Marsa Sciroccu

Dâ Wikipedia, la nciclupidìa lìbbira.
(Rinnirizzata di Marsaxlokk)
Lu portu di Marsa Sciroccu

Marsa Sciroccu ('n maltisi Marsaxlokk) è nu tradizziunali paiseddu di piscaturi situatu ntâ zona ô sud-est di Malta. Lu nomu signìfica appuntu portu ô sud-est e veni prununziatu mar-sa-shlok.

Marsa Sciroccu è unu dê porti cchiù carattirìstichi, e macari unu dê mircati cchiù ricchi di l'ìsula; di ccà jùncinu li megghiu quantitati di piscatu vinnuti ntâ l'ìsula. 'N particulari lu pisci spata, lu tunnu e la lampuca sunnu pigghiati nta abbunnanza ntô pirìudu ntra la primavera e l'autunnu. Nnô mentri dâ simana lu piscatu veni vinnutu a Valletta, di dumìnica direttamenti ntô portu.

Storia

Lu mircatu dû pisci.

Ô nord dâ plaja di Marsaxlokk s'attrova lu poju di Tas-Silġ; nti stu situ archiològgicu foru attruvati li resti dê templi megalìtichi ca acchiànanu â fasi di Tarxien, noltri ntâ zona a furriari tunnu vìnniru attruvati resti di l'Etati dû Brunzu.

Lu pirìudu cchiù mpurtanti dû situ vapi cumunqui dâ fini dû VI seculu a.C. nzinu ô I seculu a.C.. Lu poju vinìa addupiratu comu zona riliggiusa, cu nu tempiu didicatu a Astarti/Era. Vìnniru attruvati nummirusi segni dû cultu sia sutta la duminazzioni finicia sia sutta chidda greca.

Lu situ di Tas-Silġ vinni addupiratu nnô IV sèculu d.C., quannu vinni addattatu ô cristianèsimu e forsi addupiratu comu munasteru.

La pupulazzioni attuali dû paisi è di quasi 4.000 abbitanti, ntra chisti na parti sunnu didicati â pisca; ntô passatu cumunqui lu nùmmiru dê piscaturi era di assai cchiù granni.

Marsaxlokk è canusciuta principarmenti pê sò carattirìstichi varchi "cu l'occhi", li luzzu: la tradizzioni cridi ca st'occhi (d'urìggini eggizziana prutègginu la mmarcazzioni dê pirìculi.

Fu nto sta Plaja di Xlokk ca li primi Finici junceru nti l'ìsula, ntô IX sèculu a.C., e è macari ccà ca li Turchi attràccunu pê sò sacchiggiati.

Liami Esterni