole superiori a La Spezia, Catanzaru, Messina e a ra fine a Napuli duve pigliau a laurea de 'ngegniere. I primi tiempi fatigau a Roma, Palermu, Crotone, pue sempre cume 'ngegnieri a ra Provincia 'e Catanzaru.
'U 1949 jiu 'mpenzione e sulu tannu se decidiu, dopu chi l'amici avianu tantu 'nzistutu, a pubbricare 'u primu libru 'e poesie "Prima cantu e doppu cuntu". Dopu a morte fozeru pubbricati autri due libri: "Tuornu e ccantu, tuornu e ccuntu" 'u 1960; "Inedite" 'u 1978.

L'opera

Butera ha scrittu poesie durante tutta 'a vita, ma ha pubbricatu pocu. Tante poesie (quasi duemila) 'un su' mai state pubbricate. E' certamente, cu Michele Pane, Vicienzu Ammirà ecc, unu d'i poeti cchiù granni d'a Calabria.
'U dialettu chi usa è d'i Cujjienti, ma ogni tantu se trovanu parole 'e Catanzaro, duve ha fatigatu e campatu ppe' tantu tiempu.
L'argumenti chi tratta 'un sunu nuovi. Sunu, ppe' ru cchiù i stessi de Esopu, Fedru, La Fontaine, Trilussa. Cangia però 'u modu d'i cuntare chi fa de Butera 'nu poeta originale.

Tra 'e posie chiù canusciute ricordamu: Alligrizza minzugnara. Tuarnu a ra scola. 'A licerta e ru curzune. L'Americanu.

Scritti su Butera

Luigi Costanzo, "I poeti del Reventino", in Mario Gallo (ed.), Don Luigino Costanzo e i suoi scritti, Decollatura: Grafica Reventino, 1985, pp. 313-366.
Umberto Bosco, Vittorio Butera, Cosenza: MIT, VIII ed., 1978.
Antonio Coltellaro La lingua di Vittorio Butera - Calabria Letteraria Editrice 2006
Carlo Cimino, Calabresità e universalità nella poesia di Vittorio Butera in Canta Pueta, F.lli Gigliotti, Lamezia 1990.
Giuseppe Isnardi , Frontiera Calabrese, Napoli 1965.
Vincenzo Villella , Il paese, la cultura contadina e il tema del ritorno nella poesia di V. Butera - Butera in Canta Pueta – F.lli Gigliotti, Lamezia 1990.

Ligame 'e fore

http://www.unlaconflenti.it/Butera/poesiebutera.htm