Joca di li Ìsuli
|
Sta pàggina è òrfana, zzuè nun àvi lijami a tràsiri.
Pi favuri, agghiunci na lijami a sta pàggina e scancella st'abbisu. |
Li Joca di li Ìsuli (Jeux des îles 'n francisi) è nu eventu spurtivu juvanili annuali ca prividi la cumpitizzioni ntra atleti ca rapprisèntanu li cchiù mpurtanti ìsuli, ccu suvranitati o senza, ntî diversi disciplini ulìmpichi. La manifistazzioni è urganizzata di lu Cumitatu d'Urganizzazzioni di li Joca di li Ìsuli ('n francisi Comité d'Organisation des Jeux des Iles, COJI).
Storia di li Joca
[cancia | cancia la surgenti]La pinzata di sprimintari li Joca di li Ìsuli comu strummentu di ntigrazzioni ntra li carusi cci vinni già ntî lu 1989 a Pierre Santoni, prisidenti di lu Cumitatu Riggiunali ulìmpicu e spurtivu di la Còrsica. Sulu ntî l'Aprili 1997 pirò, ccu l'ajutu di lu Rapprisintanti di lu Cuvernu di li Baliari Marcel Li Got Ramis, la sò pinzata pigghiau corpu e ntî lu Giugnu di lu stissu annu si fici la I Edizzioni di li Joca: comu era giustu fu scigghiuta comu ìsula uspitanti la patria di lu funnaturi, giustu appostu la Còrsica e sparti participaru macari Madera, la Sicilia e la Sardigna.
Ntî lu uttùviru 1997 a Funchal, ntî l'ìsula di Madera, vinni stabbilutu lu calannariu annuali di li Joca, ca scigghiva li sedi uspitanti nzinu a lu 2004: la II Edizzioni s'avissi fattu arreri in Còrsica, appui 'n Sicilia (1999), Madera (2000), Baliari (2001), Sardigna (2002), Azzorri (2003) e Canarii (2004).
Ntî lu Frivaru 1998 ad Ajacciu 'n Còrsica vinni sprimintatu 'n manera ufficiali lu Cumitatu d'Urganizzazioni di li Joca di li Ìsuli (COJI), cci participàvanu Azzori, Baliari, Canarii, Còrsica, Madera, Malta, Sardigna e Sicilia, ccu l'aduzzioni di lu Statutu e di lu Rigulamentu Nternu.
Ntî lu 2000 participaru a lu COJI li ìsuli di Capu Virdi (prima ìsula no eurupea) e Creta.
Ntî lu 2001 anveci pigghiaru parti di lu Cumitatu macari li ìsuli di Corfù e Martinica.
Ntî lu Uttùviru 2001 Juan Antonio Samaranch vinni numinatu Prisidenti d'Unuri di lu COJI e trasìu a fàrini parti puru l'ìsula di Guadalupa. L'edizzioni di lu 2005 fu fatta a Creta e chidda di lu 2006 a Martinica: sta ìsula pirò arrinunziau a urganizalla e l'edizzioni vinni fatta 'n Sicilia.
Ntî lu 2002 s'arriggistra l'adisioni a li Joca di li Ìsuli di Wight, Riunioni e Mayotte.
Ntî lu 2004 fu l'annu di l'adisioni di l'ìsula di Jersey, mentri ntî lu 2006 traseru l'ìsula cruata di Curzola e l'Ìsula d'Elba.
Edizzioni
[cancia | cancia la surgenti]
.svg){kind=small}
Edizzioni futuri
[cancia | cancia la surgenti]Ntî li riunioni di lu COJI di lu 25 di Maju 2010 a São Miguel (Azzorri) hannu statu pinzati li sedi di li pròssimi edizzioni, ca hannu a èssiri cunfirmati ntî li pròssimi riunioni:
.svg){kind=small}
Participanti
[cancia | cancia la surgenti]Ntî li quattordici edizzioni lu nùmmiru di li ìsuli participanti hà canciatu di vota in vota, datu ca li diligazzioni nun sunnu ubbligati a participari a l'eventu. Sunnu cumunqui 23 li ìsuli scrivuti a lu COJI ca hannu participatu comu mìnimu a n'edizzioni:
Azzorri
Baliari
Canarii
Capu Virdi
Cipru- Corfù
Còrsica
Creta
Isula d'Elba
Ìsuli Fær Øer
Gibbilterra
Guadeloupe
Aiti
Jersey
Curzula
Madera
Malta
Martinica
Mayotte
Pulinesia francisi- Riunioni
Sardigna
Sicilia
Ìsula di Wight
Di sinnalari puru la prisenza di Gibbilterra, ca macari ca nun è n'ìsula participau ad assai edizzioni, picchì cunzidiratu tirritoriu nnipinnenti e "isulatu".
Disciplini
[cancia | cancia la surgenti]Li disciplini misi 'n manera ufficiali ntî lu calannariu di ogni edizzioni di la manifistazzioni sunnu chiddi ca vèninu appressu:
_pictogram.svg){kind=small}
_pictogram.svg){kind=small}
Abbisogna pricisari ca, ppi sparagnari supra li costi ogni sìngula spidizzioni e ppi fari arrinèsciri l'edizzioni ntî picca jorna, li sport di squatra hannu ad altrinanza lu turneu masculinu e chiddu fimmininu: ntî l'anni pari si fannu li turnei di volley masculinu e basket fimmininu, a la riversa ntî l'anni spari si fannu li turnei di volley fimmininu e basket masculinu.
Sparti ntî li diversi edizzioni s'hannu sicutu diversi turnei di disciplini cunzidirati comu "dimustrativi" comu:
- Bocci
Càuciu a 7/Palluni a 7
Badminton
Canuttaggiu
Kung Fu
Karate
Rugby
Jisamentu Pisi- Scacchi
- Taekwondo
Tiru ccu l'arcu
Disciplini ppi disàbbili
[cancia | cancia la surgenti]A pàrtiri di l'edizzioni siciliana di lu 2011 ppi la prima vota traseru cirtiduni disciplini ppi disàbbili. Li primi ppi sta edizzioni sunnu:
Albu d'Oru
[cancia | cancia la surgenti]A diffirenza di àutri manifistazzioni multidisciplinari (comu li Ulimpiadi) tutti li disciplini, nun sulu dùnanu midagghi ppi ogni spicialitati, ma vannu a stabbiliri na classìfica a punti ca appui veni a scigghiri lu vincituri di tutta la manifistazzioni. Lu A differenza di autri manifestazzioni multidisciplinari (comu li Joca Olimpici) tutti li disciplini, nun sulu consegnunu medagghi pi ogni specialità, ma fanu macari a classifica a punti. L'Albu d'Oru nzinu p'accamora è chistu ccà:
| Squatra |  |
 |
 |
Tot. |
|---|---|---|---|---|
| Sicilia | 6 | 1 | 1 | 8 |
| Canarii | 5 | 6 | - | 11 |
| Sardigna | 1 | 4 | 5 | 10 |
| Isuli Baliari | 1 | 2 | 2 | 5 |
| Madeira | - | - | 2 | 2 |
| Martinica | - | - | 1 | 1 |
| Creta | - | - | 1 | 1 |
| Guadalupa | - | - | 1 | 1 |