San Julian's

Dâ Wikipedia, la nciclupidìa lìbbira.

San Julian's('n lingua maltisa San Ġiljan) è na cità di Malta situata ntâ costa, a nord dâ capitali Valletta, canusciuta pô turismu basta 'n capu a lucali nutturni e risturanti accintrati ntâ zona di Paceville.

Storia[cancia | cancia la surgenti]

Prima dû 1800 la zona oi divintata San Julian's era praticamenti diserta, eccettu lu Spinola Palace, la vecchia cresia e quarchi casa dê piscatura dâ zona.

Nunustanti chistu ntâ zona di Mensija vìnniru attruvati tracci di carri c'acchiànanu a l'Etati dû Brunzu, nnô distrittu di Tal-Ballut (nnô situ unni ora c'è la Cappella del Convento del Sacro Cuore) vìnniru idintificati tombi chi acchiànanu a l'itati rumana e a ta' Cieda, unni oi è situata Triq il-Korvu (Kappara), vìnniru attruvati ruini di na turri rumana e di na zona di sippillimentu saracenu.

La Vecchia Parrocchia[cancia | cancia la surgenti]

Custruiuta nnô 1580 vinni didicata a San Giulianu; 'n sècutu (nnô 1593) essennu troppu nica, vinni nteramenti ricustruiuta e di novu nnô 1730 quannu vinni abbiata 'n terra e dû novu jisata. Li dicurazzioni capitulari arristaru pirò chiddi urigginari. Di l'ùritimi ricerchi arrisurta ca la cresia vinni visitata nnô 1601 dû vìscuvu Tommaso Gargallo. N'àutra ristrutturazzioni vinni fatta nnô XIX sèculu, quannu la cresia divinìu ufficiarmenti na parrocchia.

Lu Santu Patronu[cancia | cancia la surgenti]

La cità pigghia lu nomu dû Santu Patronu, San Giulianu, canusciutu macari cô nomu Giulianu lu pòviru o Giulianu Uspitaleru. Prima dâ riforma dû Calinnariu dê Santi a San Giulianu era addidicatu lu 27 di jinnaru; oi veni fistiggiatu nveci lu 12 di frivaru, cû tuttu chistu ntê tradizziunali festi maltisi veni fistiggiatu nti l'ùrtima dumìnica di austu nzèmula a l'àutri cilibbrazzioni dû pirìudu.