Taekwondo

Dâ Wikipedia, la nciclupidìa lìbbira.

Lu Taekwondo e n'arti marziali coriana basata principalmenti supra l'usu di li gammi, lu cui nomu signìfica "arti dî càuci e dî pugni".

Stu luttatura di Taekwondo esequi un càuciu latirali supra di li davoli di lignu, spizzànnuli.

La Storia[cancia | cancia la surgenti]

L'antichitati[cancia | cancia la surgenti]

Ntô VI sèculu la Corea era divisa 'n tri stati: Silla, Koguryo e Paekche. Lu regnu di Silla era amminazzatu di li guirreri Koguryo, e lu re Chingchung sapìa chi lu sò asèrcitu nun avissi statu 'n gradu d'affruntari la nvasioni. Lu re si rivolci tantu ô mònacu buddista Won Kwang Bopsa, chi istituisci 'n brevi tempu n'òrdini di guirrieri chiamatu Hwarang ("Ciuri dâ picciuttanza"). A sti guirrieri, scigghiuti tra li giùvini nòbbuli dû regnu, veni nzignatu un sistema di cummattimentu chiamatu Taekkyeon ("cummattimentu cu li gammi"). Li membri du Hwarang sunnu aducati secunnu li principi dâ filosufìa buddhista e sèquinu un còdici d'onuri li cui cincu punti funnamintali sunnu:

  1. lialtati versu la patria
  2. lialtati versu li propri ginitura
  3. fratillanza e fiducia ricìpruca tra li membri du Hwarang
  4. curaggiu: mai ritiràrisi di frunti ô nimicu
  5. senzu di giustizzia: mai sacrificari na vita senza na vàlida raggiuni

Grazzi ê guirreri du Hwarang, la dinastìa Silla arrinesci a addifinnìrisi di l'attaccu dî nvasura e succissivamenti li tri regni sunnu unificati. L'arti du Taekkeyon cuntìnua a èssiri praticata di li militari coriani.

L'occupazzioni giappunisa e la scissioni dâ Corea[cancia | cancia la surgenti]

Ntô 1910 lu Giappuni nvadi la Corea, vietannu la pràttica d'ogni arti marziali. Arcuni marzialisti emìgranu 'n Giappuni p'apprìnniri l'arti lucali, àutri cuntìnuanu a pratticari lu Taekkyeon clannistinamenti. Ô tèrmini dâ secunna guerra munniali lu Giappuni, scunfittu, arritira li sò truppi di la Corea, chi torna a èssiri lìbbira accusì comu la pràttica di l'arti marziali: nàscinu accussì diversi scoli graputi a tutti.

La nàscita du Taekwondo[cancia | cancia la surgenti]

Parallilamenti a sti crisi pulìticu-suciali avveni na crisi di li arti marziali: si sunnu sviluppati nfatti assai stili diffirenti chi hannu sùbbutu pisantimenti la nfruenza giappunisa.

Ntô 1955 veni nditta n'assimbrea, cu la ntinzzioni di riuniri sti stili nta n'ùnica arti marziali: lu ginirali di l'asèrcitu Choi Hong Hi pruponi lu nomu Taekwon-Do, chi veni aduttatu ufficiarmenti ntô 1958.

'N sècuitu a na divirgenza d'opinioni, lu ginirali Choi stàbbili l'ITF (International Taekwon-Do Federation), mentri Un-Yong Kim ntô 1973 stàbbili la WTF (World Taekwondo Federation): li dui fidirazzioni hannu stili, regulamenti e prugrammi distinti.

'N Italia: l'ITF (International Taekwon-Do Federation) e rapprisintata di la FITAE, mentri la WTF (World Taekwondo Federation) e rapprisintata di la FITA

lu Taekwondo comu sport olimpiònicu[cancia | cancia la surgenti]

L'edizzioni di li Olimpìadi du 1988 veni ospitata a Seul, la capitali dâ Corea du Sud. Pi la prima vota lu Taekwondo (WTF) cumpari a l'olimpìadi comu sport dimustrativu, accussì comu accadi a Barcellona ntô 1992. Nta l'edizzioni di Sydney 2000 diveni sport olìmpicu ufficiali. L'ùrtima edizzioni (Ateni 2004) havi vistu un gran sèguitu di pùbbricu cu lu palazzettu sempri curmu di genti grazzi â granni passioni dî greci pi stu sport.

Lu Taekwondo spurtivu[cancia | cancia la surgenti]

Li cummattimenti di Taekwondo (stili WTF) si svòrcinu supra un campu quatratu di 12x12 m, tra dui attileti muniti di prutizzioni: lu curpettu o curazza, lu caschettu, paratibbi e paraavambracci, cunchigghia e paradenti 'n gomma (tipu boxe). Lu cummattimentu è articulatu 'n tri round di tri minuti ognadunu o di dui minuti ognadunu (addipenni di lu tipu di gara), cu na pàusa d'un minutu, mentri pi li fìmmini lu round dura sulu dui minuti (macari ccà addipenni di la gara). L'attileta pi fari punti havi a curpiri l'avvirsariu supra lu curpettu cu tècnichi di càuciu e pugnu (1 puntu), oppuri ô visu cu na tècnica di càuciu (2 punti). Un puntu addizziunali è assignatu siddu l'avvirsariu subbisci fortimenti lu corpu, e l'arbitru nizzia a cuntari. Lu cuntattu è chinu e nun c'è lìmiti dî corpi finchì nun si prucedi a n'attaccu fallusu o na quarsiasi àutra cosa chi richiedi lu ntirventu di l'arbitru. Lu cummattimentu pò èssiri vintu e punti, o pi Knock Down. 'N casu di paritati assuluta ô tèrmini dû terzu round s'effèttua un 4° round d'un minutu 'n cui vinci chi fa lu primu puntu (Golden Kick). Siddu ô tèrmini du 4° round c'e ancora paritati vinci chi otteni la prifirenza arbitrali (pi supiriuritati tècnica o n'àutru mèritu acquisutu).

Culligamenti esterni[cancia | cancia la surgenti]

Commons
Lu Wikimedia Commons havi 'na catigurìa cca conteni media su Taekwondo

WTF:


ITF (International Taekwon-Do Federation):


SITI NTIRNAZZIUNALI

  • ITF (International Taekwon-Do Federation)

SITI EUROPEI

  • AETF (All Europe Taekwon-Do Federation)

SITI ITALIANI

  • FITAE (Federazzioni Italiana Taekwon-Do ITF)

ABBRUZZU

CAMPANIA

EMILIA RUMAGNA

LAZZIU

LUMMARDIA

SAN MARINU

SICILIA

TUSCANA

TRINTINU ÀUTU ADIGGI

VÈNITU