Naca

Dâ Wikipedia, la nciclupidìa lìbbira.
Naca antica

La naca è nu lettu nicu pî neunati e pî picciriddi nichi. Li nachi hannu la carattirìstica spicìfica di aviri prutezzioni di latu contra li caduti duranti lu sonnu. Li nachi tradizziunali avìanu pedi menzi rutunni ca sirvìunu p'annacari e accussì favuriri lu sonnu dû picciriddu. Mmeci, ê jorna nostri, la maiuranza havi jammi nurmali chî roti. Chisti servunu pi dù cosi: la mubbilitati e l'annacamentu.

La naca (Le berceau, 1872, Orsay) di Berthe Morisot. Asempiu di na naca cû cummogghiu di stoffa

Cci sunnu tanti mudelli di naca fabbricati cu matiriali diversi: lignu, pràstica, mitallu, ecc. Quarchi naca nica dî neunati havi ncurpuratu na speci di tettu fattu di robbi stinnuti pi prutèggiri lu picciriddu dâ luci o macari comu sèmprici estètica. Pò aviri macari lazzi d'unni appennulìa na campanedda o àutri elementi sia sunori ca mobbili (cu elementi ca si mòvunu pi scuncintrari lu picciriddu). Pi rènniri quarchi naca piacèvuli â vista, certuni su' azzizzati cu pizzi, nocchi, ciocca e àutri uggetti estètici.

Li mudelli di naca pî picciriddi nzinu ê tri o quattru anni sunnu cchiù granni e hannu li lati cchiù àuti pi privèniri sàuti o caduti. Nta arcuni casi, na pareti si pò livari o scugnari pi tràsiri e nèsciri megghiu lu picciriddu, senza sforzu.

Li nachi ùsanu ô spissu nu matarazzu di scuma tagghiatu câ forma giusta pi jèssiri cchiù còmitu dî molli.

Naca di viaggiu. Naca ca si pò chicari usata pî viaggi. La struttura si chica supra a idda stissa pi occupari menu spazziu pussìbbili.

Wikimedaglia
Chista è na vuci nzirita nni l'artìculi n vitrina, veni a diri ca è una dî mègghiu vuci criati dâ cumunità.
Fu ricanusciuta nnô 10 di austu 2011

S'hai traduciutu n'artìculu o hai criatu na vuci e riteni ca sia lu casu di fàrila canùsciri picchì è cumpreta n tuttu, signàlila. Naturalmenti, sunnu boni accittati suggirimenti e canciamenti chi mìgghiùranu lu travagghiu.

Signala na vuci          Archiviu         Vidi tutti l'artìculi n vitrina