Megara Hyblaea

Dâ Wikipedia, la nciclupidìa lìbbira.
Lu situ di Megara Hyblea.

Megara Hyblaea è lu nomu di n'antica Culonia greca n Sicilia; s'attrova ntê vicinanzi di Austa. Lu sò nomu veni dô re sìculu Hyblone di Pantàlica.

Funnazzioni[cancia | cancia la surgenti]

« Propria nti ddu pirìudu Lamide agghicò a Megara, n Sicilia, a la guida di na culonia e a nord dô ciumi Pantachio funnò na nica citati, dànnucci Trotilo comu nomu. Cchiù tardi passò a Liuntini unni, pi picca tempu, si spartìu chê Calcidesi la dirizzioni pulìtica di dda culonia; jittatu fora di li Calcidesi, funnò Tapso e docu morsi, mentri li soi, mannati di Tapso, allisteru Megara, chiamata Iblea, picchì lu re di li Sìculi Ibloni avìa cuncidutu a iddi la terra, e ci l'avìa videmma cunnuciuti di prisenza. E pi ducentuquarantacincu anni fu la sò sedi, nzinu a quannu Giloni, tirannu di Sarausa li mannò dâ sò citati e dô sò cuntadu. »
(La Guerra dô Pilupunnesu, IV libbru, Tucididi)

Vinni funnata ntô 728 a.C. di culunizzatura megarisi, ca s'avìanu stabbilutu n pricidenza ammeri Trotilon (ora Bruculi), Lintini e a Thapsos

Tucididi dici ca vinni funnata di l'icista Lamis, ca vinìa di Megara Nisea, murutu a Thapsos. Secunnu la tradizzioni, lu funnaturi uttinnìu la terra unni allèstiri la culonia dô re sìculu Ibloni. N segnu di ringrazziamentu la nova citati assumìu videmma lu nomi di Iblea. Centu anni doppu, li iblei, macari circannu nu novu locu ô quali addistinari lu sô sviluppu, funnaru Selinunti.

Storia dâ citati[cancia | cancia la surgenti]

Mai ha apparutu comu na citati mpurtanti, comu mai ha trajutu vantaggiu dâ sò pusizzioni. Vinni addistruggiuta di Giruni ntô 481 a.C. . Ntâ spidizzioni atenisi contru Sarausa (415-413 a.C.), Lamacu prupunìu di farila basi di l'asèrcitu atenisi; ma la sò prupunuta nun vinni accugghiuta nzinu a quannu li sarausani stissi nun la furtificaru. Ntô 309 a.C. vinni fortificata n'autra vota.

Duranti la secunna guerra punica vinni distruggiuta di li truppi dô cunsuli Marcu Claudiu Marceddu ca jìa a assediari Sarausa. La citati mai cchiù vinni arricustruita.

Sicunnu cirtuni autori, idda fu la citati ca desi lu natali a lu cummediògrafu Epicarmu.

Bibbliugrafìa[cancia | cancia la surgenti]

  • Paolo Orsi in Monumenti dei Lincei (1891), i. 689-950; e Atti del congresso delle scienze storiche, v. 1 81 (Roma, 1904).
  • Coarelli-Torelli, Guida archeologica della Sicilia, (Bari, 2000)
  • Vallet-Villard-Auberson, Guide de Megara Hyblaea, (Roma, 1983)

Lijami di fora[cancia | cancia la surgenti]

Vuci Cunzigghiati[cancia | cancia la surgenti]


Siti archiològgichi dâ Sicilia
Agrigent BW 2012-10-07 13-09-13.jpg

Adranon (Adranu)  • Akragas (Girgenti) • Akrai (Palazzolu Acrèidi) • Akrillai • Antichità di Catania • Casmeni • Castellucciu • Catacummi di Sarausa • Cava d'Ispica • Cefalù • Centuripe • Culli Maduri • Cullina di Sant’Ippòlitu • Eloru • Eraclea Minoa • Imera • Kamarina  • Marsala • Megara Hyblaea • Morgantina • Mozzia • Munti Adranuni • Notu Antica • Pantalica • Parcu Archiòloggicu dâ Neapolis • Sammuca Zabut. • Seggesta • Silinunti • Thapsos • Ustica • Villa Rumana dû Casali (Chiazza) • Villa Rumana di Castruriali • Villa rumana dû Tellaru • Voscu Littòriu-Ampòriu arcàicu-Gela

Wikimedaglia
Chista è na vuci nzirita nni l'artìculi n vitrina, veni a diri ca è una dî mègghiu vuci criati dâ cumunità.
Fu ricanusciuta nnô 13 di sittèmmiru 2009

S'hai traduciutu n'artìculu o hai criatu na vuci e riteni ca sia lu casu di fàrila canùsciri picchì è cumpreta n tuttu, signàlila. Naturalmenti, sunnu boni accittati suggirimenti e canciamenti chi mìgghiùranu lu travagghiu.

Signala na vuci          Archiviu         Vidi tutti l'artìculi n vitrina