St. Paul's Bay

Dâ Wikipedia, la nciclupidìa lìbbira.

St.Paul's Bay (o San Pawl Il-Baħar 'n lingua maltisa) è situata ntâ zona nord-est di l'ìsula di Malta, a 16 chilòmitri dâ capitali Valletta, ntê banni di Buġibba e Qawra.

Lu sò nomu si rifirisci ô naufraggiu di Santu Paulu, prisenti nti l'Atti di l'Apòstuli, ntê ìsuli situati ntâ plaja, ca vèninu chiamati appuntu St.Paul Isles (Ìsuli di Santu Paulu).

Li lucalità di Burmarrad, Qawra, Buġibba, Xemxija, Mselliet e San Martin, accussì comu parti di Bidnija, Mistra e Għajn Tuffieħa fòrmanu lu Cunzigghiu Lucali di San Pawl Il-Baħar. La zona si stenni pi 14,47 km².

La pupulazzioni risidenti ntô 2002 era di quasi 12.000 pirsuni, ca pirò pìgghianu li 60.000 quannu è lu pirìudu estivu, pi via dê villiggianti maltisi e furisteri ca vèninu ntâ zona pi trascùrriri li vacanzi.

Liami Esterni[cancia | cancia la surgenti]