Joca di li Ìsuli

Dâ Wikipedia, la nciclupidìa lìbbira.

Li Joca di li Ìsuli (Jeux des îles 'n francisi) è nu eventu spurtivu juvanili annuali ca prividi la cumpitizzioni ntra atleti ca rapprisèntanu li cchiù mpurtanti ìsuli, ccu suvranitati o senza, nti diversi disciplini ulìmpichi. La manifistazzioni è urganizzata di lu Cumitatu d'Urganizzazzioni di li Joca di li Ìsuli ('n francisi Comité d'Organisation des Jeux des Iles, COJI).

Storia di li Joca[cancia | cancia la surgenti]

La pinzata di sprimintari li Joca di li Ìsuli comu strummentu di ntigrazzioni ntra li carusi cci vinni già nti lu 1989 a Pierre Santoni, prisidenti di lu Cumitatu Riggiunali ulìmpicu e spurtivu di la Còrsica. Sulu nti l'Aprili 1997 pirò, ccu l'ajutu di lu Rapprisintanti di lu Cuvernu di li Baliari Marcel Li Got Ramis, la sò pinzata pigghiau corpu e nti lu Giugnu di lu stissu annu si fici la I Edizzioni di li Joca: comu era giustu fu scigghiuta comu ìsula uspitanti la patria di lu funnaturi, giustu appostu la Còrsica e sparti participaru macari Madera, la Sicilia e la Sardigna.

Nti lu uttùviru 1997 a Funchal, nti l'ìsula di Madera, vinni stabbilutu lu calannariu annuali di li Joca, ca scigghiva li sedi uspitanti nzinu a lu 2004: la II Edizzioni s'avissi fattu arreri in Còrsica, appui 'n Sicilia (1999), Madera (2000), Baliari (2001), Sardigna (2002), Azzorri (2003) e Canarii (2004).

Nti lu Frivaru 1998 ad Ajacciu 'n Còrsica vinni sprimintatu 'n manera ufficiali lu Cumitatu d'Urganizzazioni di li Joca di li Ìsuli (COJI), cci participàvanu Azzori, Baliari, Canarii, Còrsica, Madera, Malta, Sardigna e Sicilia, ccu l'aduzzioni di lu Statutu e di lu Rigulamentu Nternu.

Nti lu 2000 participaru a lu COJI li ìsuli di Capu Virdi (prima ìsula no eurupea) e Creta.

Nti lu 2001 anveci pigghiaru parti di lu Cumitatu macari li ìsuli di Corfù e Martinica.

Nti lu Uttùviru 2001 Juan Antonio Samaranch vinni numinatu Prisidenti d'Unuri di lu COJI e trasìu a fàrini parti puru l'ìsula di Guadalupa. L'edizzioni di lu 2005 fu fatta a Creta e chidda di lu 2006 a Martinica: sta ìsula pirò arrinunziau a urganizalla e l'edizzioni vinni fatta 'n Sicilia.

Nti lu 2002 s'arriggistra l'adisioni a li Joca di li Ìsuli di Wight, Riunioni e Mayotte.

Nti lu 2004 fu l'annu di l'adisioni di l'ìsula di Jersey, mentri nti lu 2006 traseru l'ìsula cruata di Curzola e l'Ìsula d'Elba.

Edizzioni[cancia | cancia la surgenti]

Olympic flag.svg
Joca di li Ìsuli
- 1997 I Joca di li Ìsuli Ajaccio Flag of Corsica.svg
Còrsica
- 1998 II Joca di li Ìsuli Ajaccio Flag of Corsica.svg
Còrsica
- 1999 III Joca di li Ìsuli Palermu Flag of Sicily.svg
Sicilia
- 2000 IV Joca di li Ìsuli Funchal Flag of Madeira.svg
Madeira
- 2001 V Joca di li Ìsuli Palma di Majorca Flag of the Balearic Islands.svg
Baliari
- 2002 VI Joca di li Ìsuli Càgghiari Flag of Sardinia.svg
Sardigna
- 2003 VII Joca di li Ìsuli São Miguel Flag of the Azores.svg
Azzorri
- 2004 VIII Joca di li Ìsuli Las Palmas de Gran Canaria Flag of the Canary Islands.svg
Canarii
- 2005 IX Joca di li Ìsuli Iraklio Flag of Cretan State.svg
Creta
- 2006 X Joca di li Ìsuli Palermu Flag of Sicily.svg
Sicilia
- 2007 XI Joca di li Ìsuli Ajaccio Flag of Corsica.svg
Còrsica
- 2008 XII Joca di li Ìsuli Basse-Terre Flag of Guadeloupe (local).svg
Guadalupa
- 2009 XIII Joca di li Ìsuli Palma di Majorca Flag of the Balearic Islands.svg
Baliari
- 2010 XIV Joca di li Ìsuli São Miguel Flag of the Azores.svg
Azzorri
- 2011 XV Joca di li Ìsuli Palermu Flag of Sicily.svg
Sicilia
- 2012 XVI Joca di li Ìsuli Càgghiari Flag of Sardinia.svg
Sardigna

Edizzioni futuri[cancia | cancia la surgenti]

Nti li riunioni di lu COJI di lu 25 di Maju 2010 a São Miguel (Azzorri) hannu statu pinzati li sedi di li pròssimi edizzioni, ca hannu a èssiri cunfirmati nti li pròssimi riunioni:

Olympic flag.svg
Edizzioni futuri
- 2013 XVII Joca di li Ìsuli Portoferraio Bandiera Elba.svg
Isula d'Elba
- 2014 XVIII Joca di li Ìsuli Mamoudzou Flag of Mayotte (local).svg
Mayotte
- 2015 XIX Joca di li Ìsuli Curzola Flag of Dalmatia.gif
Curzula
- 2016 XX Joca di li Ìsuli Papeete Flag of French Polynesia.svg
Pulinesia francisi

Participanti[cancia | cancia la surgenti]

Nti li quattordici edizzioni lu nùmmiru di li ìsuli participanti hà canciatu di vota in vota, datu ca li diligazzioni nun sunnu ubbligati a participari a l'eventu. Sunnu cumunqui 23 li ìsuli scrivuti a lu COJI ca hannu participatu comu mìnimu a n'edizzioni:

Di sinnalari puru la prisenza di Gibbilterra, ca macari ca nun è n'ìsula participau ad assai edizzioni, picchì cunzidiratu tirritoriu nnipinnenti e "isulatu".

Disciplini[cancia | cancia la surgenti]

Li disciplini misi 'n manera ufficiali nti lu calannariu di ogni edizzioni di la manifistazzioni sunnu chiddi ca vèninu appressu:

Abbisogna pricisari ca, ppi sparagnari supra li costi ogni sìngula spidizzioni e ppi fari arrinèsciri l'edizzioni nti picca jorna, li sport di squatra hannu ad altrinanza lu turneu masculinu e chiddu fimmininu: nti l'anni pari si fannu li turnei di volley masculinu e basket fimmininu, a la riversa nti l'anni spari si fannu li turnei di volley fimmininu e basket masculinu.

Sparti nti li diversi edizzioni s'hannu sicutu diversi turnei di disciplini cunzidirati comu "dimustrativi" comu:


Disciplini ppi disàbbili[cancia | cancia la surgenti]

A pàrtiri di l'edizzioni siciliana di lu 2011 ppi la prima vota traseru cirtiduni disciplini ppi disàbbili. Li primi ppi sta edizzioni sunnu:

Albu d'Oru[cancia | cancia la surgenti]

A diffirenza di àutri manifistazzioni multidisciplinari (comu li Ulimpiadi) tutti li disciplini, nun sulu dùnanu midagghi ppi ogni spicialitati, ma vannu a stabbiliri na classìfica a punti ca appui veni a scigghiri lu vincituri di tutta la manifistazzioni. Lu A differenza di autri manifestazzioni multidisciplinari (comu li Joca Olimpici) tutti li disciplini, nun sulu consegnunu medagghi pi ogni specialità, ma fanu macari a classifica a punti. L'Albu d'Oru nzinu p'accamora è chistu ccà:

Squatra Gold medal.svg Silver medal.svg Bronze medal.svg Tot.
Sicilia 6 1 1 8
Canarii 5 6 - 11
Sardigna 1 4 5 10
Isuli Baliari 1 2 2 5
Madeira - - 2 2
Martinica - - 1 1
Creta - - 1 1
Guadalupa - - 1 1

Liami esterni[cancia | cancia la surgenti]