Mozzia
Mòzzia (Mothia, 'n latinu; Mozia, in italianu) è na isuledda finiciu-pùnica ntô centru di lu stagnuni di Marsala, nu trattu di mari quasi chiusu e vasciu, a cchiù picca di nu chilòmitru dâ punta di terra chiù vicina di Marsala, ora riserva naturali, stisa circa 10 sarmi.
Storia
[cancia | cancia la surgenti]La sò esistenza fu muntiviata di Tucididi chi situa la funnazzioni ô sèculu VIII/VII a.C. Addiventa lu chiù mpurtanti centru pùnicu dâ Sicilia, cuntisu dî greci e dî cartaginisi. Nnô 397 a.C. veni distrutta di Dionisiu lu vecchiu di Sarausa; li muzziani scappanu e nnâ terraferma di frunti fùnnanu Lylibeum, ora Marsala; accussì Mozzia sparisci di la storia.
Archiuluggìa
[cancia | cancia la surgenti]Sulu nnô sèculu scursu si scupri chi l'isuledda di San Pantaleu è l' antica Mozzia. L'isuledda è un veru e propiu museu archiulòggicu a l'apertu: è tutta ruvini antichi, circundata di na cinta muraria cu turri e porti e cu na strata lastricata sutta l'acqua dû mari chi la cullega a la terraferma.
.png)
China di abbitazioni finicî e grechi: la Necròpuli; lu Tofet: un santuariu pî riti sacrificali; lu Kothon: un purticeddu artificiali scavatu a l'internu di l'isuledda cû funnu lastricatu; un Museu chinu di cosi antichìssimi e mpurtantìssimi e cu na statua greca truvata a Mozzia nnô 1979 di straurdinaria biddizza: un picciottu affimminatu vistutu cu nna tùnica plissittata chi strinci e sàguma lu corpu.
Pi sapìrinni chiossai
[cancia | cancia la surgenti]
| Siti archiològgichi dâ Sicilia | |
|---|---|
|
Adranon (Adranu) • Akragas (Girgenti) • Akrai (Palazzolu Acrèidi) • Akrillai • Antichità di Catania • Casmeni • Castellucciu • Catacummi di Sarausa • Cava d'Ispica • Cefalù • Centuripe • Culli Maduri • Cullina di Sant’Ippòlitu • Eloru • Eraclea Minoa • Imera • Kamarina • Marsala • Megara Hyblaea • Morgantina • Mozzia • Munti Adranuni • Notu Antica • Pantalica • Parcu Archiòloggicu dâ Neapolis • Sammuca Zabut. • Seggesta • Silinunti • Thapsos • Ustica • Villa Rumana dû Casali (Chiazza) • Villa Rumana di Castruriali • Villa rumana dû Tellaru • Voscu Littòriu-Ampòriu arcàicu-Gela |
