Pàulu di Tarsu

Dâ Wikipedia, la nciclupidìa lìbbira.
San Paulu di Tarsu

Paulu di Tarsu, canusciutu macàri comu San Pàulu, (nascìu a Tarsu tra lu 5 e lu 10 d.C., e murìu màrtiri a Roma ntô 67). Fu n'apòstulu chiamatu ô sacru sirvizu na para d'anni doppu ca murìu Gesù Cristu e fù lu principali missiunàriu dû vangelu. Accuminciàu li sô viaggi missiunàrii a partiri dô 48 o 49 d.C. e viaggiau prima ntâ l'Asia Minuri (ca è la Turchia di oi), appoi passau lu strittu e sbarcau nta lu solu europèu agghicannu a Filippi, a Tissalonica, e appoi nzinu a Corintu. Turnatu a Girusalemmi vinni arristatu e purtatu a Cisarea unni stesi dui anni carzaratu. Addumannau appoi d'èssiri giudicatu direttamenti di lu mpiraturi rumanu (s'appillau a Cèsari). Ntô 60 d.C. fu mbarcatu supra na navi rumana cu na scorta di surdati; duranti lu viaggiu attraversu lu Mari Meditirraniu, na timpesta fici naufragari la navi, ma si sarvaru tutti pigghiannu terra a Malta, unni, secunnu l'Atti dî l'Apostuli, fu auturi di nu miràculu. Appoi fici tappa a Sarausa, ntâ Sicilia sud-urientali, e poi a Riggiu Calabbria prima d'acchianarasinni ammeri lu cuntinenti nzinu a Puzzuoli. Cuntribbuìu assai â diffusioni nizziali dû cristianèsimu, e diversi loca, lu cui nomu si pò rifiriri a San Paulu, tistimònianu lu sò passaggiu oppuru di l'òpira di li sò cullaburaturi fideli.

San Pàulu assennu citatinu rumanu appi lu privileggiu di na morti lesta; ci vinni tagghiata la testa nta la Via Ostiensi a Roma. Nta la zzona Ostiensi oi c'è na granni basìlica a iddu didicata.

Talìa puru[cancia | cancia la surgenti]