Di Wikipedia, la nciclupidìa lìbbira.

Grecu (lingua greca Ελληνικά) esti na lingua innu-aurupea cu 3500 anni di storia, oi parrata di 16 milioni abbitanti ntra Recia, Cipru, Burgarìa, Arbanìa, e Turchìa. Li tanti cumunitati migrati unni si parra la lingua ncrùdinu Melbourne, Australia quali havi la terza cchiù ranni pupulazzioni reca dû munnu, appoi Ateni e Saluniccu. Na varianti dâ lingua reca, lu grecu-càlabbru, era parrata pi sèculi ntra Sicilia e ntrô sud di la Talia, e oi quarchi migghiaru di cristiani la pàrranu ancora.

[cancia] Nfruenza dâ lingua greca ntrâ lingua siciliana

Li siquenti palori siciliani sunnu d'urìggini greca (cuntinuti l'asempi unni nun esti chiaru siddu la palora scippa pi dirittu dû grecu o dû latinu):

• appizzari - ruvinari, jiri mali (comu na frutta) (veni dû grecu (eks) èpeson)
• babbiari - (veni dû recu babazo, ca urìina midemma li palori: babbazzu e babbu - stùbbidu; dû latinu babalus e dû spagnolu babieca)
• bucali - pitcher (veni dû grecu baukalion)
• bùmmulu - ricipienti d'occa (dû grecu bombylos; o dû latinu bombyla)
• cartedda - cistinu (dû grecu kartallos; o dû latinu cratellum)
• carusu - picciottu (dû grecu kouros; o dû latinu carus - cristianu caru, dû sanscritu caruh - cristianu amichìvuli, amicu)
• casèntaru - vermi suttirraniu (dû grecu gas enteron)
• cirasa - fruttu rubbiu (dû grecu kerasos; o dû latinu cerasum)
• cona - icona, mmàini, mitàfura (dû grecu eikyon; o dû latinu icona)
• cuddura - esti nu tipu di pani (dû grecu kollyra; o dû latinu collyra)
• grasta - vasu di sciura (dû grecu gastra; o dû latinu gastra)
• naca - jazzu pî picciriddi (dû grecu nake)
• ntamari - maravigghiari, (dû grecu thambeo; dû calabbrisi tàmmaru ca signìfica loccu, veni di l'àrabbu tammar cummircianti, vinnituri)
• pistiari - manciari (dû grecu apestiein)
• tuppuliari - bussari (dû grecu typto).